Qazaqstan Prezidentiniñ jwbayı Sara Alpısqızı Nazarbaeva bügin 75 jasqa toldı, – dep habarlaydı Tengrinews.kz tilşisi.

Nwrswltan Nazarbaev pen Sara Nazarbaevanıñ jastıq şağı. © Rersonal.akorda.kz

Nwrswltan Nazarbaevtıñ derbes paraqşasınan Memleket basşısınıñ öziniñ bolaşaq jarımen kezdesui jaylı jazğan qızıqtı oqiğasın oquğa boladı.

“Sol jıldardıñ ömir boyı este qalatın eñ bir eleuli oqiğası – bolaşaq kelinşegim Saramen alğaşqı kezdesuim. Al bwl kezdesu… bir apattan keyin domna peşiniñ janında bolğan edi. Ädette apat bolıp, metall jerge tögilip jatqanda tügel auısım bar qaldıqtı jinap, temirjol qozğalısın qalpına keltirgenşe eşkim eşqayda ketpeydi. Bwl bir bwljımas tärtip edi. Küni boyı bolasıñ ba, täulik boyı bolasıñ ba, öziñ büldirgendi öziñ retke keltiruiñ tiis. Osınday qolaysız bir sät edi – täulik boyı derlik tabanımızdan tik twrğan kezimiz, twla boyımız qazannıñ tüp küyesindey qap-qara, tek közimiz jıltırap, appaq tisimiz aqsiyadı. Sol küni qosalqı elektr stanciyasında kezekşi bolıp, bizdiñ peşimizdiñ tübinde ne bolıp jatqanın köruge kelgen qızğa kez bola kettim. Köp wzamay toyımız boldı. Özim ekpindiler men belsendiler qatarında jürgendikten kollektivimiz onı komsomol-jastar üylenu toyı etip ötkizip berdi”.

Baqıttı jas otbası tez jetilip, ösip-önip kele jattı, şañıraqtarında üş qız – Dariğa, Dinara jäne Äliya düniege keldi.

© Rersonal.akorda.kz

Sara Alpısqızı Nazarbaeva 1992 jılğı aqpannan – Halıqaralıq “Böbek” balalar qayırımdılıq qorınıñ negizin saluşı jäne prezidenti. Qor jüzdegen jäne mıñdağan qayırımdılıq şaraların ötkizip, jetim balalar men mügedekterge kömek, analarğa qoldau körsetip keledi.

© Rersonal.akorda.kz

1994 jılğı şildeden bastap Nazarbaeva “SOS” – Qazaqstannıñ balalar qalaşıqtarı” qorınıñ prezidenti. 1999 jılğı naurızdan bastap “Demografiya” qayırımdılıq qorı qamqorşılar keñesiniñ törayımı.

Qayırımdılıq jäne qamqorlıq salasındağı eren eñbegi üşin Sara Nazarbaeva halıqaralıq wyımdardıñ köptegen marapattarına ie boldı. Olardıñ arasında Bükilälemdik densaulıq saqtau wyımınıñ Ihsan Dogramaçi atındağı Halıqaralıq jüldesi, Unity halıqaralıq jüldesi, “Qwrmanjan Datqa” jüldesi siyaqtı eleuli marapattar bar. Ol Şıñğıs Aytmatov atındağı “Özin-özi tanu filosofiyasına qosqan wlı ülesi üşin” altın medal'iniñ iegeri. Sara Alpısqızı Sofi Lorenniñ qolınan Resey Qızıl Krest qoğamı tağayındağan jäne öskeleñ wrpaqtı qoldauğa bağıttalğan köpjıldıq qızmeti üşin beriletin “Altın jürek” halıqaralıq jüldesin aldı.

© Rersonal.akorda.kz

Ol 2010 jılı öz ömirin SOS Kinderdorf balalar qalaşığınıñ balalarına arnağan äyelderge beriletin SOS Kinderdorf International Halıqaralıq qorınıñ marapatı –  “Altın jüzikke” ie boldı.

2014 jılı Qazaqstanda Sara Nazarbaevanıñ bastamasımen jaña äleumettik joba jüzege asa bastadı. Joba jetim balalardıñ mektepten keyin kolledjder men universitette tegin bilim aluına negizdelgen. Bwl üşin olar memlekettik bilim beru jinaqtıq jüyesin paydalanuı kerek.

Aqordanıñ baspasöz qızmeti

Mına suret 2013 jıldıñ 22 naurızında tüsirilgen. Bwl kezde Elbası men Sara Nazarbaeva qazaqstandıqtardı Naurız meyramımen qwttıqtadı.

Al mına suret 2011 jılı tüsirildi. Nwrswltan Nazarbaev pen Sara Nazarbaeva Qazaqstan prezidenti saylauında dauıs berdi.

Bes jıl bwrın eldiñ Birinşi hanımınıñ tuğan küninde Elbası onıñ jaqsı köretin änderin qazaq jäne orıs tilderinde orındap bergen edi. Tilşilerdiñ aytuınşa, Sara Alpısqızına Nwrswltan Nazarbaevtıñ, qızdarı Dariğa, Dinara men Äliyanıñ, sonımen qatar, nemereleriniñ orındauındağı änder qattı wnağan.

© Rersonal.akorda.kz

Ayta keteyik, qazirgi uaqıtta Memleket basşısı Almatıda jür.

tengrinews.kz