|  |  | 

Сұхбаттар Шоу-бизнис

Тәуекел Мүсілім алғаш рет қылмыс әлеміндегі “авторитеттің” ұлы екенін мойындады

Танымал актер Тәуекел Мүсілім өзінің қылмыс әлемінің серкесі болған Сабыр Мүсілімнің ұлы екенін айтты деп хабарлайды NUR.KZ. Бұл туралы ол el.kz порталына берген сұхбатында баяндады.

Тәуекел Мүсілім алғаш рет қылмыс әлеміндегі "авторитеттің" ұлы екенін мойындады

ФОТО ӘНШІНІҢ ЖЕЛІДЕГІ ПАРАҚШАСЫНАН АЛЫНДЫ

Ол өзінің шығармашылығына тоқталып, “Анамды іздеймін” деп аталатын фильмге түсуі жайында әңгімелеп берді. Осы тұста ол журналистің өзінің отбасы, нақтырақ айтсақ әкесі жайында да сөз қозғады.

- Қылмыс әлемінің сөзімен айтқанда «вор в законе» етіп тағайындалған, 90-жылдары криминалдық «авторитет» болып танылған Сабыр Мүсілім сіздің әкеңіз екені рас па?

- Иә, әкем батыр адам еді… Ол кісімен кездескен сайын ұлттық намыс туралы айтатын. Кейде өзге ұлттың өкілдері қазақ қыздарымен көңілдес болып, қоғамдық орындарда даяшыларды басынып, дауыс көтеріп жатқанын көресің. Біздің әкелеріміздің кезінде мұндай тәртіпсіздік болмайтын еді. Неге өз елімізде өзіміз өгей бала болып, көше сыпырып, қара жұмыс істейміз? Неге өзге ұлт келіп ойына келгенін жасайды? Қонақ әрқашан өз орнын білуі керек.

Қазақ жері аспаннан түскен жоқ. Қазақтың қанымен, жанымен келген жер. Қазақтың жанын ешкім түсінбейді. АҚШ-та бір ай болғанымда туған елімді сағындым. Шер тарқатысатын туған бауырың, туған жерің керек екенін түсіндім.

Қазір батырсымақ жігіттер көп. Оларға «қазақты ұрып жық» деп ақша берсең, ұрудан тайынбайды. Әкем мен достары билікке қарсы шыққан жоқ, биліктің кей көзқарасына келіспеді. Олар елді тонамады, елге қамқоршы болғысы келді. Мұндай азаматтар әр заманда керек. Ұлтаралық тәртіпті ұстап тұрған сол кісілер еді.

Сонымен бірге, ол әкесінің қандай әке болғанын айтты.

“Тәуекел деген атымды әкем қойған. Тағдырдың жазуымен әке мен шешем кішкентай кезімде ажырасып кетті. Әке тәрбиесін көрмей өскендіктен, ол кісі туралы мардымды ештеңе айта алмаймын. Анам біздің араласуымызға қарсы болған жоқ. Әлі күнге дейін енесінің алдын кесіп өтпей, сәлемін салады.

Тоғызыншы сыныпта әкеммен үш айдай бірге жүрдім.  Әкем спортқа жақын еді. Поэзияны, өнерді сүйетін. Кез келген отырысты жандырып жіберетін. Маған үнемі «оқы, келер заман – білімділердің уақыты» дейтін. Расында, қазір – білектің емес, білімнің заманы. Ол кісіге ұқсаймын деп айта алмаймын.

Кейде өз ойымды жасырып, үндемей қалатын жасықтау мінезім бар. Әкемнің қолында өскен болсам, мінезім басқаша болар ма еді. Бірақ ішімде бір қайсарлық бар екенін сеземін. Әкемнің көзін көрген жұрт «бұл –Сабырдың ұлы ғой, тектінің көзі» деп жатады. Әке атына лайық болсам деймін”, – деп сырын айтты ол.

Сұхбаттасқан: Ая Өміртай

90 жылдары елді дүрліктірген рэкетирлер кімдер?«Рэкетир» сөзі қазаққа тәуелсіздік алған жылдардан бастап жақсы таныс. Біреулер үшін ол – басбұзар қылмыскер, халықты сүлікше сорған салықшы болса, кейбірі – «рэкетирді» өз заңымен ел мен жерді жаудан қорғаған нағыз азаматтар деп түсінеді. Бүгін біз Қазақстан егемен ел болған сәттен бастап есімі елге белгілі, қылмыс әлеміндегі беделді де, бірегей азаматтар жайлы жазамыз.

Аты аталған жігіттердің жақындары олар туралы фотолар беру түгілі, өмірі жайлы ашып айтудан қорқады. Сондықтан да бүгінгі мақаланы дайындауға көмектескен азаматтардың да есімі де құпия болып қала бермек.

90 жылдары елді дүрліктірген рэкетирлер кімдер?

1. САБР

Кеңес үкіметі тарап әрбір республика жікке бөлініп бастаған сәтте бой көтеріп, қазақ жігіттерінің ішінен суырылып шыққан Сабыр Мүсілімұлы Оңтүстік Қазақстан облысының тумасы. Сөзіне берік, келбеті сұсты, екі жүзділік пен жалқаулықты жақтырмайтын азаматты жұрт бас ақылшы санып, кез-келген түйткілді шешу үшін Сабырға жүгінді.

90-ншы жылдары түрлі қылмыстық топтар оны «оңтүстік өңірге жауапты», қылмыс әлемінің өз сөзімен айтқанда «вор в законе» етіп тағайындады. Яғни, ұшқан құс, жүгірген аң Сабырға есеп беруі тиіс болды. Есіміт атаудан бас тартатын танымал қазақ режиссерінің сөзінше, Сабыр жетіммен жесірді жебеді, қарттарды сүйеді. Сол уақыттағы жұмыссыздықты жойып, қылмысты азайту үшін жұмыс жасаған.

«Шымкенттің шетінде кәрістер пияз егетін. Халық аш сол пиязы ұрлап, одан қалды жазда су бөліспей, кейін жиған өнімді сата алмай әбден шығынға батты. Міне сол кәсіпкерлердің басын қосып Сабыр жиын өткізді. Нәтижесінде қазақ жігіттері шаруаларды ұры-қарыдан қорғаштап, бірге еңбек етеді. Жыл соңында шағын алқаптан 3 камаз пияз жиналды. Бір камазды кәсіпкер өзі алды. Екінші камаз қарауыл болған жігіттерге берілді. Үшінші камаз ауылдағы жетім-жесірлерге таратылды», – дейді ол.

Сабыр Мүслімұлының көптеген әрекеті заңға қайшы болды. Полициямен тіл табыса алмаған азаматқа 9 түрлі бап бойынша айып тағылғанымен, бірі дәлелденбейді. Соңында көлігін тінту кезінде қолдан жасалған пышақ табылып, «суық қару сақтады» деген айыппен 3 жылға түрмеге қамалды. Темір торда отырып, ауруға душар болған азамат, кейін босап шыққан соң ұзақ науқастан Алматы қаласында көз жұмды.

Қазір қазақ өнерінің жұлдызына айналған, жас актер Тәуекел Мүсілім осы Сабыр Мүсілімұлының тұңғышы.

90 жылдары елді дүрліктірген рэкетирлер кімдер?

2. БАХА ФЕСТИВАЛЬ

Сабыр Мүсілім түрмеде отырғанда оның орнын жақын досы Баха фестиваль басады. Ауғанстанда әскери борышын өткерген, офицерлік атағы бар, бұрыңғы әскери қызметкер. Баха фестивалдің шын есімі Бақыткелді Райымбектегі.

1963 жылы 11 қазанда Алматы облысы, Райымбек ауданы ақын Мұқағали Мақатаев туылған Қарасаз ауылында өмірге келген. Оған «Баха фестиваль» деген лақап атты достары берген. Ап-арық, орта бойлы жігітке қандай қиын тапсырма берсе де, дымын шығармай тез және таза орындап кететін болған. Шаруаны артына із қалдырмай, шашауын шығармай орындайтындықтан оны «Фестиваль» деп атаған.

90 жылдары елді дүрліктірген рэкетирлер кімдер?

1991-92 жылдары аты тек Қазақстанға ғана емес, ТМД елдеріне кең таралған. Сондай-ақ өте қатыгездігі ел арасында аңыз болып тараған. Өзімен санаспағандарды аямаған, алдына шыққанды жоқ қылған деседі. Алматыны ашса алақанында, жұмса жұдырығында ұстайтын жігітке Грозныйдың баскесерлері келіп бас-көз болу үшін мегополистен ауданды беруді сұраған. Алайда, қаруланып келген жігіттердің оңайлықпен қайтпайтынын түсінген Бақыткелді бұл істі де ың-шыңсыз, тапқырлықпен шешкен дейді.

Яғни «жарайды Алматыдан 1 аудан береміз, сендер бізге де Грозныйдан тура сондай аудан бересіңдер» деген. Сөзден ұтылған шешендер Алматыны жайына қалдырыпты. Осы секілді істері Ресейлік мафия дөкейлеріне ұнамай, жиі қақтығыста болған. Арыстандай ақырған азамат 1993 жылы 7 қазанда өз үйінде қастандықтан көз жұмды.

Қасындағы 4 жендетімен отырған оларды бәз біреулер жарып жіберді. 30 толған жасында, тура туған күні, жер қойнына тапсырылған. Атышулы оқиға басылым беттерінде жарыса жазылғанымен тапсырыспен орындалғандардың артында кім тұрғаны және не үшін екені ақыры анықталмады. Кейбір деректерге сүйенсек, Баха фестивальдің қылмыстық тобында 100-ге жуық азамат мүше болған. Олардың басым көпшілігі айған соғысына қатысқандар мен бұрыңғы полиция қызметкерлері.

90 жылдары елді дүрліктірген рэкетирлер кімдер?

3. РЫЖИЙ АЛМАЗ

Баха-фестиваль жер жастанғаннан кейін Қазақстандағы қылмыс билігін Рыжый Алмаз қолына алды. «Рыжий Алмаз» – Несіпбай Нәсенов 1961 жылы Семей өңірінде дүниеге келген. Балалық және жастық шағы Қырғызстанда өткізіп, алғаш рет айыр қалпақ ағайынның елінде «қарулы шабуылға қатысты» деген айыппен бес жылға сотталады.

Несіпбай көп жерде өзінің шын атын атамай «Алмаз» деп таныстырған екен. Кейбір көз көргендер «Сары Алмаз» деген лақап атты қылмыс әлеміндегілер қойған деседі. Себебі, ол алған бетінен қайтпайтын, алмас секілді өткір болған-мыс. Ал, «сары» сөзі ақшыл реңіне бола айтылған. Бейресми ақпар бойынша Рыжий Алмаз түрмеде отырып қарақшылық заңын жете меңгерген, ақша жасауды және орыс, армян, шешен, сыған тілдерінде еркін сөйлеп, ағылшын тілін үйренген.

90 жылдары елді дүрліктірген рэкетирлер кімдер?

Сонымен қатар айкидо өнерімен шұғылданып, қарамағындағы 80-ге жуық жігітті де шығыс жекпе-жегіне баулып дайындаған. 90 жылдардың орта түсінде атынан ат үркетін қазақ мафиясының белсенді топтары – «Атаба», «Төрт ағайынды», «Адай», «Бабахан» сияқты ұйымдардың мүшелері түгелі дерлік «Рыжий Алмаздың» қол астында болған.

Олар Қазақстанның әрбір облысында жұмыс жасап, барлығы өз заңдарымен билік еткен. Тіпті кейбір көз көргендер оны Қытайдың бір аймағына әмірін жүргізген деседі. Сары Алмаздың билігінде еліміздегі ірі мұнай өндірістерінен бастап, қалададағы ойын-сауық орталықтарына дейін қараған. Барлығына бақылауға алудағы оның басты мақсаты қазақтың байлығын ұстағанның қолына, тістегеннің аузына кетірмеу болған.

90 жылдары елді дүрліктірген рэкетирлер кімдер?

Алайда, аталған мекемелердің табысынан ол ай сайын өзінің үлесін алып отырған. Оның көлемі бизнестің ауқымына байланысты 10-30 пайыз аралығында. Өз заңымен жүретін Несіпбайға 1992 жылы Алматыда 3 бірдей бап бойынша қылмыстық іс қозғалды. Оған, суық қару сақтаған, салықтан жалтару және бай-бағланды қорқытып-үркіткенге қатысты деген айып тағылып, 5 жылға бас бостандығынан айрылады.

Павлодар мен Маңғыстау түрмесінде жатып жазасын өтеген ол бостандыққа шыққан соң күзет фирмаларын құрып, заңды кәсіппен айналысады. Алайда көп ұзамай елден кеткен оның шекара сыртынан тек мүрдесі келді.

Сары Алмаз 1998 жылдың 31 мамырда Испанияның Барселона шаһарындағы жеке «Santa Cristina de-negro» вилласында оққа ұшты. Бетперде киген алты адам таң ата ұрланып кіріп, төрт күзетшіні байлап тастап, ұйқыда жатқан азаматтарды қырып салған. Сары Алмаздың туған інісі, “Транстелеком” компаниясының экс-жетекшісі Асқар Нәсеновке қаржы полициясы 2013 жылы халықаралық іздеу жариялады. Ол өзі жетекшілік еткен тұста мекеме мен шағын кәсіпорындар арасында жалған келісімшарт жасап, мемлекеттік 4 миллиардтан астам теңгесін жоқ қылған.

Некелі жары, әнші Ситорамен 5 жыл отау құрған, ортақ 1 ұлы бар. Сары Алмаз өмірден өткен соң билік қарындасы Айка-Бегемоттың қолына өткен. Ол да қылмыс әлеміндегі беделді әйелдің бірі. Ұйымдасқан қылмыстық тобында 80-нен 100-ге жуық адам болған.

4. ҚАРА АЛМАЗ

Сары Алмаз Қазақстанды билеп төстеген уақытта «Қара Алмаз» есімімен тағы бір серке пайда болды. Кейінде де жас жігіттің белгісі саясаткер Заманбек Нұрқаділовтың немере інісі екені анықталды. Ол жас та болса, ешкімнен қорықпай, Алматыны қолына алды.

«Қара Алмаз» деген лақап аты болғанымен шын есімі нақты белгісіз. Оппозицияға бет бұрған Алматының экс-әкімі бір кездері өзіне бәз-біреулердің қоқан-лоқы жасағанын айтып шағымданды. Артынша рэкетир болған Қара Алмаз ұзаққа бармай, белгісіз жағдайда Қордай тас жолында қара джипі аударылып, жол апатынан көз жұмды. Оқиға әлі күнге дейін жұмбақ күйінде. Расында да Қара Алмас қарсыластарының қолынан қаза тапты ма, әлде жазым ба?

90 жылдары елді дүрліктірген рэкетирлер кімдер?

5. АТАБА

Қазақ мафиясының серкелерінің бірі, әрі бірегейі Талғат Атабаев -“Атаба” деген атпен танымал азаматтың да есімі қазақстандықтарға жақсы таныс. 1967 жылы маусым айында Талдықорғанда өмірге келген. Қатарластарының сөзіне сүйенер болсақ, Талғаттың абыройы мен беделін республика түгіл Қырғызстан мен Өзбекстанда да өте жоғары бағалаған. Атабаның ел есінде қалған істерінің бірі қазақ тіліне деген алаңдаушылығы дейді.

Қарамағындағы мен көршілер елдің авторитеттері оның алдында барынша қазақ тілінде сөйлеуге тырысқан. Сары Алмастың қол астынан шыққан серке 2005 жылдың желтоқсанын айына дейін өз билігін Алматыдағы Барахолка базары мен, бірнеше казиноны басқарып, дөңгелеткен.

Тіпті оның аты шулы Қорғас ісіне қатысы бары да анықталды. Ұлттық қауіпсіздік комитетінің мәліметінше шекарадағы кедендік рәсімдеуден еш кедергісіз өту үшін, әрбір жүк көлігінен 4 мың долларға дейін алынған. Бұл бекеттен күн сайын орта есеппен 12 машина өтеді. Топқа полиция қызметкерлері мен қатар «Атабалықтар» және «Төрт ағайынды» деп аталатын қылмыстық топтар көмек көрсеткен. Қылмыстық операция барысында 16 күдікті ұсталды. Оның ішінде Талғат Атабаев та бар.

90 жылдары елді дүрліктірген рэкетирлер кімдер?

Алматыда күдіктілерді құрықтау кезінде көліктен сытылып шығып, қашқан Талғат – Марков көшесіндегі ойынханаға жасырынып, 38 жасында сол жерде жүрек талмасынан қаза тапты. Талғат Атабаев күреспен айналысқан спортшы болған. Қарамағына өзі жерлестерін және осал емес, спортқа қабілеті бар жауырыны қақпақтай, жұдырығы тоқпақтай жігіттерді жинаған.

Қылмыс әлемінде артына із қалдырмайтын Атабаны 2002 жылы полиция қызметкерлері заңсыз суық қару сақтағаны үшін айыптап, түрмеге жапқан. Алайда өмірінің соңғы күніне дейін ол еркін күрес федерациясының вице-президенті болды.

90 жылдары елді дүрліктірген рэкетирлер кімдер?

6. ҚАНЕКЕ

Несіпбайтегі Қаныбек Нұрғазыұлы (1952-1996 ж.ж) – қазақстандықтарға «Қаныке» атымен танымал. 1989 жылы бас көтерген қылмыс әлемінің алғашқы серкелерінің бірі.

90-ншы жылдары Алматы облысы Ұзыныағаш ауылындағы қазақ-шешен қақтығысы кезінде ерекше белсенділік танытып, жерлестерінің басын қосқан азамат ретінде жиі айтылады. 1996 жылға дейін жайма базарлардың басшыларына «Крыша» болып, салық жинаған.

90 жылдары елді дүрліктірген рэкетирлер кімдер?

Өз дегенімен жүретін Қаныке көп қатарласына ұнай қоймаған. 1996 жылы 17 желтоқсанда достарымен отырған Қаныбекті бірнеше жерінен тапаншамен атып, жер жастандырған.

90 жылдары елді дүрліктірген рэкетирлер кімдер?

7. САБЫРЖАН

Сабыржан Махметов «Жекпе-жек» федерациясының президенті. Қазақ кикбоксингінің мәртебесін асқақтатқан спортшы Сарбыржан да 90-ншы жылдары беделді рэкетирдің бірі болған. Өз сөзінде ол қылмыс әлемінде билік ету үшін емес, қазақ жерін келімсектерден қорғау үшін әрекеттенгенін айтады.

90 жылдары елді дүрліктірген рэкетирлер кімдер?

 

Сөйте тұра, полиция тарапынан «бопсалаушы» деген айып тағылып, 7 жылға түрмеге тоғытылып, соның 6 жылын абақтыда өткізді.

Дереккөз: Nur.kz

Related Articles

  • «Корея халқының еңбекққорлығына таң қалдым»

    Нұртай ЛАХАНҰЛЫ Оңтүстік Кореяның Пусан қаласында тұратын қазақстандық Оразхан Нұрмахан. (Сурет Оразханның рұқсатымен жеке мұрағатынан алынды) Постсоветтік кезеңде басқа Орталық Азия елдерімен салыстырғанда жақын және алыс шет елдерде қазақстандық еңбек мигранттары азырақ көзге шалынады. Бірақ көбірек табысқа ұмтылған мыңдаған қазақстандық үшін Оңтүстік Корея тартымды еңбек нарығына айналып тұр. Оңтүстік Қазақстан облысындағы Кентау қаласының 27 жастағы тумасы Оразхан Нұрмахан 2017 жылы желтоқсан айында Оңтүстік Кореяға туристік сапармен барып, қалып қойған. Қазір Пусандағы компаниялардың бірінде күннен қуат өндіретін құрылғыларды орнатушы болып жұмыс істейді. – Кореядағы жұмыс туралы барып-қайтқандардан естіп жүрдік. Өйткені ол жаққа кеткен таныстарым да, достарым да болды. Осыдан екі жыл бұрын кетуді ойластырған едім. Бірақ сәті өткен жылдың соңында келді,

  • Профессор Коллинс: “Шыңжаң – Тибет емес”

    Өркен ЖОЯМЕРГЕН Пекинде жүрген ер адамдар. Көрнекі сурет. Қытайдың Шыңжаң қазақтарын саяси тәрбиелеу орталықтарына қамау науқаны мен осы аймақтан Қазақстанға көшкен этникалық қазақтардың зейнетақы мәселесі соңғы айларда әлеуметтік желілерде жиі талқыланып жатыр. Азаттық Астанадағы Назарбаев университетінің саясаттанушысы, Қытайдың саясатын зерттеп жүрген профессор Нил Коллинспен синофобияның себебі және Шыңжаңдағы мәселені шешу жолдары туралы сұхбаттасты. Азаттық: Қазақстанда синофобияның күшейгені байқалады. Шыңжаңдағы этникалық қазақтарды саяси тәрбие орталықтарына жаппай қамау мен Астананың қытайлық азаматтарға 72 сағаттық визасыз кіру рұқсатын беруі әлеуметтік желілерде қызу талқыланып жатыр. Қытайдың “экономикалық және саяси экспансиясы” туралы алаңдауға қаншалықты негіз бар? Нил Коллинс: Бұқаралық деңгеймен салыстырғанда жоғарғы деңгейде алаңдау мен синофобия аз. Бұқаралық деңгейде бұған Қытайдың инвестициясы, зауыттары мен инфрақұрылым жобаларымен ұшырасқан

  • “Ешкім мұндай нәтиже шығады деп ойламаған”

    Азаттық радиосы “Америка дауысының” штаттан тыс тілшісі Грета Ван Састерн АҚШ президенті Дональд Трамптан сұхбат алып тұр. Сингапур, 12 маусым 2018 жыл Президент Дональд Трамп Солтүстік Корея жетекшісі Ким Чен Ынмен Сингапурда кездескен соң “Америка дауысының” штаттан тыс тілшісі Грета Ван Састернмен сұхбаттасып, келіссөздің қалай өткенін, енді не болатынын айтты. АҚШ пен Солтүстік Корея тарихында бірінші рет екі ел президенттері жүзбе-жүз кездесіп, келіссөз қылды. Маусымның 12-сінде Сингапурда өткен кездесуден соң Дональд Трамп пен Ким Чен Ын Түсіністік мәлімдемесіне қол қойып, ядролық қарудан бас тарту мен әскери жаттығудан тартыну ниеттерін жариялады. Грета Ван Састерн: - Ким Чен Ынның бойынан таң қаларлық не көрдіңіз? Дональд Трамп: - Шынында да жайсаң адам екен. Қуақы, өте

  • қытай мен Қазақстан арасындағы үңірейіп тұрған бостықты Қазақ бизнесмендері монополдап алуы керек

    Қытай орталық азия мен Түркия базарына ендеп кіру үшін Шыңжаңдағы ұйғыр бауырларымыздың орта және шығын бизнесіне миллиондап қаржы ажыратты. Соның арқасында 1991-жылдан бастап Ұйғыр бизнесмендері жаңбырдан кейінгі саңырауқұлақтай дүр ете түсті. Оған бір жағы қытайдағы әлеуметтік, экономикалық жаңа реформалар бап болды. Қысқа уақыт ішінде Ұйғыр бауырларымыздың орта және шығын бизнесі қарыштап дамып шағын монополданған ұлттық компаниялар бой көтере бастады. Қытай сыртқы экономика мен сауда-бизнесте Ұйғыр бауырларымызды алдыға сап қойып перде артында өздері тұрып алыс-жақын көрші елдердің базар нарығына Ұйғыр кәсіпкерлері арқылы монополия саясатын жүргізе бастаған еді. Таяу бір екі жылдан бері Шыңжаңдағы саяси тұрақсыздыққа байланысты, қытайдың бұл стратегиялық саясаты уақытша тоқырап туралап қалды. Ұйғыр бизнесмен, кәсіпкерлерінің десі басылып, өңірдегі сауда

  • Футболдан Қазақстан құрамасы Әзербайжанды жеңді

    Қазақстан құрамасының ойыншылары. 6 маусымда футболдан Қазақстан құрамасы Астанада Әзербайжан құрамасымен жолдастық кездесу өткізіп, 3:0 есебімен жеңіске жетті. Қазақстан құрамасы сапынан Роман Муртазаев, Серікжан Мужиков және Бахтиер Зайнудинов гол салды. Үш футболшы да “Астана” командасында ойнайды. Бұл жолдастық матчқа Қазақстан құрамасын болгариялық маман Станимир Стойлов дайындаған. Ол бірнеше ай бұрын Қазақстан құрамасының бас бапкері болып тағайындалған. Стойлов жаттықтыратын Қазақстан құрамасы бұған дейін Венгрия құрамасынжеңіп, Болгариядан жеңілген. Азат Еуропа / Азаттық радиосы

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: