Prem'erlikten tüsken Kärim Mäsimov WQK-ge bardı
kerey.kz
Qazaqstan prezidenti Nwrswltan Nazarbaev (sol jaqta) prem'er-ministr bolıp birinşi ret tağayındalğan Kärim Mäsimovti tanıstırıp twr. 10 qañtar 2007 jıl.
Prem'er-ministr Kärim Mäsimov WQK törağası qızmetine auıstı. Ükimet basşısınıñ mindetin uaqıtşa atqara twru prem'er-ministrdiñ birinşi orınbasarı Baqıtjan Sağıntaevqa jükteldi.
Bwl – Kärim Mäsimovtiñ ükimet basşısı qızmetinen ekinşi ret ketui. Birinşi ret ol prem'er-ministr qızmetinde 2007-2012 jıldarı otırdı. Keyin eki jıl el prezidenti äkimşiligi basşısı qızmetin atqardı. Mäsimov 2014 jılğı säuirde ükimet basşısı bolıp qayta tağayındaldı.
ÄLEUMETTİK JELİDEGİ PIAR
Qırküyektiñ 3-i küni Samarqanda Özbekstan prezidenti Islam Karimovti jerledi. Qazaqstan delegaciyasın prem'er-ministr Kärim Mäsimov bastap barğan. Körşi key eldiñ delegaciyasın prezidenti bastap barğan twsta hattamalıq mindetti Mäsimovtiñ atqarğanı nazarğa ilikken.
Biıl jazda Mäsimov Twitter ğana emes, Facebook pen Instagram äleumettik jelilerinde de öz-özin köp jarnamaladı. Ol reseylik äriptesi Dmitriy Medvedevpen birge tamızdıñ 11-inde Soçidegi hokkey alañında tüsken fotosuretin jariyaladı. Ol fotoğa qos prem'er wlttıq hokkey kiimin kiip tüsken.
Qazaqstan men Resey prem'erleri Kärim Mäsimov pen Dmitriy Medvedev. Soçi, 11 tamız 2016 jıl.
Qazaqstan men Resey prem'erleriniñ Soçidegi kezdesuine deyin tağı bir piar-akciya wyımdastırıldı. Soçige wşar aldında Kärim Mäsimov Twitter jelisinde Medvedevpen kezdesuinde Kenesarı han men Keyki batırdıñ basın Qazaqstanğa qaytaru jayın qozğaytının jazğan. Soçidegi kezdesuden keyin Qazaqstan ükimetiniñ resmi saytı Kärimovtiñ «mäseleni qozğağanın» habarladı.
Mäsimov biıl jazda Instagram jelisinde Qazaqstandı aralağan jwmıs saparlarınan tüsirilgen videorolikter, tañğı jattığuları men velosiped seruenderinen tüsirilgen foto jäne videoların jariyalağan. Äleumettik jeli paydalanuşıları onıñ avtobanda velosipedpen jürip, jol erejesin bwzğanı üşin ayıppwl tölegenin de talqılağan. Bwğan qosa YouTube jelisinde Kärim Mäsimov şet elderge saparı kezinde türli is-şaralarda ağılşın, qıtay nemese tatar tilinde aldın ala dayındalğan mätinderdi oqıp, söylegen sözderi jazılğan videolar tarağan.
Mäsimov tipti #täuelsizdikke25jıl heştegin jariyalap, qazaqstandıqtardı jetistiktermen bölisuge de şaqırğan. Biraq jwrttıñ köbi äleumettik jelilerde «Qazaqstan täuelsizdiginiñ jemisi jaylı pozitivter» ornına eldiñ jaña zaman tarihındağı 25 jıldı sınağan jazbalar jariyalağan.
«NAZARBAEVTIÑ EÑ JAQIN ADAMINIÑ BİRİ»
Oppoziciyalıq sayasatker Serikbolsın Äbdildin Kärim Mäsimovtiñ basqa qızmetke auısuın «memlekettegi ülken qızmetterdegi auıs-tüyistiñ barlığı prezident Nazarbaevtıñ müddesi üşin jasaladı, Nazarbaev özine qalay qolaylı dep sanaydı, solay kadrlardı otırğızadı» dep sipattaydı.
Oppoziciyalıq sayasatker Serikbolsın Äbdildin.
– Prem'erdiñ WQK-ğa basşı bop ketip jatuı – qızmet babımen qarağanda tömendeu. Al biraq prezidentke ol jerde de senimdi adam kerek. Onıñ üstine ol «WQK-dağı basşı Qıtayğa da siñimdi boluı kerek» dep esepteui ıqtimal. Men bwrın da aytqanmın, qazir de sol pikirdemin – Nazarbaev özi üşin kimmen jwmıs isteu ıñğaylı, sonı tağayındaydı, – deydi sayasatker.
Aldağı ükimetten ülken ümit kütpeytinin aytqan Serikbolsın Äbdildin «ükimet basşısınıñ qolında barlığı bolsa da, isteytin isiniñ barlığı da tek bir kisiniñ qabağına qaralıp isteledi» deydi.
Al sayasattanuşı Erlan Sayırov prem'er-ministr Kärim Mäsimovtiñ prem'er-ministr boluı Qazaqstan halqınıñ äleumettik damu ahualınıñ naşarlau kezeñimen twspa-tws kelgenin aytadı.
Mäsimovtiñ kezinde bizdiñ el ekstensivti damu bağıtınan qozğala almadı.
– Soñğı eki jılda wlttıq valyuta qwnsızdanıp, äleumettik hal-ahual naşarlap ketti. Onıñ barlığı ekonomikası şikizat bağasına bağıttalğan elderdiñ hal-ahualınıñ naşarlauına baylanıstı boldı. Ökinişke qaray, Mäsimovtiñ kezinde bizdiñ el ekstensivti damu bağıtınan qozğala almadı, – deydi ol.
Erlan Sayırov «prezident Nazarbaevtıñ eñ jaqın adamdarınıñ biri» dep sipattağan Kärim Mäsimovtiñ WQK basşısı boluın elde «wlttıq qauipsizdik mäseleleri tağı da ülken basımdıqqa ie bolıp otırğanımen» tüsindiredi.
Qazaqstanda prem'er-ministrden keyin «joğarılau» dep ataytınday eşbir mansap joq.
– Dini ekstremizm, terrorizm, sayasi ekstremizm mäseleleri dästürli türde küzde örşui ıqtimal. Meniñ oyımşa, prezident öziniñ jaqın adamdarın osı basımdı bağıt – WQK-ğa basşı qılıp qoyuı logikağa säykes keledi. Qazaqstanda prem'er-ministrden keyin «joğarılau» dep ataytınday eşbir mansap joq, bwl – gorizontal'dı türdegi auısu, – deydi ol.
Kärim Mäsimov 1965 jılı tuğan. Pekin til institutın, Qıtay universitetine qarastı Uhan' zañ institutın, qazaq memlekettik basqaru akademiyasın bitirgen. Kärim Mäsimov ükimetke iri bank biznesi salasınan kelgen.
Materialdı äzirleuge Qazis Toğızbaev pen Qasım Amanjol qatıstı.
Pikir qaldıru