Qıtay biligi qazir elde 9239 adamnıñ virus jwqtıru küdigimen därigerler baqılauında ekenin mälimdedi. Qıtaydağı koronavirustıñ örşuinen keyin Qazaqstan 29 qañtardan bastap eki el arasında qatınaytın avtobustardı, 1 aqpannan bastap Almatı – Ürimji, Nwr-Swltan – Ürimji, Dostıq – Alaşan'kou, Altınköl – Qorğas bağıtındağı poyızdardı, 3 aqpannan bastap wşaqtardı toqtatpaq. Eki el arasında qazaqstandıq Air Astana, SCAT jäne qıtaylıq China Southern Airlines, Air China äue kompaniyaları twraqtı türde reys wşıradı. Ükimet 3 aqpannan bastap Qıtayğa saparlamaq bolğan azamattar biletterin qaytara alatının habarladı.
Nwr-Swltan Qıtay azamattarına 72 sağattıq tranzit vizasın jäne negizgi vizanı berudi de uaqıtşa toqtattı.
Qazaqstannıñ bas sanitarlıq därigeri Jandarbek Bekşinniñ sözinşe, qazir Qıtaydan Qazaqstanğa kelgen 35 adam auruhanağa jatqızılğan. Olardıñ 27-sine twmau diagnozı qoyılğan. Al segiz adamnıñ analiziniñ nätijesi jaqın künderi şığadı.
Faktçek: “Koronovirus tarağanı” jaylı habarlamalar qanşalıqtı ras?
Qazaqstan 4-8 aqpanda Nwr-Swltanda josparlanğan tennisten äyelder arasındağı Federaciya kubogınıñ Aziya aymağı boyınşa jarısın ötkizuden bas tarttı. Bwl turnir bwğan deyin Qıtaydıñ Dunguan qalasında ötui tiis bolğan. Keyin Halıqaralıq tennis federaciyası jarıstı ötkizudi Nwr-Swltanğa wsınğan. Bwdan bölek, Qazaqstan sport komiteti 12-16 aqpanda Nwr-Swltanda josparlanğan su dobınan Tokio olimpiadasına irikteu jarısı da ötpeytinin mälimdedi.
Bwğan deyin Qazaqstanda belsendiler bilikten tennis turnirin ötkizbeudi, Qıtaymen şekaranı tolıq jabudı talap etken. Ükimet şekara jabılsa, Qıtayda qalğan qazaqstandıqtar elge kele almay qalatının aytqan. Qazaqstannıñ azamattıq aviaciya komiteti Qıtayda qalğan qazaqstandıqtardı şığaru üşin qosımşa reyster jiberiletinin mälimdedi. Qazaqstan biligi virus oşağı Uhan' qalasında qalğan qazaqstandıq 98 studentti evakuaciyalau üşin Qıtay ükimetimen aqıldasıp jatqanın, arnayı bort dayın twrğanın habarlağan.
Densaulıq saqtau ministrligi qazir jedel türde 3 million medicinalıq maska satıp alatındarın mälimdedi.
Düniejüzilik densaulıq saqtau wyımı Qıtay virustı jeñe aladı dep senetin. Biraq derttiñ asqınuına baylanıstı qazir virus oşağı Uhan'da jürgen şeteldikter jappay ketip jatır.
Uhan'da tarağan virus jwqqandar sanı boyınşa 2002-2003 jılı Qıtaydı äurege salğan SARS asıp tüsti. SARS virusınan 600-den astam adam ölgen.
Qazir Qıtayda örşip twrğan virustıñ belgileri – jötel, temperatura. Bwdan bölek, bwl virustı jwqtırğan adamnıñ tınıs aluı qiındaydı.
Qıtay virus alğaş tirkelgen Hubey provinciyasındağı 17 qalanı jauıp tastadı.
Avstraliya Qıtayda jürgen 600 azamatın alıp ketu jağın qarastırıp jatır. Europa odağı elderi, AQŞ, Japoniya, Wlıbritaniya jäne Soltüstik Koreya da Qıtaydağı azamattarın äketudi bastap ketti.
Älemdegi äue kompaniyalarınıñ köbi Qıtayğa wşatın reysterin toqtatıp jatır. Düniejüzilik densaulıq saqtau wyımı qazir Qıtaydağı virusqa baylanıstı halıqaralıq deñgeyde tötenşe jağday jariyalau mäselesin talqılap jatır.
“Üyden şıqpaymız”. Qıtaydağı qazaqstandıqtar koronavirus jaylı
Virus Uhan'dağı teñiz önimderi bazarınan tarağan. Keybir aqparat qwraldarınıñ jazuınşa, bazar 1 qañtarda jabılğanğa deyin onda teñiz önimderi ğana emes, jarqanat, tauıq, qoyan men jılan zañsız saudalanıp kelgen. 22 qañtar küni “Medicinalıq virusologiya” jurnalında zertteu jariyalağan ğalımdar “virustıñ jılannan tarağanın” jazdı. Mwnı rastaytın ne joqqa şığaratın zertteuler äli jariyalanbadı.
Pikir qaldıru