“Qoş keldiñ, äz Naurız”
kerey.kz
El Amanaty” qoğamdıq birlestiginiñ wyımdastıruımen 21.03.2019j. “Qoş keldiñ, äz Naurız” attı bereke-birlikke, auızbirşilikke şaqıru maqsatındağı merekelik is şara Almatı qalası, Alatau meyramhanasında kündizgi uaqıt11:00~15:00 aralığında, bükil Qazaqstanğa tanımal wlt ziyalıları-qabırğalı qalamgerler men qoğam qayratkerleri, sayasatkerlerdiñ, qoğamdıq birlestik ökilderiniñ, qoğam belsendileriniñ, önerpazdardıñ qatısuımen joğarı deñgeyde ötti.
“El Amanaty” qoğamdıq birlestigi bwl merekelik is şaranı Qıtay qısımınan zardap şegip otırğan qandastarğa araşa tüsudiñ wtımdı joldarın el ağalarınıñ talqısına salu, bwl künderi bwl mäsele jöninde jaq-jaq bolıp aytısıp, birin-biri kelse-kelmes qaralap, altıbaqan alauız bolıp jürgen ağayındardı bereke-birlikke şaqıru, sonday-aq, osı uaqıtqa deyin “El Amanaty” qoğamdıq birlestiginiñ atqarğan is şaraların jäne aldağı josparların halıqqa tanıstıru maqsatında ötkizdi.
Birinşi bölip söz alğan aq iıq aqın, wlt janaşırı osı äz nauırızdı halqımen qayta qauıştırğan qayratker ağamız Mwhtar Şahanov keñes kezinde äz naurızdı 62 jıl el ömirinen şettetip, mülde tıyıp tastağanın, onı ömirge qayta äkelu üşin öziniñ qanday qadamdarğa barğanın, aqırı halıqtıñ qoldauımen qoldanısqa engizgenin erekşe tebirenispen ayta kelip, wlttıq, eldik müdde ayasında araz aştılıqtı qoyıp, qaşanda şındıq biiginen birge tabılıp, bereke birlikpen jwmıla jwmıs jasaudı amanattadı. Odan keyin qabırğalı qalamger, Qazaq köşin bastauşı halıq jazuşısı Qabdeş Jwmadilov ağamız täuelsizdik qadirine jetip, onı közdiñ qaraşığınday qorğau kerektigin ayta kelip, qandastar mäselesin halıq bolıp, bilik bolıp memilekettik deñgeyde köteru kerektigin aytıp, dastarqanğa aq batasın berdi.
Sayasatker ağalarımızdan Irısbek Särsenbaywlı, Ämirjan Qosanov qatarlı ağalarmız “El Amanaty” qoğamdıq birlestiginiñ tındırğan isterine alğıstarın ayta kelip, özderiniñ qwndı wsınıs pikirlerimen bölisti.
Aqın, jazuşı, ağalarımzdan Järken Bödeşwlı, Jädi Şäkenwlı, Mwrat Şäymaranwlı ağalarımız aq jarma tilekterin jetkizse, belgili kino rejisseri Erkin Raqışov ağamız berkeni tu ete otırıp, wlt müddesi töñireginde bölinbey-jarılmay toptasu kerektigin qadap ayttı.
Bwrın “Atajwrt” erkitilerin alğaş qwruşılardıñ biri bolğan, bwl künderi Qıtaytanu institutınıñ negizgi müşesi, şipagerlik bayandı zertteuşi Şayaqımet Qaliwlı ağamız da birlikti tu etpeyinşe eşteñe öndiruge bolmaytının basa däriptey kelip, “El Amanaty” qoğamdıq birlestiginiñ jwmısın qaşanda qoldaytının ayttı.
“Qaysar jürek” jeltoqsanşılar bilestiginiñ Törayımı Şara Bölegenova birneşe äriptesterimen qandastar mäselesinde qaşanda qoldauşı ekendikterin jetkizdi. Bwrın “Atajwrt” erkitilerinde eñbek etken, bügingi tañda “Bauırmal” qorın qwruşı jetekşileriniñ biri Jarqın Isaqanda alğıstı tilegin arnap, öz oylarımen bölisti.
“El Amanaty” qoğamdıq birlestiginiñ törağası Irısbek Toqtasınwlı merekelik is şarağa qatısqan qonaqtarğa birlestik qwrılğalı beri Qıtaydan köşip kelgen qandastardıñ oralman kuälikteriniñ uaqıtı ötip ketuine baylanıstı azamattıq ala almay jürgen mäselesi men Qıtay tölqwjattarınıñ uaqıtı ötip ketken ağayındar mäselesin köterip birneşe ret döñgelek üstel, baspasöz mäslihatın ötkizip, arnaulı qarar qabıldap, ziyalı qauım ökilderiniñ qolın qoydırıp, Sırtqı ister ministirlgine, İşki ister ministirligine, Eñbek jäne halıqtı äleumettik qorğau ministrligine, Nwr otan partiyasına, Premer ministrge joldağanın, “Otandastar” qorınıñ wyımdastıruımen respublikalıq deñgeyde ötkizilgen döñgelek üstelde bwl mäselelerdi büge-şigesine deyin jetkizip, oñtaylı şeşudiñ qwndı wsınıstarın ortağa salğanın, sonıñ nätijesinde elge oralğan qandastardıñ qwjattıq mäseleleriniñ tolıq şeşim tapqanın şüyinşiley jetkizdi. Sonday aq, Qıtayda tuıstarı sayasi üyrenu lagerinde qamauda otırğan, tölqwjattarı jinalıp alınıp qayta almay otırğan, zeynet aqısı toqtatılğan qandastardıñ arızdarı men tolıq tizimdikterin Sırtqı ister ministrligine ötkizgendigin, sonımen birge qiınşılığı bar otbasılarğa kömek körsetip, qayırımdılıq is-şaraların da qosa jürgizgendigin,
aldağı uaqıtta birlestigimiz osı mäseleler boyınşa jwmısın onan arı jalğastıra beretindigin jäne barlıq qandastardıñ berke-birlikpen jwmıla jwmıs jasau kerektigin qadap ayttı.
Sonımen “El Amanaty” qoğamdıq birlestigi ötkizgen araz-aştı bolıp jürgen ağayındardı bereke-birlikke şaqıru şarası ziyalı ağalarımızdıñ qoldauımen öte joğarı deñgeyde ötti.
Pikir qaldıru