Köz qaras Sayasat

«MÄÑGİLİK DAÑQ –  MÄÑGİLİK AQIMAQTIQ!»

kerey.kz

 |  May 10, 2019

Marat Baidildauly

Erteñ Qazaqstannıñ birqatar qalalarında Reseydiñ ülgisimen «Bessmertnıy polk» şerui ötpek. Bwl «qızıl dert» Qazaqstanğa jetkeli de birneşe jıldıñ jüzi bolıptı. Äsirese, Qırımdı anneksiyalaudan, Luganski men Doneckidegi separatisterdi qoldau qimıldarınan keyin «Bessmertnıy polk» orıs äleminiñ ajıramas bölşegine aynalıp ketti. Ötken jılı 9 mamırda bizdegi orıs diasporası ökilderiniñ kolorad lentasımen älemiştenip, kölikteriniñ töbesine «tank mwnarasın», «pulemet rasçetın» ornatıp qwtırğanın közimmen kördim. Almatı imperiyalıq astamşılıqtarmen suarılğan wlıderjavalıq şovinizminiñ özindik sahnası boldı da şıqtı. Osı swmdıqtı bwdan bılay jedel toqtatu qajet!
Germaniyanıñ Deutschlandfunk gazeti jazbaqşı, «Bessmertnıy polk» o basta sayasattan aulaq akciya retinde oylastırılğanımen ol demde Kreml'diñ «baqılauına» köşti. Qazir «Bessmertnıy polk» Reseydiñ ideologiyalıq qwralına aynalıp ketti». Onısı ras!
Büginde Wlı Otan soğısındağı jeñisti arqau etken «Bessmertnıy polk» akciyası negizinen üş maqsatqa qızmet etedi. Birinşisi, orıs äleminiñ ıqpalın keñeytu, ekinşisi, akciya kezinde köterilgen qızıl jalau töñiregine ikemge könetin respublikalardı bayağıdağıday bir tudıñ yağni qızıl jalaudıñ astına jinau. Däliregi KSRO-nı qalpına keltiru. Üşinşisi qatarınıñ köptigimen ses körsetu. Qazaqstanda ötkizilmek «Mäñgilik dañq – Bessmertnıy polk Kazahstana» degen akciyanıñ tüpki mäni sol.
Stalin zamanında sovet äskerleriniñ mıqtılığın körsetu üşin şığın Germaniya şığınınan da az etip 7 million dep körsetildi. Brejnevtiñ zamanında soğıs şığını 20 million delindi. Gorbaçev zamanında aqiqattar aşılıp şığın kölemi 27 millionğa deyin wlğaydı. Al tayauda SSSR Memlekettik josparlau komitetiniñ qwpiyalıq rejiminen şığarılğan derekteri boyınşa Sovet Odağınıñ Wlı Otan soğısındağı şığındarı 42 million ekendigi anıqtaldı. Onıñ 19 millionnan astamı äskeri adam bolsa, 23 millionı qarapayım azamattar.
Faşistik Germaniya bükil Ekinşi jahan soğısınıñ barısında eñ köp degende 8,3 million adamınan ayırılğan. Onıñ 4,7 millionı äskeriler, 3,6 millionı jay adamdar. Ara qatınasına qarasañız öltirilgen bir faşistke bes sovet soldatı janın bergen (keybir avtorlar şığın 1:10 bolğanın da aytadı).
Bwl cifrlar neni bildiredi?
Bwl cifrlar orıs qolbasşılarınıñ topastığın, soğıs jürgizu täsilderin jetkilikti meñgermegendigin, komandirlerdiñ taktikalıq jäne strategiyalıq oylaudan maqwrım ekendigin, öz jauıngerlerin ajalğa közsiz ayday bergenin, qınaday qırılğan halqına qılşığı da qisaymağandığın körsetedi.
Jeñis aqiqatında sovet adamdarınıñ joydasız qwrbandıqtarı arqasında kelgen. 42 million ömir! Nemis pulemetşileri oqqa aydalğan Qızıl Armiya jauıngerlerin qatar-qatarımen qırğanda qaza tapqandardıñ köptigi sonşalıq, keybir pulemetşiler esinen adasıp jındı bop ketken.
«Bessmertnıy polkti» wyımdastıruşılar Keñes odağınıñ eñ ülken masqarası – öz halqın özi qırğanı turalı jwmğan auızdarın aşpaydı. Eger öz soldattarına, öz halqına janaşırlıqpen qarasa orınsız qwrbandıqtardıñ tım bolmasa teñ jartısın tiri alıp qaluğa bolar edi. Sonday joydasız qwrbandıqtarğa jol bergen keşegi sovettik qolbasşılardıñ, kommunisterdiñ «Bessmertnıy polk» arqılı tökken «qoltırauın köz jası» qaza tapqan 42 million adamnıñ ruhın mazaq etkenmen birdey. Sondıqtan bwl akciyanı «Mäñgilik dañq – mäñgilik aqımaqtıq» der edim. «Bessmertnıy polk» – bessmertnıy idiotizm!» degen anıqtamağa eş närse alıp, qosa almaysıñ!