Қолөнер көрмесі өтеді.
kerey.kz
Қолөнері дамыған қазақтың тұрмыстық заттарының тарихы өте тереңде. Ел арасындағы шеберлердің шын ықыласының арқасында бабадан қалған асыл мұрамыз көпке қайта таныла бастады. Рухнаи жаңғыруда жадыға сақтап, Ұлттық кодымызды айшықтайтын, өзгеде жоқ ерекше дүние, ол – қолдану кезінде пайдасы көп, ағаштан ойылып, ою салып сапалы жасалған қазақтың көнеден келе жатқан тұрмыстық заттары. Сан түрлі заттардың түрін тұрмақ, атауында ұмытқалы қашан? Осы олқылықтың орнын толтыру мақсатында оқушылар, студент жастарға, жалпы жұртқа үш күндік көрме көрсетілмек. Аяқ, Аяққап, Астау, Бақыраш немесе жолаушы жанында жүретін, Жанторсық, май шайқайтын Жуаз, күміспен, сүйекпен шекетулеген Зерен, Күбі – талдан, аршадан қиып жасалатын, айран, қымыз пісуге арналған іші кең ыдысты, болмаса теріден қатырып жасалынған бие сауатын шелек – Зерен ыдысын, Кеспек, Керсен, Кесекқап, одан бөлек, ағаш астаудың алпыстан астам түрімен таныса аласыз.
Мәселен, Ожау – сұйық құятын сапты ыдыс.
Мес – ас құятын, сақтайтын тері ыдыс.
Саба – жылқы терісінен тігілетін, қымыз құятын кәделі ыдыс.
Самаурын – шай қайнататын ыдыс.
Табақ – ет тартатын, кәделі, жиекті ағаш ыдыс.
Таба – отқа салып нан көметін екі бетті ыдыс.
Торсық – су, сусын құятын шағын тері ыдыс.
Тостаған – ағаш аяқтың шағын түрі.
Тегеш – металдан жасалған мескенің бір түрі.
Тегене – ағаштан жасалған шұңғыл тік жиек ыдыс.
Топатай – су, сүт құятын кішкене ыдыс.
Түйемойнақ – түйенің мойын терісінен жасалған, су құятын тозбайтын үлкен ыдыс.
Піспек – сабадағы, күбідегі асты шайқайтын дөңгелек басты сапты құрал. Шөген – шойыннан жасалған шұңғыл, қазан тәрізді ыдыс.
Шелек – су таситын, мал сауатын қаңылтыр не ағаш ыдыс.
Бие – шелек тек бие сауатын шелек.
Шәугім – құманның бір түрі.
Шара – ағаштан ойып жасаған қымыз немесе сұйық ас құятын шұңғыл тік жиек ыдыс.
Шанаш – тұз сақтайтын тері қапшық.
Қауға – құдықтан су тартатын шелек.
Табақ – тағам сақтайтын.
Керсен – ағаш табақтың үлкені.
Зағыма – түбі таяз үлкен табақ.
Сарқым – сусын құятын тұтқалы ыдыс.
Ожау – сұйық құюға арналған шөміш.
Тегене – жиектелген тік ыдыс.
Тостаған – шағын ағаш аяқ.
Самар – етсалатын үлкен астау.
Күбі – қымыз, шұбат пісетін, май шайқайтын ыдыс. Жылқының, өгіздің мойын терісінен жасалатын, қымыз қүюға арналған түрлі торсықтар. Сүйретпе – қымыз сақтайтын ыдыс.
Бөрдек – қымыз ашытатын торсық. Бұлқыншақ, меске,
шанақ – сұйық ас құятын ыдыстар.
Көнек – бие саууға арналған шүмекті ыдыс.
Шанаш – тұз сақтайтын тері қапшық. Қыштан жасалынған ыдыстар: Құмыра – ұзын мойынды тұтқалы ыдыс.
Көзе – су қүюға арналған шағын ыдыс.
Кереңке – сүт құю үшін жасалған құмыра. Халқымыз келген қонаққа қандай ыдыспен ас тартуына да ерекше мән берген. Көрме кезінде өзгеде дүниелермен жақын танысуға, атадан қалған ағаш аяққа ас құйып, ауқаттануға да болады.
Пікір қалдыру