Bügin Mäjilisten deputat Almas Twrtaev qoñırau şalıp, quanıştı habar jetkizdi. QHR-dıñ elimizdegi Elşiliginen QR Sırtqı ister ministrligine  «Sottılıqqa» baylanıstı jauap hat kelip tüsipti. Şauıp barıp, köşirmesin aldıq!

Esteriñizde bolsa, Mäjilistegi Jwmıs tobı «Qazaqstan Respublikasınıñ territoriyasında auır nemese asa auır qılmıs jasağanı üşin sottalğandığı bolğan;» dep özgeris engizgen 49-baptıñ 9)-tarmağı Ükimetten«auır nemese asa auır qılmıs jasağanı üşin alınbağan nemese ötelmegen sottılığı bar;» degen redakciyamen qaytıp kelgen bolatın. Zañ jobası Ükimet wsınğan osı nwsqamen qoldanısqa ense de, bäribir, twraqtı tirkeuge twruda qandastarımızdan «Sottılığınıñ» bar ne joqtığı turalı «ANIQTAMA» talap etiler edi. Osı anıqtamağa Aldan Smayıl ağamız bastağan barlıq Mäjilis deputatattarı qınjılıs tanıtqan. Sosın, Mäjilistegi jwmıs tobınıñ jetekşisi Gülnär Seytmağambetova apayımız bwl mäseleni kelesi otırısqa qaldıratının, ol otırısqa İşki ister ministriniñ orınbasarı Erlan Twrğınbaevtı şaqıratının aytıp, tarasqan.

(Elşilikke hat jazıp, mäseleniñ män-jayın anıqtağan QR İİM-niñ azamattarı: Sabırjan Seytjanov, Erlan Twrğınbaev (ortada) jäne osı joldardıñ avtorı – Auıt Mwqibek).

Kelesi otırısqa Erlan Twrğınbaev Köşi-qon policiyası departamentiniñ bastığı Serik Sayınovtı jäne Sabırjan Seytjanovtı erte kelgenin, deldaldar jasağan jalğan anıqtamanı körsetem dep, deputattardan sın estigenin kezinde jazğanbız. Sol jolı ministrdiñ orınbasarı deputattarğa «QR İşki ister ministrligi Sırtqı İster ministrligi arqılı Qazaqstandağı Qıtay Elşiliginiñ qabıldauın swrap, Hat jazamız. Sol kezdesude Elşilikten bwl mäsele turalı swraymız» – dep, uäde bergen. Biz de Qıtay Zañın audarmasımen qosıp, Erlan mırzanıñ qorjınına salıp jibergen edik. E.Twrğınbaev uädesinde twrıp, Qıtay Halıq Respublikasınıñ Elşiligine hat jazıptı. Elşilikten, mine, jauap ta kelip ülgirdi. Erlan Zamanbekwlı er eken! Wlı Abay aytqan «Söz ben isiñ bir bolsın!» degen osı! Jwz jasañız, Erekem!!!

Osı nätijege jetuge ıqpal etken Mäjilistegi jwmıs tobınıñ jetekşisi Gülnär Süleymenqızına, jwmıs tobındağı Aldan Zeynollawlı, Nwrtay Salihwlı, Baqıtbek Smağwl, Meruert Aytqajıqızı, Almas Wzaqwlı… bastağın barlıq Halıq qalaulılarına biz köp rahmet aytuımız kerek, ağayın!

(Quanıştı habardı qoñırau soğıp jetkizgen Almas Twrtaevpen äñgimemiz ärkez el mwratı töñirgende örbidi). 

 Jalpı Köşi-qon Zañınıñ köp talqılauına bastı sebeptiñ biri osı – «Sottılıqqa» baylanıstıANIQTAMANIÑ «jırı» boldı! Biz de bwl Zañ jobasınıñ Qıtaydan keletin qazaqtar üşin qwnı kök tiın bolğalı twrğanın, oralmandardı sergeldeñge salatının aytıp, qadalıp otırıp aldıq…

«Eşten keş jaqsı!» degen, aqırı Qıtay Elşiliginen jauap alıp tındıq!

Sonımen, atalğan jauap hatında Qıtay Elşiligi: «Qıtay aumağında äkimşilik jäne qılmıstıq ister boyınşa  ortaq derekqordıñ joq boluına baylanıstı, azamattıñ sottılığı nemese sottalmağanı turalı anıqtamalardı ötiniş beruşiniñ twrğılıqtı jeri boyınşa QHR Qoğamdıq qauipsizdik  ministrliginiñ  är  provinciyasındağı  nemese  qaladağı aumaqtıq policiya  bölimşeler  beredi. Bwl anıqtamalardıñ  ortaq  standartı  nemese ülgisi bekitilmegen» dep jazıptı. Sodan keyin: Elşiliktiñ Konsuldıq bölimi Qazaqstanğa QHR azamattarınıñ köpşiligi Şıñjañ-Wyğır avtonomiyalıq audanınan keletindikten, atalğan audannıñ qwzıretti organdarı beretin anıqtamalardıñ jäne olarğa lauazımdı twlğalardıñ qoyatın qolı men mörleriniñ ülgilerin wsınuı turalı Qıtay halıq Respublikasınıñ Sırtqı ister ministrligine   saual joldağanın jäne jauap kelip tüsken jağdayda qosımşa habarlanatındığın jetkizedi.

Osılay dey kelip Qazaqstandağı Qıtay elşiligi: «Kiru men şığu mäselelerin retteu turalı» 2012 jılı 30 mausımdağı QHR Zañınıñ 12-babınıñ 2, 3-tarmaqtarına säykes, eger de Qıtay azamatı sottalıp, onıñ merzimi ötelmegen bolsa, azamatqa qarsı qılmıstıq is qozğalıp ne qılmıs jasadı dep küdikke ilinip, tergeu üstinde bolsa, sonday-aq ayaqtalmağan azamattıq sottıq is boyınşa eldiñ aumağınan tıs ketuge şekteu qoyılğan jağdayda, oğan şetelge şığuğa tıyım salınuı mümkin.«Pasporttardı beru turalı» 2006 jılı 29 säuirdegi QHR Zañına säykes bwl sanattağı Qıtay azamattarına wlttıq pasporttar resimdelmeydi (aqparat qosa tirkelgen)»-dep anıqtap jazıptı.

Demek, «Pasporttardı beru turalı» 2006 jılı 29 säuirdegi QHR Zañına säykes, bizdiñ Ükimet wsınğan «auır nemese asa auır qılmıs jasağanı üşin alınbağan nemese ötelmegen sottılığı bar;» azamattarğa  Qıtay wlttıq pasport bermeydi. Bwl – pasportı joq adam şetelge de şığa almaydı degen söz! Bizdiñ Ükimetke talmay aytıp jürgen uäjimiz rastaldı!!!

Endi Qıtaydan keletin qandastarımızdan «Sottılıq» turalı ANIQTAMA swrau artıq! Osı sergeldeñ de jetedi! «Ortaq  standartı  nemese ülgisi bekitilmegen» anıqtama kimge kerek!? Oğan basılatın tañbanıñ bäri hansulardıñ qolında. Qazaqtardı telmeñdetip qoyu – eldigimizge sın!!

Eñ jaqsısı bwl mäseleni Zañ jobasında şeşken dwrıs! Bolmasa,  «Şığu parağın» küşinen qaldırğan №315 bwyrıq sekildi QR İşki ister ministrligi arnayı bwyrıq şığaru arqılı şeşse de boladı!

Aytpaqşı, Zañ jobası erteñ Mäjilistiñ ekinşi oqılımına joldanadı.

Arnayı Abai.kz aqparattıq portalı üşin

Auıt Mwqibek

13.10.2015

Astana

Abai.kz