|  | 

Спорт

Аргентина – Исландия 1:1

9ba4f7621581d87ffdfe6b5d872dfb15

Оңтүстік Американың жұлдызды құрамасына жақтасқам, шынын айтсам. Ал дебютант аралдықтар шағын, шымыр, шақар һәм ұйымшыл команда екені белгілі. Қақпашысы – керемет, қорғанысынан су өтпейді. Оның үстіне симуляция мен уақыт созуды да соңғы жылдары жақсы меңгерген. Екі жыл бұрынғы Еуропа чемпионатындағы дебюті кезінде 1/8 финалда Англияны 2:1 етіп жеңіп, сенсация жасағаны естеріңізде шығар. Сол кезде мынадай қорғаныс пен қарымта шабуылға қайран қыла алмаған күйі Руни арманына жете алмай алаңнан басы салбырап кеткен. Бүгінгі аргентиналық капитанды соған ұқсаттым. Мессидің әлем чемпионаттарында неге ойыны жүрмейтінін, неге “Барселонадағыдай” жарқырай алмайтынын түсіне алмай-ақ қойдым. Кеше Португалияның Роналдуы нендей шеберлік көрсетсе, бүгін Месси сондай шеберлік көрсететін барлық мүмкіндік берілгеніне қарамастан бірін де жасай алмады. Құраманың диспетчері, орталық ойыншысы ретінде көзге түскенімен не пастары өтпеді, не айып доптары жетпеді, не 11 метрлігі кірмеді. Аргентинаның бұл чемпионатқа әрең шыққанын білеміз ғой. Бірақ биылғы құрам әлсіз деу күпірлік болар еді. Маскерано, Отаменди, Рохо, Ди Мария, Игуаин, Агуэро мен Месси. Құдай-ау, басқа не керек. Мына ойыншылардың қай-қайсысы болсын тұтас Исландия құрамасынан артық айлық тауып жүр емес пе. Бірақ, Аргентинаның бүгін бір қасиетіне разы болдым. Жандарын салып ойнады. Симуляция жасаған жоқ. Қарсылас қатты кетіп, қалай шалып құлатса да, уақыт жоғалтпау үшін тістеніп тұрып кетіп жатты, ақсаңдап қойып жүгіре берді. Айтпақшы, судья Аргентинаның бір 11 метрлік айып добын жеп қойды. Әділ бола алмады. Бүгін Франция мен Австралия матчындағы даулы пенальти алдында төрешілер күмәнді эпизодты экраннан қайта қарап, дұрыс шешім қылып еді. Ал мына ойында неге олай істемегенін тағы түсінбедім. Бәрібір бір нәрсеге қуанам. Бұл жолғы чемпионатта гол көп  :)

Galym Bokashтың facebook парақшасынан алынды

Related Articles

  • Терроршыл Челахтың қайталанбауына кім кепіл?!

    2019 жылдың 8-21 қыркүйегінің аралығында, ресейлік Екатеринбург қаласында әуесқой бокстан кезекті әлем біріншілігі өтті. Мен осы жаһандық додаға журналис ретінде аккредитацияланған едім. Алты медаль жеңіп алған қазақ құрама командасы тағы да жер жүзіндегі жұдырықтасудың көшбасшысы екендігін дәлелдеді. Сатқын қазы-билердің зымияндығы болмаған жағдайда, Свердловск аймағы шаршы алаңындағы былғары қолғап шеберлеріміздің жетістіктері одан әрі ұлғая түсер еді. Дегенмен, 81 келіге дейін салмақ дәрежесіндегі жаңа әлем жеңімпазы, соққылары жойқын маңғыстаулық Бекзат Нұрдәулетовтың қарқынды өрлеуіне ешкім тұсау сала алмады. Әр қарсыласын есеңгіретіп жіберді жас чемпионымыз! Тіпті, аты аңызға айналған кубалық Олимпия жеңімпазы Хулио Ла Крустың өзі біздің боксшыдан ойсырата ұтылды. Бір қызығы, ширек финалындағы жеңісінен кейін Ла Крустың қолтаңбасын алдым және ақтық сындағы жеңісінен

  • Жанашыр азамат Молдияр Нұрбаев Мамания мектебін қайта жаңалады

      Еліміздің әр аймағындағы ауылдарда тозығы жетіп қаңырап қалған нысандар жетерлік. Содан ба кезінде тіршіліктің қыз-қыз қайнаған ордасына айналған өлкелер бұл күнде сұрқай тартып, суықтанып бара жатыр. Әрине, оны қайта тірілту, өңі қашқан өлкенің шырайын кіргізу – біз бен сіздің, ел азаматтарының міндеті. «Елім маған не береді емес, мен еліме не беремін» де­­ген ұстаным, осы жолы да ал­дан шығады. Мемлекет қам­­қорлығы жетпей жатқан шал­ғай ауылдарға сол жерден шық­қан, бүгінде кәсібі мен нәсібі тасыған азаматтар кө­мек қолын созып жатса, бұл әл­бетте, құптарлық іс. Елбасы «Болашаққа бағдар: рухани жаңғыру» бағдарламасында «қазақ «Туған жерге туыңды тік» деп бекер айтпаған. Пат­рио­тизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген

  • Түркістан облысының Түлкібас ауданында жаңа спорт кешені ашылды.

    «Ер Жәнібек» атындағы 240 адамға арналған шынықтыру-сауықтыру орталығы  Састөбе кентінде пайдалануға берілді.  Нысан мемлекеттік-жекеменшік әріптестік аясында жүзеге асты. Құны 454 млн теңге болатын спорт кешенінде бокс, дзюдо, үстел теннисі, баскетбол, еркін күрес және тағы да басқа спорт түрлерімен айналысуға болады. Келушілерге ыңғайлы болуы үшін киім ауыстырып, душ қабылдауға болады. Бұдан бөлек, бапкерлер мен медбикелерге арналған бөлмелермен де қамтылған. Түркістан облысы, Түлкібас ауданы, Састөбе елдімекенінде өткен “Ер Жәнібек” атындағы спорт кешенінің ашылу мерей тойына “Tuǵurul han” Halyqaralyq Qoǵamdyq Birlestıgınıń атынан: Қаржаубай Сартқожа – Президиум Басқармасының Төрағасы (құрылтайшы); Мамырбаев Рахимбек – Президиум Басқармасының мүшесі (құрылтайшы); Игбаев Нұржан – “Tuǵurul han” Halyqaralyq Qoǵamdyq Birlestıgınıń Президенті қатарлы азаматтар арнайы қатысып қайтты.   Салтанатты жиынның ашылуына

  • Қазақстан Еуро-2020 іріктеуінде Шотландияны ойсырата жеңді (фото)

     Қазақстан құрамасы Еуропа чемпионаты 2020 арналған іріктеу матчында Шотландия командасын оңай жеңді. Матч Қазақстан астанасында өтті деп хабарлайды Sports.kz сілтеме жасаған KAZ.NUR.KZ. Фото: sports.kz Рассказать ВконтактеРассказать в FacebookРасказать в Twitter Бұл ойынды бәрі үлкен қызығушылықпен күтті. Себебі бұл чехиялық бас бапкер Михал Билек үшін алғашқы ойын еді. Сондай-ақ құрамада жаңа футболшылар ойнауға тиіс болатын. Фото: sports.kz Рассказать ВконтактеРассказать в FacebookРасказать в Twitter Алғашқы құрам таңғалдырды. Онда «Астана», «Қайрата» және «Ордабасы» клубтарының үш ойыншыларынан болды. Сонымен қатар Бақтияр Зайнутдинов мен Александр Меркель. Фото: sports.kz Рассказать ВконтактеРассказать в FacebookРасказать в Twitter Астанада өткен І тобының кездесуі 3:0 есебімен аяқталды. Ойынның 10 минутында тақтайшада алаң иелерінің еншісіне 2:0 есебі жазылып тұрды. Голды Юрий Перцух пен Ян

  • Хорватия – Англия 1:1 (қосымша таймда 2:1)

    Алғашқы таймның бесінші минутында-ақ Англия Хорватияның айып алаңы сыртынан доп соқты. Жас жартылай қорғаушы Триппьердің ұлттық құрамасы үшін соққан алғашқы голы. Айып добын шебер орындап, оң жақ тоғыздықты ала топ еткізді. Ерте голдан соң Англия алдыңғы шепте арқасын босатып, өткір контршабуылдарға көшті. Жан салып, тер сорғалатып жүгіруді азайтты. Кейн мен Лингард бірнеше оңтайлы сәтте қапы қалды. Стерлинг сол баяғыша далаңдап бос шапты. Магуайр мен Янг тас қамал болып тұрды, Пикфорд өте сенімді ойнады. Шаршаңқы Хорватия қатты прессингке жарамады, дөрекілеу ойнады, жиі ереже бұзды. Әдеттегідей Модрич, Ракитич пен Перишич шебер ойнап, ерекше көзге түсті. Бірінші таймда көңілімде үш сұрақ туды: 1. Неге тоттенхэмдік Кейн-Алли дуэті ӘЧ-те мүлдем көрінбейді? 2. Неге Стерлингтің

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: