Ğalım Jaylıbay:Sarsümbe, Qaraköpir
kerey.kz
Osı köpirdiñ oñ bosağasına jauızdar
Zuqa batırdıñ basın birneşe kün ilip qoyğan desedi
Bozdaydı botası ölgen ğasır – ingen,
Sen meniñ alşı tüsken asığım ba eñ!
Swltanım wltan bolğan sonau jılı
Zuqanıñ bwl köpirge basın ilgen.
Bas mwnda…
qayda qalğan jansız dene?!
aynalsa opat dey ber nar süldege.
Qartaydım qara köpir sağan jetip
Altaydıñ alqasınday Sarsümbede.
Sarısümbe,
Sen ne deysiñ, Qıran özen?
Saualğa jauap tappay jıladı özen.
Jasında jazmışımnıñ tamşısı bar –
basıñda twrsa qanday mına kezeñ.
Sarğayğan sağım künge sanam ökil,
Qayısıp qayğı oylamas qala nöpir.
Ğalamnıñ ğazauatın senen kördim
Babamnıñ bası ilingen, Qaraköpir!
Jartası,
jağalauı jasıl orman,
Är tası ör Altaydıñ asıl arman.
Aqınnıñ osı ölkede şerli jırı –
Batırdıñ bwl mañayda bası qalğan.
Jalğanğa künde eleñder şerli köşim,
alğanda dürbeleñder eldiñ esin.
Sor, qayğı batırıñnıñ basın alsa –
Ol jaylı Qaraköpir,
Sen bilesiñ…
Qolımda qara kitäp,
qap-qara kün,
Uaqıttıñ şer-şemenin aqtaramın.
Qırannıñ üstindegi – Qaraköpir
Arasın bölip jatqan aq-qaranıñ.
Ayt endi,
mağan bügin,
qozğa,
sırdı!
Bilemin Ruhım ölmey tozbasımdı.
Zuqanıñ bası ilingen,
Qaraköpir –
Men senen izdep keldim öz basımdı…
Pikir qaldıru