Sud'yalar endi memlekettik tilden kürdelendirilgen emtihan tapsırıp, psihologiyalıq testileuden äri bir jıldıq stajirovkadan ötui tiis.
kerey.kz
Qazaqstan Respublikası Prezidentiniñ janındağı Ortalıq kommunikaciyalar qızmetinde , sud'yalardı irikteu jüyesin jetildiru jäne olarğa qoyılatın biliktilik talaptarın arttıru, sonday-aq investiciyalıq sottardı qwru taqırıbına arnaldı.
İs-şarağa Joğarğı Sottıñ qılmıstıq ister jönindegi qadağalauşı sot alqasınıñ törağası Abay Rahmetulin, Joğarğı Sottıñ azamattıq jäne äkimşilik ister jönindegi qadağalauşı sot alqasınıñ sud'yası Nwrjan Qayıpjan spiker retinde qatıstı.
Qazirgi tañda elimizde 2606 sud'ya qızmet atqaradı. Ötken jılı Prezidenttiñ tapsırmasına säykes sot korpusı 450 sud'yağa arttı. 2001 jıldan bastap jariyalı jäne köpsatılı sipatqa ie konkurstıq irikteu jüyesi engizildi. Sud'yalar biliktilik emtihanınıñ qorıtındısı boyınşa nemese Qazaqstan Respublikası Prezidenti janındağı Memlekettik basqaru akademiyasına qarastı Sot töreligi institutındağı oqudıñ qorıtındısı boyınşa irikteuden ötedi. Ümitkerlerdiñ kandidaturasın qwramına jergilikti jwrtşılıq, ükimettik emes wyımdardıñ ökilderi kiretin öñirlerdegi Qoğamdıq keñes jariyalı türde talqılaydı. Keyinnen olardıñ kandidaturaları Joğarğı Sot Keñesinde qarastırıladı.
Zaman talabına säykes, sot korpusına qoyılatın talap ta twraqtı türde artuda. Qazirgi tañda elimiz qarqındı damuda, qoğamdıq qatınastardıñ, äleumettik-ekonomikalıq procesterdiñ auqımı keñeyude, Qazaqstandı älemdegi damığan 30 eldiñ qatarına engizu mindetin orındau közdelude. Sondıqtan da sottar men sud'yalardıñ eñ joğarğı talaptarğa say kelui uaqıt talabına tuındağan mindet bolıp tabıladı.
Joğarğı Sot sud'yalıqqa ümitkerlerge qoyılatın biliktilik talaptarın qayta qarau boyınşa birqatar wsınıstardı äzirledi. Atalğan wsınıstar Jañğırtu jönindegi wlttıq komissiyanıñ qarauına resmi türde joldandı.
Atap aytqanda, barlıq sud'yalardı mindetti türde Sot töreligi institutınıñ magistraturasında dayarlıqtan ötui tiis. Osı rette, Ekonomikalıq ıntımaqtastıq jäne damu wyımınıñ atalğan oqu ornınıñ Joğarğı Sotqa bağınıstı boluı turalı wsınımı qoldauğa layıq dep eseptelude. Mwnday täjiribe Franciyada sätti iske asırıluda. Biliktilik emtihanın tapsıru tärtibi qayta qaralatın boladı. Wsınım beru institutın, («A» korpusına ümitkerlerdi irikteu jüyesi boyınşa) memlekettik tildi bilu deñgeyin testileu, tapsırmalar (keyster) engizu arqılı biliktilik emtihanın jetildiru, ümitkerlerdiñ qwqıq qoldanu boyınşa qabiletin bağalau üşin mindetti psihologiyalıq testileu engizu şaraları zañnamalıq twrğıda bekitiletin boladı. Sud'yalıq lauazımğa wsınılğan twlğalar üşin bir jıldıq sınaq merzimin engizu közdelude.
Sud'yalar qızmetin kezeñdik käsibi bağalau jüyesin engizu mäselesi tübegeyli şara retinde qarastırılatın boladı. Sud'yalıq ötili 15 jıldan asatın sud'yalardı sanamağanda, sud'yalardıñ biliktiligin 5 jılda bir ret, sonday-aq joğarı twrğan sottağı sud'ya lauazımına, sot nemese sot alqasınıñ törağası qızmetine jariyalanğan konkursqa qatısqan sud'yalardıñ käsibi deñgeyin bağalau jürgizu funkciyasın Sot Jyuriine beru qarastırıluda.
Audandıq sot sud'yasınıñ lauazımdıq jalaqısınıñ 70% kölemindegi eñbekaqısın töley otırıp, bosatılğan negizde sud'yalardıñ tağılımdamadan ötu jüyesin engizu mäselesi qarastırıluda.
Qazirgi tañda investiciyalıq daulardı şeşu boyınşa sot isin jürgizudiñ jaña modelin qwru mäseleleri pısıqtaluda. Mäselen, Parlament Mäjilisiniñ ekinşi oqılımında maqwldanğan jaña redakciyadağı Azamattıq procestik kodeks jobasında Joğarğı Sotta investiciyalıq daulardı qaraytın alqa jäne Astana qalasınıñ sotında mamandandırılğan sud'yalar qwramın qwru qarastırılğan. Joğarğı Sotta qwrılatın alqada iri investorlardıñ qatısuımen bolatın daulardı, al qalğan investorlardıñ qatısuımen bolatın daulardı Astana qalası sotınıñ mamandandırılğan sud'yalar qwramı qaraydı dep josparlanuda. Bwl model' şeteldik sarapşılardıñ ğılımi-konsul'tativtik keñes jwmısına qatısuı arqılı investiciyalıq daulardı qarauğa tartuğa mümkindik beredi.
Bwğan qosa, sot töreligin odan äri mamandandıru maqsatında investorlardıñ jäne Astana öñirlik qarjı ortalığı qatısuşılarınıñ qatısuımen daulardı qarastıratın oblıstıq sotqa teñestirilgen märtebege ie Mamandandırılğan investiciyalıq sot qwru mäselesi zerdelenude.
Osı mäseleni pısıqtau maqsatında Joğarğı Sot Törağası bastağan sud'yalar delegaciyası Birikken Arab Ämirlikteri men Singapurğa arnayı barıp qayttı. İssapar şeñberinde Dubay Halıqaralıq qarjı ortalığı men Singapur Halıqaralıq kommerciyalıq sotınıñ jwmıs täjiribesi zerdelendi. İssapar nätijesinde zerdelengen täjiribeni jaña investiciyalıq sottar qwru kezinde keñinen paydalanu közdelude.
Brifing barısında spikerler BAQ ökilderiniñ swraqtarına jauap berdi.
Baspa söz ortalığı
Pikir qaldıru