Erjan Ötembaev bügingi sot otırısına bir top belgisiz adammen birge keldi. Ol sotqa deyin de, sottan keyin de kommentariy beruden bas tarttı. Özin sergek äri batıl wstağan bwrınğı twtqın swraq qoyğan Azattıq tilşisine «Aulaq jüriñizderşi» dedi.

Qastandıqpen öltirilgen Altınbek Särsenbaywlınıñ ağası Rısbek Särsenbaywlı sot otırısı bastalar aldında Azattıq tilşisine «qastandıqqa kimniñ tapsırıs berip, kimniñ wyımdastırğanı äli belgisiz bolğandıqtan Erjan Ötembaevtı merziminen bwrın şarttı jazamen bosatu zañ twrğısınan da, moral' twrğısınan da mülde dwrıs emes» dep mälimdedi.

Qastandıqpen öltirilgen Altınbek Särsenbaywlınıñ ağası Rısbek Särsenbaywlı. Astana, 28 mamır 2015 jıl.

2014 jıldıñ aqpanında Erjan Ötembaevtıñ ükimin qayta qarağan sot jaza merzimin 20 jıldan 13 jılğa qısqartıp, onı «qılmısqa aydap saluşı» dep tanığan. Erjan Ötembaev 2006 jılı oppoziciyalıq sayasatker Altınbek Särsenbaywlı men onıñ jürgizuşisin jäne küzetşisin qastandıqpen öltiruge tapsırıs beruşi retinde sottalğan. Qazaqstan bas prokuraturasınıñ «Altınbek Särsenbaywlın öltiruge şın mäninde Qazaqstan prezidentiniñ bwrınğı küyeu balası Rahat Äliev pen wlttıq qauipsizdik komitetiniñ bwrınğı törağası Älnwr Mwsaev tapsırıs bergen» degen mälimdemesinen keyin Ötembaevtıñ ükimi qayta qaralğan.

Rısbek Särsenbaywlı Qazaqstan qwqıq qorğau organdarı Äliev pen Mwsaevtıñ qastandıqqa qatısın däleldey almauı sebepti Ötembaevtı türmeden şığarmau kerek edi dep sanaydı.

Sot alqası otırısında jäbirlenuşi tarap ökili Marjan Aspandiyarova Erjan Ötembaevtı merziminen bwrın şarttı jazamen bosatu faktisinen keyin qoğamda «jeke twlğağa qarsı qılmıs jasağandar jazadan qwtılıp ketui nemese jazanı jeñildetuine boladı degen oy ornığadı» dep mälimdedi.

– Ötembaevtıñ jazasın jeñildetu jan türşiktiretin qılmısqa el basşılığınıñ qatısı barın däleldemey me? – deydi Marjan Aspandiyarova.

Ol toğız jıldıñ işinde, tipti onı merziminen bwrın şarttı jazamen bosatu mäselesi qaralıp jatqan kezde de Erjan Ötembaevqa bir de bir swraq qoyu mümkindigi berilmegenin ayttı.

Sayasatker Altınbek Särsenbaev. Almatı, 2005 jıl.

Astanadağı kassaciyalıq alqa sud'yalarınıñ qarsılığına qaramastan, Rısbek Särsenbaywlı Erjan Ötembaevtan inisiniñ qazasına qatıstı biraz swraqtarğa jauap beruin ötindi. Ol Altınbek Särsenbaywlın qastandıqpen öltiruge naqtı kimniñ tapsırıs bergenin de swradı.

– Qoyılğan swraqtarğa qatıstı aytarım, bwl – özge sot qaraytın, özge tergeu amaldarına qatıstı mäsele. Adamşılıq twrğıdan alğanda, jäbirlenuşilerdi de tüsinuge boladı, olardıñ swraqtarınıñ özindik qisını bar. Men olardı belgili bir därejede tüsinemin. Biraq mına otırısta zañdı basşılıqqa alıp, osı iske qatısı bar mäseleni ğana qaraudı swraymın. Bir mäseleni qarap otırıp, özge jaqqa bwra tartıp jatırmız. Onı qaraudıñ uaqıt joğaltqannan basqa eşbir mäni joq, – dedi Erjan Ötembaev.

Bıltır qaraşa ayında Astanadağı mamandandırılğan audanaralıq qılmıstıq ister sotı merziminen bwrın şarttı jazamen bosatu turalı ötinişin qarağannan keyin Erjan Ötembaev bostandıqqa şıqqan. Parlament senatı apparatınıñ bwrınğı basşısı türmede segiz jıl otırdı.

Resmi boljam boyınşa, Altınbek Särsenbaywlın bwrınğı policiya qızmetkeri, sol oqiğadan keyin sotqa tartılıp, ömirlik türme jazasına kesilgen kesilgen Rustam Ibragimov öltirgen. Tergeu boljamınşa, bwl iske sayasatkerdi wrlap äketudi wyımdastırğan Qazaqstan wlttıq qauipsizdik komiteti «Arıstan» arnayı bölimşesi oficerleriniñ de qatısı bar.

2006 jılı aqpan ayında jwmbaq jağdayda qastandıqpen öltirilgen azamattardıñ – Qazaqstan oppoziciyası basşılarınıñ biri Altınbek Särsenbaywlı men onıñ kömekşileri Vasiliy Juravlev jäne Bauırjan Baybosın üşeuiniñ denesi Almatı mañınan tabılğan. Jäbirlenuşi taraptıñ mälimdeuinşe, sodan beri tergeu amaldarında eşqanday ilgerileu bolmağan jäne qılmısqa tapsırıs beruşiniñ esimi äli künge deyin atalmağan.

Svetlana GLUŞKOVA

azattyq.org