جۋرناليستەر وداعىنىڭ جۇمىسىن جانداندىرۋ قاجەت
kerey.kz
جاڭا كوزقاراس، ءبىر پىكىر
قازاق جۋرناليستەرى “قازاق ءتىلدى كاسىبي جۋرناليست” اتتى بىرلەستىك قۇرعان ەكەن. نيەت دۇرىس. دۇرىس دەيتىنىم، قازاق ءتىلدى جۋرناليستەر قوعامنىڭ، ءتىپتى بيلىكتىڭ نازارىنان تىستاۋ، ءوز بەتىمەن ءومىر ءسۇرىپ كەلدى. وسى كۇنگە دەيىن قازاق جۋرناليستەرىنىڭ نە جازىپ جاتقانىن تۇگەندەيتىن (شەتەلشە ايتقاندا مونيتورلايتىن) نە ءبىر قوعامدىق ۇيىمدار، نە بيلىك بولمادى. ۇكىمەتتىك ۇيىمدار جۋرناليستەر كۇنىندە، نە رەسپۋبليكالىق مەيرامداردا وزدەرىنىڭ كوزىنە تۇسكەن جۋرناليستەردى ماراپاتتاي سالۋدى ادەتكە اينالدىرعان. ولاردا جۋرناليستەر تۋرالى “مىناۋ قوعامنىڭ دامۋىنا لايىقتى ۇلەس قوسىپ جاتىر اۋ” دەگەن كۆاليفيكاتسيالىق وي تۇستەرىنە كىرگەن ەمەس.
اشىعىن ايتقاندا، وسى تاياۋعا دەيىن قازاقستان جۋرناليستەر وداعى” اتتى قوعام ءومىر ءسۇرىپ كەلگەن.
ونى باسقارعان سەيتقازى ماتاەۆ مىرزا تۋرالى جامان وي، پىكىر ءبىلدىرۋ ءتىپتى نيەتىمدە جوق. دەگەنمەن، قاي كەزەڭدە دە، قازاق جۋرناليستەرىنىڭ ەڭبەكتەرىنە كوڭىل بولىنبەدى.
اكەلى بالالى ماتاەۆتاردىڭ قاماۋدا وتىرعانى جۋرناليستەر قوعامى ءۇشىن ۇلكەن وكىنىش! بىراق،، تاعدىردىڭ بۇيرىعى سولاي بولعاننان كەيىن، قازاقستان جۋرناليستەر وداعىن قاراۋسىز قالدىرۋعا بولا ما! قازىر قازاقستان جۋرناليستەر وداعى توراعاسى قىزمەتىن ۋاقىتشا ء“ادىل ءسوز” قوعامىنىڭ باسشىسى ت.كالەەۆا حانىم اتقارىپ وتىر. ت.كالەەۆا حانىمنىڭ قازاقستان جۋرناليستەر وداعىنسىز، ء“ادىل ءسوز” قوعامىندا دا وتىرعان قىزمەتتەرى جەتەرلىك. ول كىسىنىڭ قازاقستان جۋرناليستەر وداعىنىڭ جۇمىستارىمەن اينالىسۋعا بىلايشا دا ۋاقىتى جوق. ونىڭ سىرتىندا ت.كالەەۆا حانىم قازاق باسپاسوزىنە شولۋ جاساپ، مونيتورينگ جاساپ وتىرۋعا تىلدىك مۇمكىندىگى دە، قازاق ءتىلدى كومەكشىلەرى دە جوق،
قازاقستان جۋرناليستەر وداعى جەكەمەنشىك قوعام ەمەس. سوندىقتان، قازاقستان جۋرناليستەر وداعى توراعاسى قىزمەتىن ەلدىڭ، جۋرناليستەردىڭ مۇددەسىن ويلايتىن، قامتاماسىز ەتە الاتىن ۇيىمداستىرۋشىلىق قابىلەتى بار جۋرناليسكە تاپسىرۋ قاجەت اق.
ونداي جۋرناليستەر ارامىزدا بار ما! ارينە، بار.
مەنىڭ ويىمشا، قازاقستان جۋرناليستەر وداعى توراعاسىنىڭ قىزمەتىن “قازاق گازەتتەرى” ۇجىمىن باسقارىپ وتىرعان ج.كەنجالينگە نە “پرەزيدەنت جانە حالىق” گازەتىن باسقارىپ وتىرعان مارات توقاشباەۆ ءتارىزدى اق جۇرەك جۋرناليستەرگە تاپسىرۋ كەرەك.
ال، جاڭا قۇرىلىپ جاتقان “قازاق ءتىلدى كاسىبي جۋرناليستەر” بىرلەستىگىنە كەلەتىن بولساق، بىرلەستىكتىڭ اتى دا ۇتىمدى قويىلماعان. “كاسىبي”، كاسىبي” ەمەس، دەپ جۋرناليستەردىڭ اراسىنا جىك سالۋعا بولمايدى. كەز كەلگەن جۋرناليست باسىلىمداردا، سايت، پورتالداردا قىزمەت ىستەپ جۇرگەن جۋرناليستەر قوعام ومىرىنە ارالاسىپ، جازۋعا مىندەتتى. ال، كاسىبي شەبەرلىكتى ۋاقىت قالىپتاستىرادى. سوندىقتان اتى دۇرىس قويىلماعان بىرلەستىكتىڭ، زاتى دا دۇرىس بولاتىنىنا كۇمانىم بار.
قورىتا ايتقاندا، توراعانى قايتا تاعايىنداپ، قازاقستان جۋرناليستەر وداعىنىڭ جۇمىسىن جانداندىرۋ قاجەت.
جۇمات انەسۇلى، قازاقستان جۋرناليستەر وداعىنىڭ ارداگەرى
kerey.kz
پىكىر قالدىرۋ