Soñğı kezderi qazaq azamattarınıñ arasında -ov, -ev, – ova, – eva sekildi öziniñ tegine jarmasqan jalğaulardan arılğısı keletinder köbeyip keledi. Osı orayda oqırmandarımızğa atalğan mäseleni oñay şeşu üşin az-kem aqparat beremiz.

Qazaq halqınıñ qalıptasqan dästürlerine say wltı qazaq azamattardıñ tegi men äkesiniñ atı jazıluı özgergen jağdayda (-ov, -ev,- in jäne t.b. jalğaularsız, äkesiniñ atına wlı, qızı sözderin qosu arqılı) azamattıñ jeke bas kuäligin jäne tölqwjat aluına qajetti qwjattar:
- twraqtı tirkeudi rastaytın azamattardı tirkeu kitabı nemese mekenjay anıqtaması;
- memlekettik nemese orıs tilderinde qalaulı tegi, äkesiniñ atı körsetilip, auıstırıluğa tiisti qwjattar jaylı mälimetter bayandalğan jazbaşa ötiniş;
- auıstırıluğa tiisti jeke bas kuäligi, tölqwjat;
- tuu turalı kuälik jeke bastı kuälandıratın qwjat alğaş ret alınğan kezde körsetiledi.
- 3,5h4,5 mölşerli 3 fotosuret;
- jeke bas kuäligi üşin 0,2 AEK, tölqwjat üşin 4 AEK köleminde memlekettik baj salığı tölengeni jayındağı tübirtek.

Atalğan qwjattarıñız dayın bolısımen halıqqa qızmet körsetu ortalıqtarına barıp, öziñizdiñ tegiñizdi qazaqşa jazdıruğa ötiniş bere alasız. Memlekettik qızmet jedel türde 7, 10 jäne 15 jwmıs küni işinde körsetilui mümkin. Jedel türde räsimdeudiñ bağası: 7 jwmıs küni – 1989 teñge, 10 jwmıs küni – 904 teñge, 15 jwmıs küni – 563 teñge.

Derekköz: baq.kz