Ayswltan Nazarbaev: “Astana äkimine Taldıköl mañınan kiiz üydi özim tigip beremin”
kerey.kz
Elbası N.Nazarbaevtıñ jieni, Dariğa Nwrswltanqızınıñ wlı Ayswltan Rahatwlı nağaşı atasınıñ tapsırmasın özi-aq orındauğa dayın ekenin jetkizdi. Bwl turalı oyın ol «feysbuk» äleumettik jelisindegi paraqşasında bölisti.
«Säuir ayınıñ soñında Qazaqstandağı futboldı damıtu jöninde öz jobamdı wsınbaq bolğanmın. Biraz sebepter payda bolıp, onı birneşe ayğa keyinge şegeruge tura keldi. Bälkim bwl uaqıt Qazaqstan futbol federaciyasına mindetti esepti konferenciyasın ötkizip aluına jetkilikti bolğan şığar. Degenmen bizdegi futboldıñ jağdayın baqılap otırıp, federaciyadan özine jüktelgen mindetti orındaudı kütip otıru – qisınsız şarua ekenin bilemin.
Jaraydı, olar tım uşıqtırmaydı… Biraq «popkorn» alıp, komediyalı «realiti şoudı» tamaşalauğa boladı. Ärtister, ärine, boladı, olar sırtta da, öz elimizde de eldi küldiruge barınşa tırısadı»,-dep jazdı A.Nazarbaev.
Öz sözinde Memleket basşısınıñ jieni Astana qalasınıñ äkimin de söz etken. Onıñ atqarıp jatqan jwmısın sınğa alğan ol elordanıñ sasıq şahar atanıp otırğanına qınjıldı.
«Men Astananı jaylağan sasıq iis turalı aytıp otırmın… Osı üşin Prezidenttiñ özi äkimge naqtı jwmıs jasau kerektigin aytıp sökti… Men qazir Astananıñ qarapayım twrğını retinde aytıp otırmın, sasıq qalada twrğım kelmeydi. Eger Elbası eskertkendey jağday Taldıkölde kiiz üyde twruğa deyin jetse, men özim onı ornatıp beremin. Sebebi Prezidenttiñ tapsırması orındaluı tiis»,-dep sözin qorıtındıladı Ayswltan Nazarbaev. Osı rette ayta keteyik, säuir ayınıñ soñında Memleket basşısı bas qalanı sasıq iisten arılta almağan Astana äkimin qatal sınğa alğan bolatın.
- Altı jıl Tasmağambetov aynalıstı, eşteñe istemedi, sen keldiñ, eşteñe bitirmediñ. Astanada sasıq iis bar äli. Eger biıl şeşpeseñder, Horoşun ekeuiñe Taldıköl jağasına kiiz üy tikkizemin, sonda twrasıñdar. 6 mlrd teñge jwmsaldı, tük bitpedi. Astanağa kim keledi, mınaday jağımsız iisi müñkip twrsa… Taldıköl mäselesimen qanşa jıl boldı meni toyğızğandarıña. Ükimetpen, kimniñ kömegi kerek, şeşiñder bwl mäseleni. Masqara ğoy. Astanamız mınaday dep maqtanamız». Astana qalay boladı, sasıp twrsa? Masqara! – dep aşulanğan edi Elbası. Bwl tapsırmanı estip, sasıq sudıñ jağasında tigilgen kiiz üyde twrasıñ degennen şoşıp ketken bolu kerek, Astana äkimi jağımsız iisti biıldan qaldırmay şeşetinin uäde etti.
Pikir qaldıru