Memleket basşısı öz sözinde elimiz täuelsizdik alğan bastapqı uaqıttağı memlekettilikti qalıptastırudıñ qiın kezeñi turalı äñgimelep, respublikamızda jastardıñ ömirden öz ornın tabuına biregey mümkindikter jasalğanına, jedel özgeru üstindegi qazirgi älemniñ zamanaui talaptarına say keletin, sın-qaterlerine layıqtı tötep beretin sapalı bilim aludıñ mañızdılığına nazar audardı.

Qazaqstan Prezidenti elimizdiñ jetken tabısınıñ tarihı – eñ aldımen onıñ jastarı qol jetkizgen tabıstıñ tarihı ekenin atap ötti.

– Jas wrpaqqa, ötkenimiz ben keleşegimizge qamqorlıqpen qarau ärqaşan meniñ sayasatımnıñ bastı män-mañızı bolıp keledi. Ärbir jas qazaqstandıqtıñ bilim aluına, jwmıs isteuine, otbasın qwruına, baspana aluına mümkindigi bar, – dedi Elbası.

Sonday-aq, Nwrswltan Nazarbaev «Barşağa – käsibi bilim» bağdarlamasınıñ engizilip jatqanın ayttı.

– Memleket barşanıñ öndiristen jwmıs ornın tabuına kepildik beretin ömirdegi alğaşqı jwmısşı mamandığın tegin aluğa mümkindik tuğızıp otır, – dedi Qazaqstan Prezidenti.

Memleket basşısı «Biznestiñ jol kartası – 2020» bağdarlaması ayasında jas käsipkerlerge qoldau körsetu isine zor män berilip otırğanın ayttı.

– Tek 2016 jılğı birinşi jartıjıldıqta jas biznesmenderdiñ 55 jobasına bank nesieleriniñ payızdıq tölemderin memleket tarapınan subsidiyalau türindegi qarjılıq qoldau körsetildi. Bizdiñ maqsatımız – elimizdiñ şağın jäne orta biznesiniñ Qazaqstan öniminiñ jartısınan astamın öndiruine qol jetkizu, – dedi Elbası.

Qazaqstan Prezidenti «Jasıl el» student jäne jastar jasaqtarı jwmısına qatısuşılarğa ayrıqşa rizaşılığın bildirdi.

– Eñbek jasaqtarınıñ jwmısına 250 mıñnan astam jas atsalıstı. Olar 150 mıñ gektar jerge 50 millionğa juıq ağaş otırğızdı. Eñbek jasaqtarınıñ izgi maqsatı – elimizdi kögaldandıru jäne onıñ ekologiyalıq twrğıdan taza boluın qamtamasız etu, – dedi Memleket basşısı.

Nwrswltan Nazarbaev täuelsizdik jıldarında jas zertteuşiler men ğalımdar sanınıñ artqanın ayttı.

– Jastarımızdıñ älemdik deñgeydegi Nazarbaev Universitetinde bilim aluına mümkindikteri bar. Bügin jastar aldında bar älemniñ esigi aşıq. Sizder jaqsı uaqıtta ömir sürip, bolaşaqqa nıq qadam basıp bara jatqan elmen birge ösip kelesizder. El işinde de, älemde de, sonıñ işinde memleketter arasındağı qarım-qatınas salasında da jwmıs jasaytın bir ğana qağida bar, ol – bäsekeliktiñ mäñgilik mehanizmi, – dedi Elbası.

Qazaqstan Prezidenti ğılımdı qamtitın ekonomikağa köşu onıñ ösiminiñ ikemdiligin, qarqındılığın jäne ornıqtılığın qamtamasız etetinin atap ötti.

– Sondıqtan Qazaqstannıñ älemdegi damığan 30 eldiñ qatarına qosıluı ğılımdı qamtitın ekonomikağa negizdeluge tiis. Älem jaña tehnologiyalıq däuirge ayaq bastı. Onıñ ürdisteri tañğaldıradı, tänti etedi jäne tamsandıradı, sonımen birge ol eldiñ keleşegine qatıstı mäselege oray qatañ talap qoyadı. Bolaşaq bizdiñ aldımızğa mınaday üzildi-kesildi şart qoyıp otır: bar bol, jetil nemese joq bol! – dedi Memleket basşısı.

Nwrswltan Nazarbaev jaña tehnologiyalar zamanında qoğam üşin sın-qater bolıp sanalatın qwbılıstarğa ayrıqşa toqtaldı.

– Bwl innovaciyalardıñ artında twrğan negizgi äleumettik sın-qater ol – köptegen käsip türiniñ joyıluı, jwmıs orındarınıñ jappay qısqaruı, yağni jahan boyınşa jwmıspen qamtu ayasınıñ tarıluı. Osı orayda bwğan deyin meniñ bastamammen äzirlengen innovaciyalıq industriyalandıru, «Nwrlı jol», «100 naqtı qadam» wlt josparı bağdarlamalarımen tığız baylanıstı Jalpığa Ortaq Eñbek Qoğamınıñ özektiligi erekşe artıp keledi, – dedi Elbası.

Sonday-aq, Qazaqstan Prezidenti damığan elderdiñ universitetterinde qarqın alıp kele jatqan jastar innovaciyasına basa nazar audardı.

– Qazaqstan studentteri ortasında da startap sanınıñ artuı üşin osınday qolaylı jağday jasau qajet dep sanaymın. Qazir elimizdiñ jetekşi joğarı oqu orındarında da alğaşqı tabıstı jobalar payda bola bastadı. Osı täjiribeni öristete tüsu kerek. Bwl – Bilim jäne ğılım ministrligi basşılığınıñ, joğarı oqu orındarı men Wlttıq käsipkerler palatası basşılarınıñ mindeti, – dedi Memleket basşısı.

Bwdan bölek, Qazaqstan Prezidenti turizm, qwrılıs, halıqqa qızmet körsetu salalarında, jeñil önerkäsip pen auıl şaruaşılığında eñbekpen qamtuğa jäne käsipkerlikti damıtuğa mol mümkindikter bar ekenin ayttı.

Sonımen qatar, Nwrswltan Nazarbaev sportşılar men şığarmaşıl jastarğa, barlıq jas öner qayratkerlerine ıstıq ıqılasın bildirdi.

– Mädeni bağdarlama ayasında jäne «Bolaşaqtıñ energiyası» attı taqırıppen ötetin EKSPO-2017 halıqaralıq körmesindegi volonterler jwmısı barısında Qazaqstandı layıqtı deñgeyde tanıtularıña tilektespin, – dedi Memleket basşısı.

Soñında Qazaqstan Prezidenti barşağa densaulıq, baqıt jäne igilik tilep, memlekettiñ barlıq tabısına elimizdegi twraqtılıqtıñ, tınıştıqtıñ jäne 100-den astam etnos ökilderi dostığınıñ arqasında qol jetkizilgenin atap ötti.

Forum barısında Astana qalalıq mäslihatınıñ deputatı A.Oralov, «Bolaşaq» bağdarlamasınıñ stipendiatı, teatr jäne kino ärtisi A.Älimjan, «Zerde» wlttıq aqparattıq-kommunikaciyalıq holdingi» AQ basqarmasınıñ törayımı Ä.Jienbaeva, Qazaqstan halqı Assambleyasınıñ belsendisi M.Spotkay, 2016 jılğı Aziya IT konferenciyasınıñ jeñimpazı S.Näukenov, «Qazaqstan alyuminiyi» AQ ekonomisi Ä.Dosanova, «Open Technologies Group» kompaniyasınıñ negizin saluşı Q.Ahmetov, «Damu» käsipkerlikti damıtu qorı» AQ basqarmasınıñ törağası Q.Töleuşin, «Jasıl el» jastar eñbek jasaqtarı respublikalıq ştabı» jekemenşik mekemesi basşısı R.Hamidullin, Qarağandı memlekettik universiteti «Robottar men aqıldı maşinalar zerthanasınıñ» meñgeruşisi N.Esmağambetov, grossmeyster, şahmattan halıqaralıq turnirler çempionı D.Säduaqasova, käsipker, «Qazaqstandıq OTAN sağat kompaniyasınıñ» basşısı A.Toqsanbaev, Myunhendegi Maksimilian Lyudvig universitetiniñ doktorantı Q.Äbdieva, «TERRAPOINT» JŞS injeneri D.Homenko söz söyledi.