Artıq mamandar dayındap, artıq aqşa şaşu kimge kerek, Mamin mırza!
kerey.kz
Önerkäsip salasında jañadan jwmıs orındarı aşıluda dep köp
wrandatqanımızben onıñ naqtı kölemi köñil könşiterlik emes. Statistika jönindegi
komitettiñ mälimetterine qarağanda elimizdegi asa iri jäne ortaşa käsiporındarda barlığı
2 mln. 416 mıñ adam eñbek etedi eken de üstimizdegi jılı olar osı sannıñ tek 0,5 payızı
köleminde ğana , yağni 11 mıñ jaña jwmısker mamandar qabılday aladı.
Jalpı ekonomikamızda ösim bar bolğanımen tehnikalıq mamandıqtarğa degen
swranıs barınşa tömen bolıp şıqtı. 2014-2018 jıldar aralığında azıq-tülik
öndirisinde – 1600, tüsti metallurgiyada – 700, agrohimiyada – 800, temirjol tehnikası
öndirisinde – 100 ğana jaña jwmıs orındarı aşılğan. Bwl 5 jıldıq merzimge tım az. Ol
ol ma, mwnay-gaz salasında jaña jwmıs orındarı tipti aşılmağan. Al qwrılıs
materialdarın jasau salasında – 8900, mwnay öñdeude – 1000, önerkäsipke qajetti
himikattar dayındauda – 1800, mwnay öñdeu salasına jaraqtar şığaru men mwnay
öndirude – 1000, elektr jaraqtarın şığaruda – 1300, avtokölik şığaruda – 300,
auılşaruaşılığı tehnikaların şığaruda – 400 jwmıs orındarı qısqarğan.
Jağday osılay bolsa da Ükimet jwmısşı mamandıqtarın dayındaudıñ
qanşalıqtı qajettiligine jiti nazar audarmay, wranşıldıqqa salınıp otırğanın
Mäjilistegi «Halıq kommunisteri» frakciyası aşıp, äşkerelep otır. Frakciya jetekşisi
Ayqın Qoñırovtıñ Ükimet basşısı A.Maminge joldağan saualınan osını köruge
boladı. Onda «Bärine tegin käsiptik-tehnikalıq bilim» bağdarlaması jağdaydı tolıq
ekşemey nemqwraylıqpen jasalıp, byudjettiñ qarajatın bosqa şaşuda ekendigi
aytılğan.
Ärine, naqtı qajettiliktiñ kölemin zerttemey, 670 mıñ tehnikalıq maman
dayındaymız dep daurıqqandıq – wranşıldıqtıñ nağız körsoqırlıq körinisi. Joğarıda
aytqanımızday bizge jılına 10-11 mıñ ğana tehnikalıq maman kerek, al bes jılda ol 60
mıñnan aspaydı…
Biraq jastardıñ köbi bwl bos daurıqpağa jelikken joq, öytkeni ükimetpen
salıstırğanda olar tehnikalıq mamandıqtarğa degen swranıstıñ tömen ekenin ömirde
körip jür. Sondıqtan bağdarlama alğaşqı kezeñiniñ özinde közdegen maqsatına jete
almağan. Alayda memleket bwğan män berip jatqan joq, kerisinşe jıl sayın bağdarlama
boyınşa bölingen şığındardı arttıra berip, byudjetti sorlatuda. Älde… älde bizdiñ
Ükimet memlekettiñ be, älde tehnikalıq mamandıqtar dayındaytın JOO-lardıñ
müddesin közdey me, osı jağı belgisiz…
«Halıq kommunisteri» frakciyası öz saualdarında Ükimettiñ nazarın osı mäseleni
jiti zertteuge nazar audaru üşin tömendegidey swraqtar qoyıptı:
2
1.«Bärine tegin käsiptik-tehnikalıq bilim» bağdarlaması boyınşa jañadan tüsetinderge
aqşa şığaruğa qanday negiz barı ayqındaldı ma?
2.Naqtı mamandıqtar boyınşa qanşa adamğa käsiptik-tehnikalıq bilim beru kerektigi
qanday derekterge süyenip esepteldi? Mwnıñ ğılımi negizi bar ma?
3.Industrialandıru bağdarlaması boyınşa basımdı bağıttar dep belgilengen salalarda
jwmıs orındarınıñ azayu sebebi nede? Olardı köbeytu üşin qanday şaralar
qarastırılğan?
Mine, osınday naqtı swraqtar qoyılğan, biraq soğan Ükimet däyektilikpen jauap
bere alar ma eken…
S.ELEU, sarapşı
kerey.kz
Pikir qaldıru