Bizdiñ qoğamdı bölgisi keletinderge

Qoğamda bölinuşilik mäselesi beleñ alıp baradı. Jwrt jer-jerge, ru-ruğa, jüz-jüzge bölinip, özi az halıq ıdırap jür. Osı özekti mäsele özegin örtegen önerli jastar elge birigeyik degen oy tastau, jigerin janu, ruhın köteru maqsatında “Birgemiz” attı än jazıp, oğan beynebayan tüsirdi.

Avtorlardıñ aytuınşa, “Birgemiz” äni – el işine iritki salatındarğa narazılıq. “Bwl - qazaq halqına tastalğan ündeu. Biz birgemiz,sondıqtan da irgemiz ärkez berik ekenin bükil älemge jar salamız!”, – deydi olar. Änniñ sözin jazğan Jaswlan IsakaevMassaget.kz saytınıñ tilşisi. “Elimiz egemendik alğannan keyin birden ayaqtan twrıp ketpegeni belgili. Qiın-qıstau künderdi basınan ötkerdi. Zamana jeli qanşa zaulay soqqanmen, el irgesin qwlataalğan joq. El irgesi tatulıq pen birliktiñ arqasında berik boldı. Bwl än - sol bir künderdi eske saladı. Sol qiın şaqtıñ barlığın ıntımaq pen birliktiñ arqasında jeñip şıqtıq. Layım, tatulığımız berik, täuelsizdigimiz mäñgilik bolsın!”, – deydi Jaswlan.

Al tuındınıñ änin jazğan Älibek Älmadiev - elimizde “Hoçu kMeladze” teleşouınıñ finalisi retinde tanılğan jas darın. Ändi Jwldız radiosında “Sälem sağan, tuğan el”, STV arnasında”Ömir tınısı” sındı bağdarlamalardıñ jürgizuşisi,”Aldaspan” tobınıñ solisi Şamşaddin Omarov pen Älibek Älmädiev orındadı.

Klip syujeti boyınşa, auıl men qalada ösken qazaq balalarınıñ ömiri men twrmıstıq ayırmaşılıqtarı körsetiledi. Alayda, aytpaq oy – birlikte. Bir qızığı, Şamşaddin Omarov – auıldıñ balası da, Älibek Älmadiev - qalanıñ tuması. Olardıñ balalıq şağındağı sätterdi auıldıq jäne qalalıq balalar somdaydı.
Al klip rejisseri Ernar Almabek (Massaget.kz portalınıñ tilişisi) beynebayannıñ qayda tüsirilgenin bayandadı. “Beynebayandı eki künde tüsirip boldıq. Tüsirilim jwmıstarı Almatı qalasınıñ mañındağı Nwra auılında ötti. Qala balasınıñ obrazın 7 jastağı Bekjan esimdi bala, al auıl balasınıñ rolin 8 jastağı Abzal somdadı”, – dedi Ernar Almabek.

Aytpaqşı, bwl beynebayanğa qazaqstandıq käsipker Marğwlan Seysenbaev ta pikir bildirip ülgeripti. Käsipkerdiñ aytuınşa, bwl beynebayan wlttı bölip-jarğısı keletinderge ündeu bolıp şıqqan. Onıñ oyı beynebayan avtorlarımen bir jerden şıqtı.”Är zamannıñ öz qiın kezeñderi boladı. Qiın-qıstau künder tuğanda onı halıq dereu sezedi, osınday uaqıtta jaña änder men jaña qaharmandar payda boladı. 90-jıldardağı Keñes Odağınıñ qwlağanın biletinder tüsinedi. Bwl küyreu zamanı edi, qiın zamandar keldi, dese de, däl sol uaqıtta eldiñ ümiti men bostandığı payda boldı. Viktor Coydıñ, Tal'kovtıñ änderi, jaña esimder – barlığı da jaña. Qazirde de bir özgeris bolatın siyaqtı, bir jañalıq bolatınday körinedi. Bwrınğıday ömir süre beruge bolmaydı. Tipti uaqıttıñ özi bizge äldene aytqısı kelgendey, dağdarıs tuğızıp jatır, biz basqaşa oylap, özgeruimizdi talap etetindey”, – dedi ol.

Sonımen qatar, Seysenbaevtıñ aytuınşa bwl än däl qazir bizdiñ zamanımızdıñ änwranına aynaluı tiis. “Älemde zwlımdıqtıñ, meyirimsizdik pen rahımsızdıqtıñ beleñ alğan twsında, wlttıq erekşelikterimiz boyınşa, nağız qazaq pen şala qazaq dep, auıldıq nemese qalalıq dep bölu jürip jatqan kezde biz birge boluımız kerek! Bwl än sol jaylı. Meniñşe, bwl än bizdiñ zamanımızdıñ änwranına aynaluı tiis. Däl qazir bizge osı qajet dep senemin!”, – dedi ol.

tengrinews.kz
copyRules