Atbasarda biıl toylanbaqşı bolıp otırğan ekinşi bir ataulı mereke — jazuşı Iliyas Esenber­linniñ 100 jıldığı. YUNESKO-nıñ şeñberinde qolğa alınıp jatqan bwl şarağa atbasarlıqtar qızu dayındıq jasap jatqanın bayqadıq. Eñ quanıştısı, talay jıldardan beri jüdeñkirep twrğan osı jerdegi Esenberlin mwrajayı bas­tan-ayaq qayta jöndeuden ötip jatır. Sonday-aq, qalanıñ ortalıq alañında 1000 şarşı metr jer jaylandırılıp, Esenberlin­niñ eñseli eskertkişi boy kötermek­şi.

Bizder eskertkiştiñ avtorı, müsinşi Ivan Sedleckiymen habarlasqanımızda, tömendegidey aqparat berdi:

– Müsin taza qoladan qwyılmaqşı, salmağı bir tonnağa juıq. Jazuşınıñ bet-beynesin onıñ ülken qızı Rauşanmen kelisip otırıp qalıptadıq. Alğaşqı maket küyinde men onıñ bet-jüzin qatal beyneli köşpendilerge wqsatıp edim, biraq Rauşan ömirdegidey jwmsaq, sabırlı qılıp jasañız degen ötiniş ayt­tı. Jazuşı bir qolına kitap wstap twr. Kitaptıñ sırtına “Köşpendi­ler” dep jazıp edim, ol dwrıs körinbeytin boldı. Sosın jazudı wlttıq oyu-örnekpen almastırdıq. Müsinniñ jalpı biiktigi – twğırımen qosa eseptegende 6 metrge juıq. Osı jwmıstardıñ barlığına          28 million teñge köleminde demeuqarjı jwmsaldı. Sätin salsa, qırküyek ayınıñ ortasında eskertkiş­tiñ aşılu räsimi bola ma dep josparlanıp otır, – deydi müsinşi.

Bir ayta keterligi, bwl jerde bwrın proletariattıñ kösemi Leninniñ zäulim eskertkişi twratın edi. Onıñ ornınan alınğanına biraz jıl bolıp qaldı. Endi mine, kösemniñ ornına jazuşı kelip ornalaspaq. Atbasarlıqtardıñ bwl äreketi Leninniñ eskertkişin äli künge deyin äspettep, Ekibastwz qalasındağı bir köşeniñ boyında wstap otırğan äkim A.Verbnyak mırzağa ülgi bolsa eken deysiñ.

zhasalash.kz