Tengrinews.kz tilşisi äjege habarlasıp, qızıqtı saparları turalı tolığıraq swradı. “Men alğaş ret 79 jasımda Londonğa bardım. Nemerelerim meni baruğa köndirdi, alğaşında qorıqqanmın. Biraq wşaqta özimdi jaqsı sezindim, – dedi 80 jastağı . – Biz özimizben birge qazı-qarta alıp kettik, sondıqtan tamaq jöninen qinalğan joqpız. Olardıñ da tamağı wnadı. Keyin balalarımmen Taylandqa barıp demaldıq. Men olardıñ tilin tüsinbeymin ğoy, olar mağan öz tilinde birdeñe ayttı, men qazaqşa jauap berdim. Olardıñ şıbın-şirkeyin jegen joqpın. Men tek sorpa ğana iştim”, – dedi äjey.

Onıñ nemeresi Aydın Toqsanbaeva äjesin joğaltıp alğan säti turalı aytıp berdi. “Bir küni biz jağajayda jatqan äjemizdi joğaltıp aldıq. Qorqıp ketip körşilerimizden swray bastadıq. Onıñ suğa tüsuge ketkenin keyin bildik. Ol şomılğandı jaqsı köredi”, – dedi Aydın.

Onıñ nemeresiniñ aytuınşa, äjey eşqaşan şarşamaydı. Küni boyı jürgennen keyin ol birden wyıqtap qaladı eken. “Ol barlığına ülgeruge tırıstı. Disneylend ätkenşegine otırğanda da ol qorıqqan joq. Bizben birge kezekte twrğan amerikalıq otbası ülken adamğa ätkenşekke otıru qauipti ekenin ayttı. Biraq äjem qorıqqan joq”, – dedi Aydın.

Äje wlımen birge Luvrde

80 jastağı äje barlıq jerge qazaqtıñ wlttıq kiimin kiip baradı. Äjeydiñ nemeresiniñ aytuınşa, ol otbasımen birge qıdırğandı jaqsı köredi. “Bizdiñ sayahatımızdıñ aqşasın äkem töleydi. Biz aqşanı ünemdeuge tırısamız. Kelesi jılı äjem Mekkege barudı josparlap otır. Barlığı dwrıs boladı dep ümittenemin”, – dedi nemeresi.

Parijdegi Eyfel' mwnarası janında

Taylandtağı Rayban-da

Nemeresi Aydın Toqsanbaevamen birge

Disneylendte ätkenşek kezeginde

Şarşağan kezderi osılay wyıqtap alğan

Sayahat kezinde äjeyge suşi qattı wnaptı

baq.kz