Terrorşıl Çelahtıñ qaytalanbauına kim kepil?!
kerey.kz
2019 jıldıñ 8-21 qırküyeginiñ aralığında, reseylik Ekaterinburg
qalasında äuesqoy bokstan kezekti älem birinşiligi ötti. Men osı jahandıq
dodağa jurnalis retinde akkreditaciyalanğan edim. Altı medal' jeñip alğan
qazaq qwrama komandası tağı da jer jüzindegi jwdırıqtasudıñ
köşbasşısı ekendigin däleldedi. Satqın qazı-bilerdiñ zımiyandığı
bolmağan jağdayda, Sverdlovsk aymağı şarşı alañındağı bılğarı qolğap
şeberlerimizdiñ jetistikteri odan äri wlğaya tüser edi. Degenmen, 81 kelige
deyin salmaq därejesindegi jaña älem jeñimpazı, soqqıları joyqın
mañğıstaulıq Bekzat Nwrdäuletovtıñ qarqındı örleuine eşkim twsau sala
almadı. Är qarsılasın eseñgiretip jiberdi jas çempionımız! Tipti, atı
añızğa aynalğan kubalıq Olimpiya jeñimpazı Hulio La Krustıñ özi bizdiñ
boksşıdan oysırata wtıldı. Bir qızığı, şirek finalındağı jeñisinen
keyin La Krustıñ qoltañbasın aldım jäne aqtıq sındağı jeñisinen keyin
Bekzat te mağan avtograf berdi.
Asa auır salmaq därejesindegi kümis jüldegerimiz Qamşıbek
Qoñqabaevtıñ jürek jwtqan tegeurindi jwdırıqtasuşı ekendigine közimiz
jetti. Alayda, qızılordalıq batırdıñ batıl şabuıldarına tehnikalıq,
kombinaciyalıq qasietterdiñ jetispeuşiligi seziledi. 91 kelige deyin salmaq
därejesinde öner körsetetin qostanaylıq ardagerimiz Vasiliy Levittiñ
tañğajayıp täjiribesine eşbir kümänimiz joq. Biraq, onıñ döp tietin
joyqın soqqılardıñ azdığına oray, paraqor qazılardıñ jımısqı
äreketteriniñ payda boluına tañ qalmaysıñ. Sonımen qatar, bayraqtı
bäsekeniñ bastı wyımdastıruşılarınıñ biri, Sverdlovsk aymağınıñ äkimi
Evgeniy Vladimiroviç Kuyvaşevpen birneşe ret jüzdesuge säti tüsti.
Ärine, osı jetekşi eñbeginiñ arqasında da mınaday iri halıqaralıq jarıs
tiisti därejede ötkizildi. Aytpaqşı, körnekti bol'şevik YAkov Mihayloviç
Sverdlovtıñ qazaqtar üşin siñgen eñbegi – orasan zor. Öytkeni, qas jaumız –
kazaçestvonı – Keñes ökimettiñ qaulısımen qwrtqan twlğa däl osı YAkov
Mihayloviç bolıp tabıladı.
Biraq, mınaday keremet sport oqiğağa bara jolımda keleñsiz jağdayğa
duşar bodım. 2019 jıldıñ 17 qırküyeginde, Reseydiñ Troick qalasınıñ
qarama-qarsı twsında ornalasqan Qostanay aymağındağı qazaqstandıq
şekara beketinde onıñ qızmetkerleri Pomazan Vadim jäne Baydildina
Aygül menimen memlekettik tilimizde söylese almadı. Olardıñ ekeuine de
ayttım: «Ağılşın tilinde de söyley alamın. Alayda, Qazaqstanda bolğan
soñ, memlekettik tilde söylesuge tiispiz». Tipti, älgi Vadim «Memlekettik
tilde söyleñiz!» meniñ talabıma aşulanıp, meni «Nacist!» dep balağattadı.
2
Jauap retinde oğan bılay ayttım: «Siz Reseyde orıs tilin bilmeseñiz, tipti
sıpıruşınıñ jwmısına ornalasa almaysız. Al, bizdiñ elimizde qazaq tilin
bilmey, keremet qızmetke qol jetkizdiñiz». Osı qızmetkerler jäne basqa
şekaraşılar da mağan orınsız swraqtardı qoydı: «Namaz oqisız ba?»
Şekaraşılar, kedenşiler jolauşılardıñ qwjattarı men bagajın
tekserse – bir jön. Biraq, pälen kisiniñ dini oy-pikirlerine qatıstı
şekaraşılardıñ qanday jwmısı bar?! Men – ateistpin. Sondıqtan,
aşıqtan-aşıq ayttım: «Joq, namaz oqımaymın!» Tağı ayta keterlik jäyt,
olar şoqınşaqtardan swramaydı: «Şirkeuge barıp twrsızdar ba?» Iuda
balalarına da tiispeydi: «Sinagogağa barıp twrsızdar ma?»
Olar meniñ ateist közqarasıma renjigen şığar. Äyteuir, meni basqa
jolauşılardıñ arasınan jwlıp alıp, qızmettik bölmege jetektedi. Bükil
bagajım, kiim-keşegime tintu jasadı. Betteri bılq etpey, meniñ
qoljazbalarımdı oqıdı, qaltafonımdağı foto men beynematerialımdı
qarap şıqtı. Ol ol ma, sodan soñ meni bastıqtardıñ bölmesine apardı. Bwl
şekara bekettiñ jetekşileri mağan tesile qarap, swradı: «Nege qwdayğa
senbeysiz?» Äyteuir, tüsinbedim: men qay mekemege tüstim? Qazaqstan
Respublikasınıñ şekara beketi me, älde dini fanatikterdiñ jın oynası
ma? Tek qana, qaltafonımdağı keskinderdiñ arasında belgili aqın Oljas
Süleymenovtıñ menimen birge Kievte tüsken fotosuretin körgen soñ, osı
zañsız äreketterdi doğardı aydaladağı bireuler. Äyteuir, kütpegen jerden
Oljekeñniñ de kömegi tidi.
Mınaday tärtipsizdikke tap bolğannan soñ, dana aqınımız Ahmet
Baytwrsınwlınıñ şerli joldarı eriksiz esime tüsedi:
Qinamaydı abaqtığa japqanı,
Qiın emes darğa asqanı, atqanı.
Mağan auır osılardıñ bärinen,
Öz auılımnıñ itteri ürip, qapqanı!
Daniyar NAURIZ
kerey.kz
Pikir qaldıru