“Қош келдің, әз Наурыз”
kerey.kz
El Amanaty” қоғамдық бірлестігінің ұйымдастыруымен 21.03.2019ж. “Қош келдің, әз Наурыз” атты береке-бірлікке, ауызбіршілікке шақыру мақсатындағы мерекелік іс шара Алматы қаласы, Алатау мейрамханасында күндізгі уақыт11:00~15:00 аралығында, бүкіл Қазақстанға танымал ұлт зиялылары-қабырғалы қаламгерлер мен қоғам қайраткерлері, саясаткерлердің, қоғамдық бірлестік өкілдерінің, қоғам белсенділерінің, өнерпаздардың қатысуымен жоғары деңгейде өтті.
“El Amanaty” қоғамдық бірлестігі бұл мерекелік іс шараны Қытай қысымынан зардап шегіп отырған қандастарға араша түсудің ұтымды жолдарын ел ағаларының талқысына салу, бұл күндері бұл мәселе жөнінде жақ-жақ болып айтысып, бірін-бірі келсе-келмес қаралап, алтыбақан алауыз болып жүрген ағайындарды береке-бірлікке шақыру, сондай-ақ, осы уақытқа дейін “El Amanaty” қоғамдық бірлестігінің атқарған іс шараларын және алдағы жоспарларын халыққа таныстыру мақсатында өткізді.
Бірінші бөліп сөз алған ақ иық ақын, ұлт жанашыры осы әз науырызды халқымен қайта қауыштырған қайраткер ағамыз Мұхтар Шаханов кеңес кезінде әз наурызды 62 жыл ел өмірінен шеттетіп, мүлде тыйып тастағанын, оны өмірге қайта әкелу үшін өзінің қандай қадамдарға барғанын, ақыры халықтың қолдауымен қолданысқа енгізгенін ерекше тебіреніспен айта келіп, ұлттық, елдік мүдде аясында араз аштылықты қойып, қашанда шындық биігінен бірге табылып, береке бірлікпен жұмыла жұмыс жасауды аманаттады. Одан кейін қабырғалы қаламгер, Қазақ көшін бастаушы халық жазушысы Қабдеш Жұмаділов ағамыз тәуелсіздік қадіріне жетіп, оны көздің қарашығындай қорғау керектігін айта келіп, қандастар мәселесін халық болып, билік болып мемілекеттік деңгейде көтеру керектігін айтып, дастарқанға ақ батасын берді.
Саясаткер ағаларымыздан Ырысбек Сәрсенбайұлы, Әміржан Қосанов қатарлы ағалармыз “El Amanaty” қоғамдық бірлестігінің тындырған істеріне алғыстарын айта келіп, өздерінің құнды ұсыныс пікірлерімен бөлісті.
Ақын, жазушы, ағаларымздан Жәркен Бөдешұлы, Жәди Шәкенұлы, Мұрат Шәймаранұлы ағаларымыз ақ жарма тілектерін жеткізсе, белгілі кино режиссері Еркін Рақышов ағамыз беркені ту ете отырып, ұлт мүддесі төңірегінде бөлінбей-жарылмай топтасу керектігін қадап айтты.
Бұрын “Атажұрт” еркітілерін алғаш құрушылардың бірі болған, бұл күндері Қытайтану институтының негізгі мүшесі, шипагерлік баянды зерттеуші Шаяқымет Қалиұлы ағамыз да бірлікті ту етпейінше ештеңе өндіруге болмайтынын баса дәріптей келіп, “El Amanaty” қоғамдық бірлестігінің жұмысын қашанда қолдайтынын айтты.
“Қайсар жүрек” желтоқсаншылар білестігінің Төрайымы Шара Бөлегенова бірнеше әріптестерімен қандастар мәселесінде қашанда қолдаушы екендіктерін жеткізді. Бұрын “Атажұрт” еркітілерінде еңбек еткен, бүгінгі таңда “Бауырмал” қорын құрушы жетекшілерінің бірі Жарқын Исақанда алғысты тілегін арнап, өз ойларымен бөлісті.
“El Amanaty” қоғамдық бірлестігінің төрағасы Ырысбек Тоқтасынұлы мерекелік іс шараға қатысқан қонақтарға бірлестік құрылғалы бері Қытайдан көшіп келген қандастардың оралман куәліктерінің уақыты өтіп кетуіне байланысты азаматтық ала алмай жүрген мәселесі мен Қытай төлқұжаттарының уақыты өтіп кеткен ағайындар мәселесін көтеріп бірнеше рет дөңгелек үстел, баспасөз мәслихатын өткізіп, арнаулы қарар қабылдап, зиялы қауым өкілдерінің қолын қойдырып, Сыртқы істер министірлгіне, Ішкі істер министірлігіне, Еңбек және халықты әлеуметтік қорғау министрлігіне, Нұр отан партиясына, Премер министрге жолдағанын, “Отандастар” қорының ұйымдастыруымен республикалық деңгейде өткізілген дөңгелек үстелде бұл мәселелерді бүге-шігесіне дейін жеткізіп, оңтайлы шешудің құнды ұсыныстарын ортаға салғанын, соның нәтижесінде елге оралған қандастардың құжаттық мәселелерінің толық шешім тапқанын шүйіншілей жеткізді. Сондай ақ, Қытайда туыстары саяси үйрену лагерінде қамауда отырған, төлқұжаттары жиналып алынып қайта алмай отырған, зейнет ақысы тоқтатылған қандастардың арыздары мен толық тізімдіктерін Сыртқы істер министрлігіне өткізгендігін, сонымен бірге қиыншылығы бар отбасыларға көмек көрсетіп, қайырымдылық іс-шараларын да қоса жүргізгендігін,
алдағы уақытта бірлестігіміз осы мәселелер бойынша жұмысын онан ары жалғастыра беретіндігін және барлық қандастардың берке-бірлікпен жұмыла жұмыс жасау керектігін қадап айтты.
Сонымен “El Amanaty” қоғамдық бірлестігі өткізген араз-ашты болып жүрген ағайындарды береке-бірлікке шақыру шарасы зиялы ағаларымыздың қолдауымен өте жоғары деңгейде өтті.
Пікір қалдыру