Maylıbaevpen birge wstalğan Galihinniñ separatizmge qatısı bolğan ba?
kerey.kz
 ] |
Düysenbide Wlttıq qauipsizdik komitetiniñ saytında sensaciyalıq habarlama jariyalanıp, Qılmıstıq Kodekstiñ 185-babı 1, 3-böliginde közdelgen («Memlekettik qwpiyalardı zañsız jinau, taratu, jariya etu») qılmıstardı jasadı degen küdikpen QR Prezidenti Äkimşiliginiñ qızmetkerleri bolğan B.Maylıbaev jäne N.Galihinniñ wstalğanı mälim boldı. |
Al 14-qañtarda Astana qalası, Esil audandıq sotı 2 ay merzimge qamauğa aluğa sankciya berdi. Atalğan twlğalardıñ Qazaqstan Respublikası Qılmıstıq-procestik Kodeksiniñ 128-babına säykes WQK Tergeu izolyatorına qamauğa alınğanı belgili boldı.
Bağlan Maylıbaev jaylı köp närse belgili. Biraq onımen birge twtqındalğan Nikolay Galihin jaylı eşnärse belgisiz.
Today.kz portalı jazğanday Galihin turalı mälimetter jelide 2008 jıldarı payda bolıptı. Ol kezde onıñ Reseydegi Qazaqstan elşiliginiñ birinşi hatşısı retinde jiınğa qatısqanı jariyalanğan.
Degenmen äleumettik jelide Nikolay Galihinğa qatıstı özge mälimetter qırağı qazaqstandıqtardıñ nazarınan tıs qalmaptı. Äsirese sırt kelbeti Prezident Äkimşiliginiñ işki sayasat bölimi qızmetkerine öte wqsas osı attas adamnıñ Odnoklassniki jelisine salğan suretteri men türli qızıqtı jazbaları köñil audararlıq eken.
Qazaqstanda twratın Nikolay Galihin esimdi adam osınday da mälimetterdi jii taratıp otırğan.
Bwğan qosa jeli qoldanuşıları qızıqtı suretterdi tauıp alıptı.
Sonday-aq Nikolay Galihin “Novorossiya (DNR) jäne (LNR) faşistterge qarsı» tobındağı jazbalardı «keremet» dep payımdap, ünemi belgilep otırıptı.
Eske salsaq, QR Qılmıstıq Kodeksi boyınşa memlekettik qwpiya bolıp sanalatın mälimetterdi zañsız jinap, taratu jäne jariya etkeni üşin bes jılğa deyin bas bostandığınan ayıru jazası közdelgen.
kaz.caravan.kz
N.Galihin Reseyge tıñşılıq etui mümkin be?
Prezident äkimşiligi jetekşisiniñ bwrınğı orınbasarı Bağlan Maylıbaevpen birge wstalğan osı mekemede işki sayasat bölimi meñgeruşisiniñ orınbasarı bolğan Nikolay Galihin Reseydiñ müddesine jwmıs istegen boluı mümkin. Olay deuimizge qılmıstıq kodekstiñ “Memlekettik qwpiyalardı zañsız jinau, taratu jäne jariyalau” babımen ayıptalğan 53 jastağı N.Galihinniñ äleumettik jelidegi paraqşalarınıñ mazmwnı türtki boldı. Birden ayta keteyik, N.Galihin turalı mälimetter tabu qiın-aq boldı. Eldegi işki sayasattıñ qwlağın wstağan adam köptiñ közine tüspegen, jariyalılıqtan aulaq jürgen. Jurnalisterge swhbat beruden boyın aulaq salğan.
BAQ betterindegi azdı-köpti habarlamalardan onıñ Reseyde ötken alqalı jinalıs, kezdesulerden qalmağanın, tipti pikir bildirgenin anıqtadıq. Esesine, reseylik äleumettik jelilerdegi paraqşalarında Nikolay Galihin esimdi azamat sayasi közqarastarın jasırmaydı.
Mäselen, “Odnoklassniki” dep atalatın jelide Nikolay Galihin dep tirkelgen adamnıñ bet-älpeti de, jası da wstalğan işki sayasat bölimi meñgeruşisiniñ orınbasarına keledi. Otbasılıq suretterin jariyalaudan bölek bwl adam älemde, äsirese Ukrainada bolıp jatqan oqiğalarğa qızığuşılıq bildirip otırğan. Jäne ol köşirip basqan suretter men pikirlerge qarasañız, N.Galihin degeniñiz Reseydiñ Ukrainağa qarsı basqınşı sayasatın, Siriyadağı äreketin qos qolın köterip qoldaytın, Europanıñ bosqındardı qabıldağanın mısqıldaytın näsilşil adam ekenin anıq bayqaysız. Kileñ Resey men onıñ müddesi turalı suretterden twratın paraqşasına qarap bwl adam Qazaqstan emes, Reseydiñ azamatı dersiz.
Äleumettik paraqşası DHR men LHR sekildi älemdik qauımdastıq, onıñ işinde Qazaqstan moyındamağan separatistik qwrılımdarğa jeñis tilegen suretterge tolı. Qazaqstan resmi türde Ukrainadağı separatizmdi qoldamaytının bildirdi. Tipti qwqıq qorğau organdarınıñ birneşe adamdı Ukrainanıñ oñtüstik-şığısındağı qarulı qaqtığıstarğa qatısqanı üşin sottağanın, separatisterdi jaqtap pikir bildirgenderi üşin jauapqa tartqanın da bilemiz. Al prezident äkimşiligindegi işki sayasat bölimi meñgeruşisiniñ orınbasarı qızmetinde jürip küni keşege deyin aşıqtan-aşıq Qazaqstannıñ sayasatına qayşı, kerek deseñiz Ukraina men Qazaqstandı arandatatın materialdarmen bölisip kelgen! Sonda qarapayım internet qoldanuşılardıñ auzın bağıp otıratın WQK men özge de organdar ay qarap jürdi me? Twmsığınıñ astındağı arandatuşılıq pen zımiyandıqtı körmegen arnayı qızmet orındarınıñ qwnı kök tiın. Putinniñ sayasatın sınağanı üşin qarapayım aqtöbelikti 3 jılğa sottap jibergender mına bassızdıqqa nege ündemey keldi? Ukraina prezidentin şoşqağa teñegen, aqıl-esi dwrıs emes adam retinde körsetken N. Galihin sonda zañ bwzbağan ba? Älde bilikte otırğandarğa zañ talabı jürmey me? Auır ayıppen qamalarınan az uaqıt bwrın Täuelsizdik mereytoyınıñ qarsañında N.Galihinniñ “Qwrmet” ordenimen marapattaluına qarağanda şınımen solay ma dep qalasız.
Odan bölek, äleumettik jelilerde Nikolay Galihinniñ 30 jıl bwrınğı 1986 jılğı qandı oqiğalarda qazaq studentterin qudalauğa belsendi qatısqanı turalı mälimet taradı. Ol aqpardıñ ras-ötirigin aldağı uaqıtta anıqtay jatarmız, äzirge belgilisi birneşe adam wstalğan prezident äkimşiliginiñ bwrınğı qızmetkerin Jeltoqsan oqiğası üşin tuıstarın oqudan qudalağandardıñ biri retinde körsetedi.
N.Galihin turalı osınday derekterden keyin, bwl adam Reseydiñ müddesine jwmıs istep kelui mümkin degen oy tuadı. Qamauğa alınğandardıñ memlekettik qwpiyanı jinap-taratqanı ras bolsa, äsirereseyşil twlğa memlekettik qwpiyalarmen körşimizben bölispegende kimge berui mümkin? Olay bolsa ıqpal etu jağınan ükimetiñnen asıp tüsetin prezident äkimşiligi Kreml'diñ ıqpalında degen söz. YAğni, täuelsiz el prezidentiniñ işki jäne sırtqı sayasatqa qatıstı bükil oyı men josparları V.Putinniñ üsteliniñ suırmasında jatır. Onıñ işinde prezident N.Nazarbaevtıñ jeke basına qatıstı qwpiyalar bolsa, bılıqtıñ kökesi bastaldı dey beriñiz. N.Galihin jalğız äreket etui mümkin emes. Mwnday iste sıbaylastar, tileulester, oğan qarızdarlar boladı. Demek alda talay jasırın tıñşınıñ äleumettik jelisine üñilip, jaña qırlarınan tanuımız mümkin. Ärine, oğan deyin betperde kigender jazğan-sızğandarın tazalap tastamasa.
Ädil WZAQBAY
zhasalash.kz
Pikir qaldıru