Sayasat Qazaq şejiresi Äleumet
Etnikalıq qazaqtarğa 65 «Ata jolı» kartası berildi
kerey.kz
Etnikalıq qazaqtarğa – basqa elderdiñ azamattarına Qazaqstanda 10 jıl ömir süruge jäne jwmıs isteuge qwqıq beretin 65 «Ata jolı» kartası berildi. Elimizde öz isin damıtuğa dayın biznes-immigranttar 27 karta aldı, al swranısqa ie mamandar osınday 38 kartanıñ iegeri atandı.«Qazaqtar qay jerde ömir sürse de, olardıñ jalğız Otanı – Qazaqstan. Sondıqtan biz üşin şetelde twratın otandastarımızdı qoldau ärqaşan mañızdı», – dedi Qazaqstan Respublikasınıñ Prezidenti Qasım-Jomart Toqaev.
«Ata jolı» kartasın aluşılar işinde injener-fizik, injener-matematik, himiyalıq tehnologtar, jaq-bet hirurgiyasınıñ därigerleri, pediatrlar jäne t.b. mamandar bar, olar Resey, Germaniya, Moñğoliya, Qıtay, Wlıbritaniya, AQŞ, Izrail', Franciya, Niderlandı, Finlyandiya, Qırğızstan jäne Özbekstan sekildi şet elderden keldi.
«Ata jolı» kartasınıñ iegerleri elge kirgen kezde 10 jıl merzimge twruğa rwqsat aladı jäne eñbek qızmetin jüzege asıru nemese biznes jürgizu üşin qonıstanu öñirin derbes tañdaydı.
«Ata jolı» kartası bar etnikalıq qazaq basqa eldiñ azamatı bola otırıp, Qazaqstan azamattarımen jäne qandastarmen teñ qwqıqtarğa ie.
«Ata jolı» kartasınıñ iegerleri (jäne olardıñ otbası müşeleri) mınaday qwqıqtarğa ie:
- medicinalıq kömektiñ kepildik berilgen kölemi şeñberinde medicinalıq mekemelerde qızmet jäne äleumettik tölemder alu;
- QR Eñbek kodeksine jäne «Halıqtıñ köşi-qonı turalı» QR Zañına säykes Qazaqstan aumağında jwmısqa ornalasu;
- QR Käsipkerlik kodeksine jäne özge de qwqıqtıq aktilerine säykes Qazaqstan aumağında käsipkerlik qızmetti jüzege asıru;
- «Bilim turalı» QR zañına säykes memlekettik bilim beru wyımdarında tegin orta bilim alu, memlekettik orta arnaulı jäne/nemese joğarı oqu orındarında konkurstıq negizde tegin orta arnaulı jäne/nemese joğarı bilim alu, jeke oqu orındarında aqılı bilim alu;
- «Advokattıq qızmet jäne zañ kömegi turalı» QR zañına säykes memleket kepildik bergen zañ kömegin alu;
- azamattıq salasındağı halıqaralıq şarttarğa jäne QR zañnamalıq qwqıqtıq aktilerine säykes jeñildetilgen tärtippen Qazaqstan Respublikasınıñ azamattığın alu.
«Ata jolı» kartası bar adamdardıñ QR Parlamenti men mäslihattarına saylanuğa, sonday-aq saylauda dauıs beruge, respublikalıq referendumğa qatısuğa qwqığı joq äri memlekettik qızmetke qabıldanbaydı.
Eger «Ata jolı» kartasınıñ iesi Qazaqstan azamattığın alatın bolsa, onda Karta jaramsız dep tanıladı.
Esteriñizge sala keteyik, Memleket basşısınıñ tapsırması boyınşa 2023 jıldıñ şildesinen bastap şetelde twratın etnikalıq qazaqtar üşin elge jeñil kiru/şığu mäselesi pısıqtalğan «Ata jolı» kartası engizildi.
Pikir qaldıru