Köz qaras Mädeniet Ruhaniyat Qazaq dästüri
Til jöninde talay jazıldı ğoy…
kerey.kz
Biraq bwrınnan aytılatın eki princip sol bayağı özgermeydi. Sebebi onı uaqıt jäne özge elderdiñ täjiribesi däleldedi:
1. Zañ, jarlıq, ereje, şeşimdermen tilge swranıs tuğızu. Onsız til eşkimge kerek emes. Til aqşa tabuğa, bilim aluğa, özgemen baylanısqa tüsuge qajet bolğanda ğana swranısqa ie boladı, sonda ğana adamdar mäjbürli türde üyrenedi.
Şetelde oqığıñ kele me, IELTS, TOEFL tapsır. Ol üşin ağılşın oqı. Halıqaralıq kompaniyada istep, köp jalaqı alğıñ kele me, aldıñğı söylemde jazılğan şarttardı orında. Swranıs tuğızu mehanizmi osılay jwmıs isteydi.
2. Til iesi sanalatın wlt ökilderiniñ principşildik tanıtuı. YAğni, tiliñ keñ tarasın deseñ, onı keñ qoldan. Üyde, tüzde, basqa jaqta.
Angliyada türiktiñ kafesine kirseñ, özara türikşe söylesetin. Astanada üy jöndeymiz dep özbek, täjik qwrılısşıların jaldadıq. Özara tek ana tilinde söylesedi.
Qazir Qazaqstannan talay otbası AQŞ-qa köşip jatır. Köşin, barğan jerin jelige salıp otıradı. Et asadı, dombırada oynauı mümkin, naurız toylaydı – bäri qazaqı. Biraq özara tek orısşa söylesedi. Bala-şağa ağılşın tilin üyrenetini haq, endi qazaqşasın wmıtpasın, üyde qazaqşa söyleseyik deytin princip joq. Oğan qosa, ana tiline qajettilik te joq. Sebebi sondağı basqa qazaqtar da orısşa aralasadı.
Şetelge şıqsañız da, şetelden üyge oralayın dep äuejayğa kelseñiz de, biren-saran bolmasa, qazaqtıñ basım böligi negizinen orısşa söylesedi.
Qalada zumer buınğa jatatın jastardı jii körem. Fitnes, jwmıs, düken, sayabaq, basqa jerde. Qarım-qatınas tili orısşa. Keyde orısşa qinalıp ketkende ğana amalsız qazaqşağa ötedi. YAğni, olarğa ana tili kündelikti ömirde asa kerek bolmay twr.
Men auıldan Almatığa 2005 jılı kelgende jağday şamamen osınday edi. Biraq 2025 jılı Astanadağı jağday däl sonday bolğanına tañım bar…
Pikir qaldıru