— Qanat ağa, elge qoş keldiñiz. Sizdi Almatığa keldi degendi esti sala, swhbattasuğa asıqtıq. Elge aytar jañalıqtarıñız köp şığar. 18-inşi jekpe-jegiñizdi jeñispen ayaqtağanıñız qwttı bolsın. Ökinişke qaray otandıq arnalardan köre almadıq. Şeteldiñ sayttarınan tauıp alıp tamaşaladıq. Qarsılastı 5 raundta tize büktirdiñiz. Bwl jwdırıqtasuıñız qanşalıqtı qiın boldı?
— Bwl jekpe-jekke 3 ay dayındaldım. Qarsılasım osal boksşı emes. Täjiribeli sportşı. Aşıq jwdırıqtaspaydı. Ayaqta köp qimıldaydı. Özine say ädis-aylası bar. Jekpe-jek Kolumbiyada ötti. Kolumbiya Mayamiden qarağanda biigirek jerde. Aua rayına üyrene almay, säl şarşañqıradım. Biraq, jekpe-jek men oylağanday ötti. Fidel' Monterrosadan keyingi qarsılastarım mıqtı bolmaq. Endi men, 12 raundtıq jekpe-jekterde jwdırıqtasamın.
— 12 raundqa qanşalıqtı dayınsız?
— Qwdayğa şükir, bäri jaqsı. Saqaday saymın. Men AQŞ-ta oynap jürgem joq. Bar küşimdi salıp dayındalıp jürmin. Men üşin 12 raundtıñ eş qiındığı joq.
— Kelesi qarsılas anıqtaldı ma? Jekpe-jek qaşan boluı mümkin?
— Qarsılastar köp. Qazir birneşeuimen söylesudemiz. Arasında menimen jwdırıqtasudan bas tartqandarı da boldı. Bwyırtsa bir aptanıñ işinde şeşiledi.
— Jekpe-jekteriñizdi elimizdegi telearnalar qaşan körsetedi?! Bwl turalı kelisim şart jasalıp jatır ma?
— Bwyırtsa kelesi kezdesulerimdi körsetidi. Sözdiñ aşığı, men elge «Astana» prezidenttik käsipqoy sport klubımen kelisim şart turalı söylesuge keldim. Jaqın künderi AQŞ-tan Nelson Lopez de keledi. Ekeumiz birge Astanağa osı mäsele boyınşa barmaqpız. Amerikada jaqsı promouterlik kompaniyalar menimen jwmıs jasauğa ötiniş bildirip jatır, biraq men öz elimniñ klubınıñ atınan şıqqandı qalaymın.
— AQŞ-tağı bir küniñiz qalay ötedi?
— Tañğı sağat 4:30-dan bastap 7:00-ge deyin tañğı jattığu jasaymın. Negizi uaqıttıñ köbi jattığumen ötedi. Qazir otbasım qasımda. Bos uaqıtta balalarımnıñ qasında bolamın.
— Balalarıñız ben jarıñız AQŞ-qa üyrendi me?
— Olar AQŞ-ta men üşin twrıp jatır. Olardıñ köz aldımda jürgeni jaqsı. Köñilim toq boladı. Basında aua rayına säl üyrene almay jürdi. Qazir sol jerdiñ twrğını siyaqtı özderin jaylı sezinedi.
— Mayamide dostırıñız bar ma? Qonaqqa barıp twrasızdar ma?!
— Promouterimniñ otbasımen aralasamız. Olarmen körşi twramız. Biraq eldegidey emes. Ol jaqta qazaq joq. Et jemeysiz, şäy işpeysiz degendey(külip).
— Sizdiñ promauteriñiz Nelson ağılşınşa söylesedi, siz qazaqşa söyleysiz. Bir-biriñizdi qalay tüsinesizder? Älde AQŞ-ta jürip ağılşınşa üyrenip aldıñız ba?
— Nelsonmen «Astana arlandarında» jürgende tanısqanmın. Qazir bir-birimizdi 100 payız tüsinbesek te 80 payız tüsinemiz. Bos uaqıtımda ağılşın tilin üyrenip jürmin. Bwdan keyin jekpe-jekten soñ ağılşınşa swraqtarğa ağılşınşa jauap beru kerek boladı.
— Mayamide qanşalıqtı tanımalsız?
— Qattı tanımalmın dep ayta almaymın. Käsipqoy boksta endi körinip jürmin. Äli biraz uaqıt kerek.
— Qay boksşımen jwdırıqtasudı armandaysız?
— Meniñ salmağımda çempiondar köp. Men sol mıqtılarmen ğana şıqqım keledi. Mıqtımen şıqsañ täjiribeñ de artadı. Mıqtımen şıqsañ mıqtı bolasıñ. Meyvezer, Pak'yao, Kottolarmen jwdırıqtassam deymin.
— Elde qanşa uaqıt bolasız?
— 2 aptaday osında bolamın. Köp uaqıt jüre almaymın. Öytkeni jattığuım qalıp baradı. Alda jarıs bar.
— www.kanatislam.com dep jeke saytıñız aşılğalı jatır eken. Osı turalı da ayta ketseñiz.
— Öte quanıştımın. Qazaq: «Öziñdi öziñ sıylasañ jat janınan tüñiler» — deydi ğoy. «Öser eldiñ balası birin-biri batır» deydi degen söz de bar. Öz özimizdi qoldamasaq, bizdi kim kötermeleydi. Men tek qazaqqa ğana kerekpin. Men amerikalıqtarğa qızıq emespin. Meni sıylıp sayt aşıp jatqan jigitterge alğıstan basqa aytarım joq.
— Aytpaqşı, ağa bügin tuılğan küniñiz ğoy. Säl bolmağanda qwttıqtaudı wmıtıp kete jazdappın. Alla ömiriñizdi berekeli etsin. Tek jeñisiñizdiñ kuäsi bolıp jüre bereyik. Qazaq eli sizdi maqtan twtadı. Sizben maqtanadı. Älemge qazaq atın şığara beriñiz. Qazaq jastarı ğana emes, älem jastarı da sizge eliktep össin.
— Aumin, aytqanıñız kelsin! Rahmet, sizge de tek jaqsılıqtar tileymin.
kanatislam.com
Pikir qaldıru