Resey Federaciyasınıñ Prezidenti V.Putin Qazaqstan  ärtaraptandırılğan quattı ekonomikası bar, demokratiyalı, köpetnostı el retinde tabıstı damıp kele jatqanın, halıqaralıq arenada layıqtı bedelge ie ekenin, sonday-aq halıqaralıq kün tärtibindegi özekti mäselelerdi şeşu isine mañızdı üles qosıp otırğanın atap ötti.

«Qazaqstan men Reseydiñ köpğasırlıq dästürli dostıq pen tatu körşilikke negizdelgen baylanıstarınıñ deñgeyi joğarı ekenin qanağattanuşılıqpen atap ötemin. Euraziyalıq ekonomikalıq odaqtıñ qarqın alıp kele jatqan qızmeti özara tiimdi ıntımaqtastıq üşin türli salalarda jaña perspektivalarğa jol aşadı», – dedi V.Putin.

Sonday-aq Resey Prezidenti Qazaqstan men Reseydiñ arasındağı strategiyalıq seriktestik jäne odaqtastıq qatınastar eki el müddesi üşin Euraziya keñistigindegi twraqtılıq pen qauipsizdikti qamtamasız etu bağıtında odan äri nığaya beretinine senim bildirgen.

AQŞ Prezidenti B.Obama öz qwttıqtauında Qazaqstannıñ Euraziya jüregindegi zamanaui el bola otırıp, jappay qırıp-joyu qaruın taratpau isin ilgeriletuden bastap, zorlıq-zombılıq sipatındağı ekstremizmge qarsı is-qimıl jasauğa deyingi jahandıq sın-qaterlerge qarsı twruda mañızdı röl atqaratının aytqan.

«Qwrama Ştattar örkendeu jäne demokratiya jolımen jürip kele jatqan Qazaqstannıñ seriktesi bolıp tabılatının maqtan twtadı. Biz aldağı jıldarda da Täuelsizdik küni merekesin sizdermen birge quanışpen atap ötetin bolamız», – delingen hatta.

Rim Papası Francisk Nwrswltan Nazarbaevqa jäne bükil Qazaqstan halqına baqıt pen igilik tiley otırıp, Jaratuşıdan elimizge jaqsılıq swraytının atap ötken.

Täuelsizdik künine baylanıstı igi tilekter Wlıbritaniya patşayımı II Elizavetadan, Japoniya imperatorı Akihitodan, Saud Arabiyasınıñ koroli Salman ben Äbdel Äziz Äl Saudtan, Niderland koroli Villem-Aleksandrdan, Şveciya koroli Karl XVI Gustavtan jäne Bel'giya koroli Filippten keldi. Olar da öz qwttıqtaularında Qazaqstan halqınıñ odan äri damıp, örkendeuine tilektestik bildirgen.

Francuz Respublikasınıñ Prezidenti F.Olland Nwrswltan Nazarbaevtıñ biılğı qaraşada Parijge jasağan saparı ekijaqtı qarım-qatınastıñ, äsirese sayasi dialog pen bilim beru mekemeleri arasındağı ıntımaqtastıqtıñ sapası joğarı ekeniniñ tağı bir ayğağı bolğanına nazar audardı.

Franciya köşbasşısı strategiyalıq seriktestikke, ekonomikalıq qarım-qatınastarğa, sonıñ işinde energetika, aeronavtika jäne kölik siyaqtı perspektivalı salalarğa serpin beru üşin ıntımaqtastıqtı üdetudiñ jäne ärtaraptandırudıñ mañızdılığın atap ötken.

F.Olland zamanaui, örkendeuşi jäne älemge aşıq memleket qwru isinde Qazaqstan Franciyanıñ qoldauına senim arta alatının aytqan.

Germaniya Federativtik Respublikasınıñ Prezidenti Y.Gauk Qazaqstannıñ täuelsizdigin alğan sätten bastap eleuli damu jolınan ötkenin, osı kezeñde eki eldiñ qarım-qatınasınıñ ayası twraqtı türde keñeytip kele jatqanın atap ötken.

Italiya Respublikasınıñ Prezidenti S.Mattarella eki el arasındağı özara tiimdi baylanıstardı, sonıñ işinde Qazaqstan men Europalıq odaqtıñ qarım-qatınasın sayasi jäne ekonomikalıq salalarda odan äri nığaytu üşin jaña mümkindikter jasaluına tilektestik bildirdi.

Avstriya Respublikasınıñ Federaldıq Prezidenti H.Fişer beybitsüygiş sırtqı sayasatın belsendi äri sındarlı türde jürgizip kele jatqan Qazaqstan Avstriya men Europa üşin Ortalıq Aziyadağı mañızdı seriktes bolıp sanalatının ayttı. Bwl ekijaqtı baylanıstarmen qatar Europalıq odaq pen Qazaqstan arasındağı qarım-qatınastardan da körinip otır.

Soñında H.Fişer Nwrswltan Nazarbaevqa baq-bereke jäne Qazaqstan halqına jarqın bolaşaq tiledi.

Çeh Respublikasınıñ Prezidenti M.Zeman eki el arasındağı dästürli dostıq qarım-qatınastar özara müddelilik bayqalatın barlıq salada tereñdey beretinine senim bildirdi. Ol sonday-aq Qazaqstanğa bıltırğı saparı kezinde özine körsetilgen iltipat pen qwrmet üşin alğıs ayttı.

Vengriya Prezidenti YA.Ader Qazaqstan Täuelsizdigin alğan sätten bastap äleumettik-ekonomikalıq damu jolında tamaşa nätijelerge jetkenin jäne halıqaralıq arenada qwrmet-bedelge ie bolğanın ayttı.

«Eki eldiñ qarım-qatınası soñğı jıldarı strategiyalıq deñgeyge köterilgeni quantadı. Ortaq tarihi jäne mädeni tamırlarımız baylanıstardı odan äri damıtu üşin qolaylı jağday tuğızadı», – delingen qwttıqtauda.

Ündistan Respublikasınıñ Prezidenti P.Mukerdji Qazaqstan Nwrswltan Nazarbaevtıñ basşılığımen barlıq salada aytarlıqtay tabısqa jetkenin aytqan.

«Eki eldiñ arasındağı qarım-qatınastar strategiyalıq seriktestik ayasında twraqtı damıp keledi. Ündistan prem'er-ministriniñ Qazaqstanğa biılğı şildedegi saparı ıntımaqtastıqtı odan äri nığaytu üşin jaña mümkindikter jasauğa ıqpal etti. Dostıq qatınastar bolaşaqta jaña biikterge jetetinine jäne eki el halıqtarınıñ äri qaray damuı men güldenuine septigin tigizetinine senimdimin», – delingen qwttıqtauda.

Koreya Respublikasınıñ Prezidenti Pak Kın He eki eldiñ strategiyalıq seriktestigi barlıq salada, sonıñ işinde sayasat, ekonomika, mädeniet salalarında wdayı damıp kele jatqanın, bwl halıqtar arasındağı özara tüsinistik pen dostıqtı nığaytatının atap ötti.

Singapur Respublikasınıñ Prezidenti Toni Tan Keng YAm Qazaqstan halqı Nwrswltan Nazarbaevtıñ basşılığımen beybitşilik, progress jäne twraqtılıq jağdayında ömir sürip jatqanın aytqan.

«Qazaqstan bolaşaqta da örkendeui men damuın jalğastıratınına senimdimin. Qazaqstan men Singapur arasında jaqsı dostıq qarım-qatınastar ornıqqan. Sizdiñ qoldauıñızben ekijaqtı qarım-qatınastar bwdan äri de nığayıp, dami beredi dep ümittenemin», – delingen qwttıqtauda.

Belarus' Respublikasınıñ Prezidenti A.Lukaşenko Qazaqstan memlekettilikti nığaytu, qoğamdıq kelisimdi qamtamasız etu, tiimdi ekonomika qwru, halıqaralıq bedeldi küşeytu jönindegi jetistikterin  layıqtı maqtan ete alatınına nazar audarğan.

«Özara wdayı qoldaumen jäne birlesken jwmıstıñ joğarı nätijesimen erekşelenetin Qazaqstan men Belarus' arasındağı strategiyalıq odaqtastıq qarım-qatınastar halıqtarımızdıñ igiligi üşin bwdan äri de tereñdey beretinine senimdimin», – delingen qwttıqtauda.

Ol sonday-aq Nwrswltan Nazarbaevqa mıqtı densaulıq, baqıt jäne jauaptı memlekettik lauazımında tabıs, al dostas Qazaqstan halqına beybitşilik, igilik jäne qwt-bereke tiledi.

Qırğız Respublikasınıñ Prezidenti A.Atambaev täuelsizdik jıldarı aytarlıqtay tabısqa qol jetkizgen Qazaqstan öziniñ halıqaralıq arenadağı bedelin arttıra otırıp, qarqındı damıp kele jatqanın aytqan.

«Elderimizdiñ arasındağı odaqtastıq qarım-qatınastar men strategiyalıq seriktestik bwdan äri de jüyeli türde nığaya beretinine senimdimin», – dedi A.Atambaev.

Özbekstan Prezidenti I.Kärimov eki el arasındağı uaqıt sınınan ötken, dästürli tatu körşilestik, berik jäne sanğasırlıq dostıq, özara sıylastıq qağidattarına negizdelgen köpjosparlı qarım-qatınastar Qazaqstan men Özbekstan halıqtarınıñ müddesi jolında, öñirdegi beybitşilik pen twraqtılıqtı saqtau üşin aldağı kezeñde de tereñdey tüsetinine senim bildirgen.

Ukraina Prezidenti P.Poroşenko Qazaqstandağı tiimdi özgerister men qwrılımdıq reformalardı jüzege asıruda eleuli nätijelerge qol jetkizilui memlekettiñ halıqaralıq arenadağı bedeliniñ jüyeli türde nığayuına septigin tigizip kele jatqanın aytqan.

«Elderimiz arasındağı dästürli dostıq qarım-qatınas pen özara tüsinistiktiñ qol jetkizilgen deñgeyi – Qazaqstan men Ukraina halıqtarınıñ igiligi jolındağı ekijaqtı ıntımaqtastıqtı tereñdetu üşin qajetti berik negiz», – delingen qwttıqtauda.

Ol memleketaralıq dialogtı odan äri örbituge, ortaq müddeni bildiretin salalardağı qarım-qatınas qarqının üdetuge bağıttalğan birlesken küş-jiger Qazaqstan-Ukraina seriktestigin jaña sapalı deñgeyge köteruge septigin tigizetinine senim bildiredi.

Äzerbayjan Respublikasınıñ Prezidenti I.Äliev eki eldiñ tamırı tereñde jatqan baylanıstarı jan-jaqtı äri qarqındı damu jolında jalğasuda ekenin atap ötken.

«Elderimizdiñ wdayı ayası keñeyip kele jatqan sayasi, ekonomikalıq jäne mädeni qarım-qatınastarı strategiyalıq seriktestik deñgeyine jetti. Halıqtarımızdıñ özara senimi men qoldauına, ortaq ruhani qwndılıqtarı men dästürlerine negizdelgen memleketaralıq baylanıstarımız aldağı uaqıtta da damıp, nığaya beretinine senimdimin», – dedi I.Äliev.

Türikmenstan Prezidenti G.Berdimwhamedov Qazaqstannıñ täuelsizdik jıldarı sayasi, ekonomikalıq jäne äleumettik salalarda qol jetkizgen tabıstarın, sonday-aq elderimizdiñ arasında strategiyalıq seriktestik ruhında qalıptasqan jan-jaqtı qarım-qatınastardıñ joğarı deñgeyin atap ötken. Ol Qazaqstan men Türikmenstannıñ eki el halqınıñ igiligi jolında özara tiimdi ıntımaqtastıqtı odan äri damıtıp, nığaytuı üşin berik negiz bar ekenine senim bildiredi.

Täjikstan Respublikasınıñ Prezidenti E.Rahmon soñğı jıldarı qol jetkizilgen Qazaqstan-Täjikstan seriktestiginiñ deñgeyine joğarı bağa bere kelip, teñqwqıqtılıq, özara sıylastıq jäne ortaq müddeniñ eskerilui qağidattarına negizdelgen eki el arasındağı özara tiimdi ıntımaqtastıqtı barınşa arttıruğa jäne onıñ ayasın keñeytu üşin qajetti barlıq küş-jigerdi jwmsau jönindegi şeşimniñ naqtı ekeni jöninde mälimdeydi.

«Biz Sizdiñ Täjikstanğa tayaudağı resmi saparıñız barısında qol jetkizilgen uağdalastıqtardı birlesip jüzege asırıp, eki eldiñ özara is-qimılınıñ jolımen odan äri ilgeriley alatınımızğa senimdimin», – delingen hatta.

Ekijaqtı qarım-qatınastı odan äri nığaytuğa äzir ekendikterine sendirgen jäne igilik pen baq-bereke tilegen qwttıqtauların Grek Respublikasınıñ prezidenti P.Pavlopulos, Slovak Respublikasınıñ prezidenti A.Kiska, Oñtüstik Afrika Respublikasınıñ prezidenti D.Zuma, Irak Respublikasınıñ prezidenti F.Masum, Efiopiya Federativtik Demokratiyalıq Respublikasınıñ prezidenti M.Teşome, sonday-aq Kuba Respublikası Memlekettik Keñesiniñ jäne Ministrler keñesiniñ törağası R.Kastro, Livan Respublikasınıñ prem'er-ministri T.Salyam joldadı.

Aqorda baspa söz qızmeti