10 qazanda äleumettik jelilerde äskeri kiimdegi er adamnıñ Reseydiñ soğıs tehnikasınıñ janında twrğan paromda tüsken fotosı jariyalandı. Üş künnen soñ osı akkauntta tura sol parom men qwral-jabdıqtar körinetin video payda boldı.
“Biz köşip jatırmız” deydi videoda Lugansk oblısındağı Makar Teplinskiy dep körsetilgen er adam. Keyinirek kadr sırtında “Mwnı kimge körsetip jatırsıñ?” degen dauıs estiledi. Azattıq videonı geolokaciya, sputnikten tüsirilgen suretter men aynalasındağı nısandardı salıstıra otırıp tekserip kördi.
Azattıqtıñ Orıs qızmeti men Ukraina qızmetiniñ “Shema” zertteu tobı oñtüstikke jıljıp jatqan Ukraina küşteri Resey äskerine qısımdı küşeytkenin aytadı. Sarapşılar bwl jetistikter Herson qalasın jaudan qaytarıp alu amaldarına äkelui mümkin deydi. Herson – 24 aqpanda Ukrainağa basıp kirgen Resey äskeriniñ qolındağı jalğız oblıs ortalığı.
Eger Ukraina qalanı azat etse, bwl onıñ negizgi taktikalıq jeñisi bolıp, Resey küşteri men prezident Vladimir Putinniñ masqarasın şığaradı.
Äskerge alınğandardıñ aldı ölip jatqanda, Putin mobilizaciya ayaqtalatının ayttı
QISPAQQA TÜSKEN ÄSKER
Ukraina tamızğa deyin birneşe apta boyı Hersondağı Resey küşteri men äskeri basqaru bölimderine şabuıldau üşin AQŞ pen basqa da Batıs elderi bergen, nısananı däl közdep atatın qazirgi zamanğı qaru-jaraq qoldandı.
Olar Dnepr özenindegi birşama nısandı, onıñ işinde Herson qalasın özenniñ arğı betimen jalğap twrğan Antonov köpirin nısanağa alğan. Resey küşteri qirağan köpirge jaqın jerde parom ötkelin jasap qoyğan. Antonov köpiriniñ mañında beybit twrğındar ötetin eki ötkel men Resey äskeri paydalanatın basqa da ötkelder bar.
Juırda ğana Ukrainanıñ artilleriya jäne zımıran şabuılı äskeri sarapşılar men blogerler qwjatqa tüsirgen qwrlıqtağı şabuılğa wlastı. Onda Ukraina äskeriniñ Dneprdiñ batıs jağalauınan oñtüstikke qaray jıljıp, Resey äskerin özen arqılı oñtüstik pen şığısqa oyısuğa mäjbürlegeni bayqaladı.
Hersondağı äskeri is-qimıldar soltüstik-şığıstağı jüzdegen şaqırımğa sozılğan şabuılğa baylanıstı boluı mümkin. Ol kezde Ukraina Resey äskerine oysırata soqqı berip, Har'kov oblısındağı ondağan qalanı jäne Doneck oblısındağı mañızdı temir jol böligin jaudan qaytarıp alğan edi.
Ukraina qarımta şabuıldı üdetti. Soğıstı bağıtı özgerdi me?
Keyingi kezde şığıstağı şabuıl bäseñdedi, biraq oğan ne äser etkeni belgisiz: bwl Ukraina armiyasınıñ qayta toptasıp, küş jinauına baylanıstı ma, älde Reseydiñ qarsılıqtı küşeytuine nemese Ukraina küşteriniñ qaytadan Hersonğa bet aluına baylanıstı ma?
Keyingi uaqıtta Ukraina küşteriniñ qarsı şabuılı kezinde Resey lauazımdı twlğaları men olardıñ jergilikti jerdegi senimdi ökilderiniñ Resey äskerine qısım körsetip jatqanı, reseylik äskeri basşılar Dneprdiñ batıs jağalauınan tolığımen şeginu mäselesin qarastıruı mümkin ekeni bayqala bastağanday.
18 qazanda jariyalanğan swhbatta Ukraina jerindegi Resey äskeriniñ jañadan tağayındalğan qolbasşısı Sergey Surovikin Herson oblısındağı jağday öte qiın ekenin, Resey jauıngerlerine onda öte kürdeli şeşim qabıldauğa tura kelui mümkin ekenin ayttı.
Surovikinniñ neni meñzegeni belgisiz. Key sarapşılar onıñ sözi Reseydiñ Dnepr özeniniñ batısınan äskerin äketetinin bildirui mümkin deydi.
19 qazandağı jağday boyınşa, Ukraina küşteriniñ Kozackoe auılı men Novaya Kahovka qalasınan qırıq şaqırımday jerde ekeni jaylı boljam aytıldı.
Sol küni Herson twrğındarı Ukraina äskeri şabuıldauı mümkin bolğandıqtan, qaladan dereu ketu kerek degen sms-hat alğan. Jergilikti twrğındar “Otbasıñızdı qwtqarıñız: sol jağalauğa köşiñiz” degen habarlama taratılğanın aytadı.
“Herson üşin şayqas jaqın künderi bastaladı” deydi qaladağı Resey äkimşiligi basşısınıñ orınbasarı Kirill Stremusov.
“Herson qalası qamalğa aynalıp jatır” dedi ol.
Tağı bir şeneunik Vladimir Sal'do oblısta twrğındardıñ jürip-twruı şektelgenin, därigerler men mwğalimder sekildi byudjet salası qızmetkerleriniñ özenniñ sol jağalauına köşiriletinin ayttı. Ol 50-60 mıñ adam köşirilip, keybiri Reseyge jiberiledi deydi.
“Olar Herson üşin şayqasta [özderiniñ] jeñiletinine halıqtı [aldın ala] dayındap jatqan siyaqtı” dedi Ukraina şeneunigi, Herson oblıstıq keñesi törağasınıñ birinşi orınbasarı YUriy Sobolevskiy Nastoyaşee vremya telearnasına.
“YAğni, olar jeñiletini turalı habar bolatınına jwrttı dayındap jatır” dedi ol Reseydiñ oblısqa qoyğan äkimşiligin meñzep.
PAROMDAR NENİ AÑĞARTTI?
Ukraina küşteriniñ Dnepr özenindegi ötkelderge şabuılı Resey äskerin uaqıtşa ponton köpirleri men olardıñ bölşekterinen qwrastırılğan parom qoldanuğa mäjbürledi.
Azattıq qarastırğan fotolar men videonı Reseydiñ VKontakte äleumettik jelisinde Teplinskiy esimdi qoldanuşı jariyalağan.
Äleumettik jeli arhivindegi derekter äkesi sekildi Teplinskiydiñ de 2015 jıldan beri Resey äkimşiligi baqılauındağı äskeri bölimderge qızmet etkenin körsetedi. Bwl bölimder reseyşil separatister “Lugansk halıq respublikası” dep atap jürgen Lugansk oblısın baqılaydı.
Lugansk pen Doneck oblıstarındağı Resey baqılauındağı bölimder Donbass pen Herson oblıstarındağı şayqasqa Resey jağında qatısqan.
Azattıq Teplinskiydiñ videosında körsetilgen Dneprdiñ oñ jağalauında Kazackoe mañındağı paromdar qozğalısın tekserip kördi. Parom auıldı sol jağalaudağı Novaya Kahovkamen baylanıstıratın kanalğa bet alğan.
Azattıq Planet Labs jeke kompaniyasınan qazannıñ basında alğan, sputnikten tüsirilgen suretter sol jerde birneşe parom bolğanın körsetti. Äskeri tehnika tielgen paromnıñ Novaya Kahovkadan Kozackoe auılına bara jatqanı soñğı ret 4 qazanda bayqalğan.
5 qazanda olar jük tiep, Novıy Kahovkağa qaytudı josparlağan. Qazannıñ 8-i men 12-inde tüsirilgen suretter oñ jağalauğa qaray bos paromdar bara jatqanın körsetedi. Solardıñ biri 13 qazanda Teplinskiy jariyalağan suretterge tüsip qalğan.
Teplinskiy 13 qazanda jariyalağan tağı bir videoda onıñ Novaya Kahovkada twrğan üyiniñ metaderekteri bar. Ol dosınıñ tuğan küninde tüsken tağı bir video jariyalağan, ol da sol kezde tüsirilgen.
Teplinskiy Azattıq hattarına jauap bergen joq.
Azattıqtıñ Orıs qızmetiniñ tilşisi Mark Krutov pen “Shema” tilşisi Kirilo Ovsyaniydiñ materialdarı boyınşa dayındaldı. Maqalanı jazuğa Nastoyaşee vremya tilşisi Aleksey Aleksandrov atsalıstı.
Hersonda Antonov köpirine soqqı jasaldı, tört adam qaza boldı
Pikir qaldıru