Astanada Aziyadağı YAdrolıq kooperaciya forumınıñ 18-şi Keñesi ötti
kerey.kz
11 qazanda Astanada 12 eldiñ iri lauazımdı twlğalarınıñ qatısuımen
Aziyadağı YAdrolıq kooperaciya forumınıñ (FNCA) ministrler deñgeyindegi
18-şi keñesi ötti. Eki jılda bir ret ötetin şarada «Qorşağan ortanı qorğau
üşin yadrolıq ğılım men tehnologiyalardı qoldanu» taqırıbı qarastırıldı.
Qazaqstan Respublikasınıñ energetika Ministri Qanat Bozımbaev
Keñesti alğı sözben aştı. Keñestiñ joğarı deñgeyn atap ötken Q.Bozımbaev
Aziya aymağınıñ damuı üşin onıñ mañızdılığına toqtaldı.
«Qazaqstan Aziyalıq yadrolıq kooperaciya forumınıñ qwramına 2010
jıldan beri müşe. Sodan beri elimiz wyım jwmısına belsene qatısıp keledi.
Biz atom energiyasın beybit maqsatta qoldanu boyınşa älemdegi
qoğamdastıqtarmen äriptestik ornatuğa müddelimiz», dep atap körsetti
Q.Bozımbaev.
«Forumnıñ qızmetine qatısu Qazaqstanda yadrolıq medicina salasındağı
jaña ädisterdi jäne auıl şaruaşılığına arnalğan jaña materialdar
öndirisin ilgeriletuge septigin tigizedi, radiaciyalıq qauipsizdik jäne RAQ-pen
jwmıs isteu salasındağı bizdiñ täsilderdi jañaşa bağalauğa mümkindik beredi,
zertteu reaktorların jäne elektrondıq üdetkişterdi paydalanu salasındağı
bilimimizdi keñeytedi jäne yadrolıq fizikalıq qauipsizdik pen taratpau
salasındağı dwrıs joldı tañdaudağı senimdiligimizdi nığaytadı», dep
qorıttı öz sözin Ministr.
Atap ötu kerek, 2000 jılı Japoniyanıñ Atom energiyası jönindegi
komissiyasınıñ bastamasımen Aziya-Tınıq mwhitı öñirindegi memleketter
arasındağı yadrolıq jäne radiaciyalıq tehnologiyalar salasındağı tiimdi
ıntımaqtastıqtı qamtamasız etu maqsatında Aziyadağı YAdrolıq kooperaciya
forumı (Forum for Nuclear Cooperation in Asia, FNCA) qwrıldı.
Forum Aziya elderiniñ jetekşi mamandarınıñ jıl sayınğı
konferenciyasınıñ şeşimimen qwrıldı, onıñ negizgi mindeti – yadrolıq
tehnologiyalardı jäne atom energiyasın beybit maqsatta paydalanu.
Qazirgi uaqıtta Forumğa 12 el qatısadı: Avstraliya, Bangladeş, V'etnam,
Indoneziya, Qazaqstan, Qıtay, Koreya, Malayziya, Monğoliya, Tailand, Filippin
jäne Japoniya.
Büginde FNCA-ge qatısuşı elderdiñ ıntımaqtastığı 8 bağıt boyınşa
jürgiziledi. Olar: radiaciyalıq onkologiya, mutaciyalıq selekciya, radiaciyalıq
qauipsizdik jäne radioaktivti qaldıqtarmen jwmıs isteu, fizikalıq yadrolıq
qauipsizdik jäne kepildemeler, zertteu reaktorların qoldanu,
biotıñaytqıştar, elektrondar üdetkişterin qoldanu, klimattıñ jahandıq
özgeruin zertteu.
Forum jwmısı qatısuşı elderdiñ özara is-qimılınıñ 3 deñgeyli
jüyesin qamtidı:
ministrlerdiñ qatısuımen ötetin ükimettik deñgeydegi jıl sayınğı
keñes;
üylestiruşiler men iri lauazımdı twlğalardıñ jıl sayınğı keñesi;
birlesken jobalar köşbasşılarınıñ seminarları, onda bwl
jobalardı iske asıru mäseleleri talqılanadı.
Qazaqstan Respublikası Energetika ministrliginiñ Baspasöz qızmeti
Pikir qaldıru