Otırısta Qazaqstannıñ Wlttıq qauipsizdik strategiyasınıñ 2015 jılğı jüzege asırılu barısı, sonday-aq köşi-qon sayasatın jürgizu jayı qarastırıldı.

Nwrswltan Nazarbaev memleket älemdik ekonomikalıq dağdarıstıñ teris ıqpalına qaramastan, moynına alğan äleumettik mindettemelerdi mültiksiz orındap, qorğanıs qabilettiliginiñ, qauipsizdiktiñ jäne qwqıq tärtibiniñ qajetti deñgeyin saqtap qalatının atap ötti.

Qazaqstan Prezidenti ekonomikalıq ösimniñ qarqının bäseñdetetin jahandıq faktorlar ıqpalın, körşiles öñirlerdegi dini-ekstremistik jäne terrorlıq sipattağı qaterlerdiñ arta tüsuin eleuli qauipter men sın-qaterler qatarında atadı.

Memleket basşısı sonday-aq qalıptasqan jağdayda dağdarıs qwbılıstarına layıqtı türde qarsı twru üşin Qazaqstan qoğamın wyıstırudıñ mañızdılığın atap ötti.

Prezidenttiñ kömekşisi – Qauipsizdik keñesiniñ hatşısı N.Ermekbaev öz bayandamasında memlekettik organdardıñ 2015 jılğı jwmıs qorıtındılarına bağa berumen qatar, aldağı kezeñniñ basımdıqtarı men mindetterine nazar audardı. Ol sonday-aq älemdegi ekonomikalıq ahualdıñ twraqsızdığı jağdayında Ükimet pen jergilikti atqaruşı organdar ekonomikanı ärtaraptandıru jäne qazaqstandıqtardıñ twrmıs deñgeyin saqtau jönindegi şaralardı jüzege asırıp jatqanın atap ötti.

N.Ermekbaev qwqıq qorğau organdarınıñ qızmetin bwdan äri jetildiru, azamattardıñ qwqıqtarın qorğau jäne qoğamdıq tärtipti saqtau bağıtındağı  qadamdar turalı äñgimeledi.

Kün tärtibindegi ekinşi mäsele boyınşa Densaulıq saqtau jäne äleumettik damu ministri T.Düysenova jäne İşki ister ministri Q.Qasımov söz söyledi. Köşi-qon üderisterin retteudiñ mañızdı eki maqsatı bar ekeni atap ötildi. Bir jağınan, ekonomikalıq ösimdi ıntalandıru üşin eñbek resurstarın, sonıñ işinde qayta oralğan qandastarımızdı jäne joğarı bilikti şeteldik mamandar legin el işine jüyeli türde ornalastıru qajet. Ekinşi jağınan,  Qazaqstanğa halıqaralıq terrorlıq toptardıñ ideologtarı men ügitşileriniñ, qılmıs älemi ökilderiniñ, zañsız migranttardıñ keluine jol beruge bolmaydı.

Otırıs barısında elimizde Konstituciya boyınşa qos azamattıqtıñ moyındalmaytının, soğan baylanıstı mwnday jağdaylarğa jol bermeu qajet ekeni atap ötildi.

Jer telimderin özdigimen basıp aludıñ, bekitilgen erejeden tıs bey-bereket qwrılıstardıñ jolı kesilui tiistigi de aytıldı.

Sonımen qatar is-şarağa qatısuşılar wyımdastırılğan işki köşi-qonnıñ mañızdılığına nazar audardı. Bwl azamattardıñ el aumağında ornalasudağı teñsizdigin joyudı, sonday-aq Qazaqstannıñ äleumettik-ekonomikalıq damu maqsattarına jetudi qamtamasız etedi.

Qazaqstan Prezidenti Qauipsizdik keñesi otırısınıñ qorıtındısı boyınşa  Ükimetke jäne müddeli memlekettik organdarğa birqatar tapsırma berip, olardıñ orındaluın baqılaudı Qauipsizdik keñesi apparatına jüktedi.

Aqorda baspa söz qızmeti