Şımkenttiñ bayları kimder? Korrespondent basılımı aymaqtağı däuletti äuletterdiñ tizimin jasadı.

Serikjan Seytjanovi

FOTO: VOXPOPULI.KZ

Oñtüstikte Seytjanovtar äuletin tanımaytın adam kemde-kem. Sebebi bwl äulettiñ baylığı köpti tamsandırıp, bireudiñ qızğanışın, ekinşi bireudiñ qızığuşılığın oyatadı. Osıdan bir jıl bwrınğı mälimetke sensek, Seytjanovtar äuletiniñ baylığı $220 000 000 dollarğa bağalanıptı.

Äulettiñ «Saust-Oyl», «Standart-Cement», «Talas Investment Company» seriktestegi men Şımkentte twñğış ret aşılğan «Rixos Khadisha Shymkent» qonaq üyi bar. Bwl äulet 2012 jıldan beri respublikanıñ eñ bay adamdarınıñ eluliginen tüspey keledi.

Serikjan Seytjanwlı 1949 jılı OQO, sol kezdegi Qızılqwm audanı, Şilik auılında düniege kelgen.

Toqtar Töleşovlisti

Töleşovtiñ esimi şımkenttik jwrtşılıqqa bwrınnan etene tanıs. Naurızdıñ soñınan bastap ol jaylı külli respublika habardar boldı. Käsipker arnayı jasaqtıñ operaciyasımen qwrıqtalıp, isti boldı. Qwqıq qorğau organı oğan QR QK 297-babınıñ 3-böligi («Esirtki, psihotroptıq zattardı, sol tektesterdi ötkizu maqsatında zañsız dayındau, qayta öñdeu, iemdenu, saqtau, tasımaldau, jöneltu ne ötkizu») jäne 266-babınıñ 3 böligi (Qılmıstıq toptıñ äreketin qarjılandıru, sol siyaqtı mülikti saqtau, bölu, qarjılandıru arnaların äzirleu) boyınşa ayıp tağıp, 2016 jıldıñ 30 naurızına deyin qamauğa alınğanın habarlağan edi.

Keyin bwl is qwpiya saqtalıp, tergeu amaldarınıñ qazirgi barısı beymälim bolıp otır. Tek belgilisi, ol ielik etetin «Şımkent Sıra» zauıtı satılımğa qoyıldı.

Töleşovti bwğan deyin tek sıra zauıtınıñ iesi emes, «Şımkentäynek» (şını ıdısınıñ öndirisi), «Şımkent Pictures» (derekti jäne körkem fil'mder öndirisi) kinokompaniyasınıñ direktorı retinde de biletinbiz. Sonımen qatar ol – 13 wl-qızdıñ äkesi. Qızdarınıñ tuğan künin erekşe scenariymen atap ötudi ädetke aynaldırğan. Tipti şeteldik jwldızdardı şaqırıp, dürkiretip toylağanın ğalamtorda jürgen videolardan bayqauğa boladı.

Qayrat Saparbaevisti

FOTO: OTYRAR.KZ

Şımkenttikter üşin tağı bir tanımal otbası – Saparbaevtar äuleti. Bwl şañıraqtıñ otağası Mahambet Saparbaev oblıs bılay twrsın, respublikağa tanımal adam. Ol kisi sporttıñ nağız janaşırı. Wlı Qayrat Saparbaevtı da jwrt jaqsı tanidı. Orıstildiligi basım bolğanımen, talay ädebi tuındılardı jarıqqa şığarğan Qayrat Mahambetwlı är swhbatında tanımal boludan boyın aulaq wstaytının aytıp jüredi.

Rasımen de, ol keybir qaltalılar sekildi telearnalar men basılımdarğa jii şığa bermeydi. Biletinderdiñ aytuınşa, Qayrat Saparbaevqa tabıstıñ negizgi közi meyramhana jäne qonaqüy biznesinen kelip tüsedi. Onıñ baylığınıñ naqtı kölemi bizge beymälim. Biraq, Şımkenttegi meyramhanaları men qonaqüylerinen klient üzilmeydi. Demek, tabıs ta jaqsı.

«Klara Centr Sapar» qonaqüyler jelisi men europalıq stil'degi birneşe meyramhanağa Qayrat Mahambetwlı basşılıq etedi. Aytpaqşı, käsipker «bizneste tabıstı bolu üşin eşqaşan da rieltorlar men bankirlerge jäne de reytingtik agenttikterdiñ sözine senbeu kerek» degen principti wstanadı.

Qayrat Moldaseyitovi

Käsipker Qayrat Moldaseyitovtiñ esimi ol oblıs ortalığı Şımkentti basqarıp otırğan şaqta keñinen tanıla bastadı. Oğan deyin Türkistan qalasına basşılıq etken Qayrat Qwseyinwlı äkim bolmay twrıp oblıstıq mäslihattıñ deputatı boldı. Biıl tağı da bağın sınap, saylaudan sürinbey ötti. Qaytadan oblıstıq mäslihat deputatı mandatına ie boldı.

Şımkentti basqarğan jıldarı Moldaseyitov tabısın köpşilikke jariya etip, talay adamnıñ jağasın wstatqan edi. Sol kezde onıñ 316 mln 200 mıñ teñgesi 3 mln 900 mıñ AQŞ dolları bolğan. Oğan jıljımaytın mülikterin qosıñız. Söytip äkim Moldaseyitov eñ bay şeneunik atanğan edi. Odan beri 4 jıl ötti. Käsipkerdiñ qaltası qalıñdamasa, jwqara qoymağan şığar.

Esteriñizde bolsa, «Moldaseyitov Şımkentke äkim bolu üşin birneşe million dollar qarjısın şaşıptı» degen qaueset sol kezde jii aytıldı. Qatelespesek, Moldaseyitov «Otau Stroy», «Kit SO» men «Tassay» kompaniyalarına ielik etedi. Al oblıstıq mäslihat deputattığına ümitker retinde tirkelgeninde özin «Otau Stroy» kompaniyasınıñ prezidentimin dep körsetken.