“Erbolat Bedelxanğa aytarım: On jıldan astam tañdağan jolınan jañıladı, tabandı eñbek etip, bir kün köl, bir kün şöl bolatın näsibin bükil tobına jwmsap jürgen Erbolatqa ornımnan twrıp qol soğam. Oğan da kezinde qanşa adam lap berip, “mına istep jürgeniñ qate” degen edi, ol öziniñ maqsatınan bas tartqan joq. Birjaqtı qıñırlıq, stereotiptik sana-damudıñ jolı emes. Äsirese önerde!”, – dep jazdı Dana Nwrjigit.

Bwdan keyin telejürgizuşi Rinat Zayıtovtıñ öktem sözderine sabırlıq tanıtqan Erbolattı qoldaytının ayttı.

“Zayıtovtıñ “91″ tobınıñ sırt kelbetin sınap, til tigizip, “jiirkenemin” degen auır sözin sabırlıqpen tıñdap, jwdırıq ala jügirmey (onı istese de tüsiner edim) miığınan ğana külip qoyıp emociyağa, aşuğa jol bermey jauap berip otırğan Erbolat men üşin opponentinen äldeqayda joğarı, mädenietti”, – dep oyımen bölisken jürgizuşi köpşiliktiñ sını arqılı prodyuser tobın şıñdap aldı degendi meñzedi.

“Ol qol astındağı toptı osılayşa sparingke şığarıp aldı. Mwzday duştıñ astına twrğızdı. Sınadı. “…Şıdaysıñ ba menimen dostasuğa, Jalañ ayaq su keşip, tas tasuğa”, dep Mwqağali aqınşa seriktesterine swraqtı tötesinen qoydı. Şaş öser, boyauı juılar, triko şalbar bop özgerer. Biraq, araq işip, esirtki tartıp esirmegen, önerde öz jolın izdep, ösip kele jatqan jastardı osınşama talap, müsirketip “men siyaqtı kostyum şalbar kimeysiñ be, şaştı dwrıstap qısqartpaysıñ ba?” – dep jer şwqıtıp qoyu, qaz-qaz twrıp kele jatqan balağa,”nege jügirip ketpeysiñ?” degenmen teñ”, – deydi telejürgizuşi.

Avtor körermen bir kezderi Ninety one tobı siyaqtı  “A-studio” tobın da tüsinbegenin mısalğa keltirdi.

“Konformister qaşan da bolğan, bola da beredi. Olardı tıñdasaq, elden erek, alıstan asau minezin bildiretin wzın şaş qoyğan änşi, aqındarımız – Batırxan, Jarasqandar, Qadirlar qayda bizge? Konformisterdi tıñdasaq, sığan qızı Karmendi operanıñ bas keyipkeri etip, körermenniñ ızasın tudırğan Bize tumas edi. “Jalañ ayaq sığannıñ sayqalın operağa arqau etken darınsız” degen jaman atqa qalğan Bize – bügin el auızındağı klassik. “Araydan” ketip, “Alma-Ata studio” bolğan Serkebaev Bayğalidiñ özi mwndaydı bastan ötkergen. AHBK sarayınıñ koncert zalındağı alğaşqı prem'erasınan xalıq twrıp-twrıp ketip qalğan. Tüsinbegen. Şaşı jalbırağan jigitter, mäykişeñ twrıp än salğan Batırxandı bireu eske alsa, sol bizder. Bizdiñ wrpaq. Ayta berse köp qoy”, – dep jalğastırdı oyın jurnalist.

Sonday-aq Dana Nwrjigit qoğam ökilderine jas änşi jigitterdi sınasa, namısqa tiip emes, mädenietti sınaudı wsındı.

“Önerde wqsastıqtan jamanı joq! Sınasaq “jiirkenemin” degen adami namısqa tietin, köşedegi betjırtıstıñ leksikonına süyenip emes, konstruktivti, mädeniettanu degen ğılımğa jüginip otırıp däyekti dälel keltirip otırıp sınayıq!” – dedi Nwrjigit.