2016 jılğı tamızda Qazaqstan «halıqaralıq terrorizmniñ nısanasına aynalmas üşin» iske Resey aralasuğa mäjbür boladı, — dep esepteydi belgili reseylik sarapşı. Al'pari kompaniyası (Mäskeu) Saraptama departamentiniñ direktorı Aleksandr Razuvaev 2016 jıldıñ tamızına jwldız joramal jasağan sıñaylı.

Kalaşnikov avtomatın kezengen mäskeulik sarapşı

Sarapşı öz säuegeyligin tamız ayınıñ Resey üşin ärqaşan auır bolatınınan bastaptı. 1991 jılı putç jäne GKÇP, 2008 jılı — orıs-gruzin soğısı, ol Reseydiñ Batıspen alğaşqı aşıq qaqtığısına wlastı, sonıñ saldarınan reseylik qarjı narığınan qomaqtı kapital ketti. Sonday-aq, Razuvaev Lehman Brothers-tiñ bankrotqa wşırauı men jahandıq qarjı dağdarısın da eske tüsirdi.

Odan keyin mäskeulik säuegey qazirgi uaqıtqa köşipti.

«Endi, 2016 jılğı tamızda qauip eñ aldımen Ukrainanıñ Şığısı men Qazaqstannan kelgeli twr», — deydi tosın mälimdeme jasağan Razuvaev.

«Qazaqstan – Euraziyalıq odaqtağı negizgi el, Wjımdıq qauipsizdik kelisimi wyımınıñ müşesi jäne halıqaralıq terrorizm üşin jaña nısana.

Jağday kürdelense Resey iske aralasuğa mäjbür boladı

Mäskeuge oñtüstik şekaradağı tağı bir «Şeşenstannıñ» (Qazaqstandı meñzep otır) qajeti joq», — degen Razuvaev Ukrainanıñ da „sıbağasın„ berdi.

«Ukrainanıñ Şığısındağı ahual da sonşalıqtı tınış körinbeydi, — dep atap ötti köripkel. — Batıs Reseyge, eñ aldımen, ekonomikalıq qısım körsetu üşin kez-kelgen arandatuşılıqtarğa baradı.

Eger Kievtegi bülikşilder Donbasstı qaytadan basıp alsa, DHR men LHR jwrtşılığına qarsı genocid orın aluı mümkin, onday jağdayda Resey iske tikeley aralasuğa mäjbür boladı».

Öz boljamınıñ soñında Al'pari kompaniyasınıñ qızmetkeri Europanı oñdırmadı, «käri qwrlıqta» bank dağdarısın tudıramız dep uäde bergen säuegey sözin tipti äzilmen tämämdaptı: «Optimist ağılşın, pessimist – qıtay tilin oqidı, al realist – Kalaşnikov avtomatın qolğa aladı».

Mäseleni küşpen şeşuge bolmaydı

Mäskeulik säuegeydiñ «sandırağına» qazaqstandıq sayasattanuşı Swltanbek Swltanğaliev bılay jauap beredi:

— Razuvaev mırzañızdıñ pikiri daulı. «Qazaqstan — halıqaralıq terrorizmniñ nısanası» jäne «Jağday kürdelense Resey iske aralasuğa mäjbür» degeni artıq endi.

«Halıqaralıq terrorizm» degen payımı da kümän tudıradı. Äzirge Aqtöbe men Almatıda orın alğan oqiğalar boyınşa tergeu komissiyasınıñ materialdarı jarıq körgen joq.

Sondıqtan

Aqtöbe men Almatıda bolğan atıs — «halıqaralıq terroristerdiñ äreketteri» degen qorıtındı jasauğa erte.

Qazaqstan qalalarındağı qayğılı oqiğalar üşin birde bir terroristik wyım öz moynına jauapkerşilik alğan joq. Mwnıñ IGIL (DAIŞ) sodırlarına tän emes ekendigimen kelisetin şığarsız.

Iä, Qazaqstanda bilik pen qoğam arasındağı äleumettik baylanıs mäselesinde qiındıqtar bar, biraq onıñ terrorizm mäselesine eşqanday qatısı joq

Al «Resey iske aralasuğa mäjbür boladı» degen payımı swraq tudıradı. Biz Resey Federaciyasınıñ sub'ektisi emespiz, öziniñ jeri, halqı, zañdarı men egemendigi bar täuelsiz memleketpiz.

Mwnday „payımdaular„ tüsinbestik tuğızıp qana qoymay, euraziyalıq integraciyanı qoldaytın meniñ özimdi Reseyden, Euraziyalıq odaq ideyasınan bas tartuğa itermeleydi.

Resey de, Qıtay da öz şekarasınıñ mañınan şielenis oşağın tudıruğa müddeli emes. Biraq

bwl mäselemen qorğanıs ministrligi emes, memelekettiñ sırtqı sayasat vedomstvosı aynalasuı tiis

Qazaqstan Reseydiñ «qolbalası» emes

— Reseylik sayasattanuşılar Qazaqstan turalı payımdağanda bayağı KPSS-tiñ ideologiyasınan ärige asa almay otır: «biz bauırmız», «atalarımız birge soğıstı» jäne t.b., — deydi äñgimesin jalğastırğan Swltanbek Swltanğaliev. — Bwl aqımaqtıq. Bauırlas halıq degen dünie bolmaydı. Är memlekettiñ öziniñ sayasi, ekonomikalıq müddeleri boladı, mine, solarğa säykes är el öziniñ sırtqı sayasatın jüzege asırıp, özine odaqtastar men seriktester tabadı. Osınday qarapayım närseni tüsinbeu, nemese elemeu bwrmalanğan sayasi bağdarğa äkelip soğadı. Osınday jağday Ukrainada orın aldı, ol jerde orıs diplomatiyası joyqın jeñilis taptı.

Sondıqtan Razuvaevtıñ «Eger Kiev bülikşileri Donbasstı qaytadan basıp aluğa talpınsa, Resey iske tikeley aralasuğa mäjbür boladı» degeni köñil alañdatadı.

Şının aytsaq, Resey öziniñ ekonomikalıq ahualına baylanıstı Donbastı federaciya sub'ektisi retinde asıray almaydı

Donbastağı tartıstı qazirgidey jılı jauıp qoya twru ärine, Kreml' üşin tiimdi. Bwl prezident Putinniñ işki reytinginiñ qwlauına jol bermeydi, biraq Batıspen dialog jürgizip, Kievti özinen wzatpauğa mümkindik berip otır. Şındıq osı, qalğanı qwr ügit-nasihat qana. Sondıqtan sayasatta tabıstı bolu üşin, eñ aldımen öziñe öziñ adal boluıñ kerek.

Ukraina men Qazaqstan — «komsomoldıñ soñınan ere beretin» boqmwrın bala emes

Bizdiñ öz müddelerimiz, sayasi jäne ekonomikalıq ürdisterge öz közqarasımız bar. Sondıqtan olardı reseylik resmi bilik nemese jekelegen sarapşılar tarapınan mensinbeuşilik Qazaqstan qoğamında keri pikir tudırıp, eki el arasındağı qarım-qatınastı kürdelendirui äbden mümkin.

Resey sırtqı sayasatınıñ aqparattıq trendterin qalıptastıratındarğa osı twrğıda dwrıstap oylanğan jön.

365info.kz

Tüp nwsqadağı taqırıp :Reseylik sarapşı: «Qazaqstanğa orıs äskeri engiziledi»