|  | 

Көз қарас

Шымкент әкімі Ерлан Айтахановты қызметінен алып тастапты ғой. Маған бір пайдасы тиген әкім еді. 

82893973_2745548228826537_4572111644301197312_n
2015 жылы ақпанда Сарыағашта қазақ пен тәжік арасында конфликт болды емес пе? Шенеунік боп істейтін қазақ жігітін жылыжайдағы тәжік жігіті өлтіріп, жік түсті. Ынтымақ деген ауылда 20-ға жуық тәжік үйін өртеп, бір күнде дүние астаң-кестең болды. Әскер кіргізді. Әлеужелің бірде бар, бірде жоқ. Оқиғадан үш күн өте редакция тапсырмасымен Сарыағашқа жеттім. Әрі қарай ауылға барайын десем таксистер мынау сақырлаған камера, фотоаппаратыңызбен кіргізбейді деп баспайды. Ақшасын молдау беріп көндірдім біреуін. Бір топ полиция Сарыағаштан шыға берісте бір, ауылға кіре берісте екі тексерді. Құрал–сайманды таксистің темір-терсегінің астына тығып тастағам, Құдай сақтады. Ауылға кіріп келсек полиция, әскер, омон-сомон, БТР-ға дейін техника самсап тұр екен. Аттап бастырмайтыны белгілі болды. Қайдан түсірейін деді таксисім. Қайдан түсетінімді өзім де білмеймін. Төтенше жағдай орнаған жер. Шығарып жібере ме деп қауіптеніп, не де болса әкімдік табалдырығына ілінейін дедім. Сөйтсем әкімдігім әскери штабқа айналыпты да, әкімдікті ауруханаға көшіріп жіберіпті. Қол созым жердегі ауруханаға бара бергенімде біреу: – Әй, кетіңдер бұл жерден, журналистер келе жатыр,- деді. Мені айтып тұр ма деп қоямын). Сәл шетке ығысып тұрдым сонда да. Бір кезде Оңт. Қазақстан облысы ішкі саясат бастығы Берік Уәли он-он бес журналистпен сау етіп келе қалды. Сірә, жергілікті БАҚ болса керек. Бекеңнің тапсырмаларын мен де тыңдайын деп жақындадым. Байқап қалып, бірге жүріңіз, ауылды түгел аралатамыз деді. Рақметімді айтып, бас тарттым. Қайтыс болған жігіттің әкесін шақыртқан екен, қысқа коммент алдым. Журналистер кетті. Енді не істеймін?
Қарасам көше бойында Оңтүстік Қазақстан облысы әкімінің орынбасары Ерлан Айтаханов жүр екен. Таяп барып, амандасып, жөнімді жұқалап айтып, ілестім. Сәлден соң еркінсіп, әкесі, мәжіліс депутаты Қуаныш Айтахановты ел білетінін айттым. Ол кісі 1990 жылдары аудан басқарған, шаруа адам деп еститінмін. Сонысына бір тоқтадым. Айдалада біреу әкеңді мақтап тұрса, арқаланып қаласың ғой. 
- Қасыңыздан кетсем, мына полиция тырп еткізбейін деп тұр,- деп бір-ақ тоқтадым. 
- Алаңдамаңыз,- деді Айтаханов. Сыртымыздан бақылап тұрған бір топ полицей аса жақтырмаса да сонан кейін кедергі жасамады. Онысы бөлек хикая). Сөйтіп өртенген үй, мәшине, қираған мүлік, тағы шығамыз дескен жұрт жайлы ақпарат Азаттыққа шықты. 
Айтпақшы, екінші күні жаяу салпақтап шаршадым. Әкімдік жап-жаңа мәшине беріп, қояр да қоймай мінгізді, қалаған жағыңызға барыңыз деді. Бірақ шопырым ертіп барған үйлердің бәрі дін аман боп шықты). Сосын қоя бердім де 06 жигули тауып, пластмасса канистрмен бензин құйып араладым.
Қайтатын күні ауылдан ұзай бере бір топ спецназ тұр екен. Таксиде отырып, жарқ еткізіп суретке түсіріп едім, екі шақырым ұзамай қолға түстім. Вспышканың жарқылын байқап қалған-ау. Маска киген, қару кезенген үш спецназ едел-жедел мәшинеден түсіріп, құрал сайманымды алып қойды. Журналистпін дегеніме пысқырған жоқ. Штаб бастығының өзі рұқсат берді дегенім өтті-ау деймін, жарты сағат ұстап жіберді. Түсірген фото, видеоларды көздерінше өшірдім. Пәтеңкемнің ұлтарағының астында жатқан флешка аман қалды ғой бірақ).
Ерлан Айтахановтан көрген пайдам сол. Төтенше жағдай орнаған жерге рұқсатсыз кірген тілшіні шығарып тастаңдар десе ешкім қой демейтін еді. Танитындар болса сәлем айтар, сонысына рақмет.

Асылхан Мамашұлы Facebook парақшасынан алынды

Related Articles

  • Арқадан Алтайға ауған елдің ізі (Яғни Арқадан Алтайға ауған Абақ Керейдің керуен көші жәйінда)

    Байахмет Жұмабайұлы  Кіндік сөз: Керей тайпасының ежелгі мекендері Арқадан Алтай бетіне іргелі елдің қақпайынан ауғаны распа?». «Абақ Керей елді Арқадан Алтайға «Ақмырзаның өліміне себепші болып көшкені» рас па? «Бұқар жырау Абылай ханның бұйрыуымен Керей көшін тоқтатуға алдынан шығып жотасын көрсеткені распа?» т. б. Сұрақтар төңірегінде тарихшы болмасамда ызденістің натижесінде өз әлімше көзғарас білдіруді жөн көрдім. Артық – кемін кешірммен қарарсыздыр. Шыны керек, осы тақырыпқа қатысты жазба деректер аз болғандықтан, дәлелсіз сөздің дәрмені шамалы болар деген оймен, тартыншақтап келген едім. Жуықтан бергі әлеуметтік желілерде бұл тақырып төңірегінде талас-тартыстар малыға бастағанын көріп қолыма қалам алып, осыдан бір қанша жыл бұрын «Қазақтың қысқаша тарихы» деген еңбегімен екі миллярд қытайға ғана емес, шет елдердегі

  • Ныгматуллинге хат

    Құрметті Нұрлан Зайруллаұлы! Түрік парламентінің спикері М.Шентоп мырза біздің елге келіп кеткеннен кейін біраз мәселенің әлі күнге дейін басы ашылмай қалып отыр. Қазірге дейін нұршылар мен гүленшілер сектасы туралы аз жазылған жоқ. Феткуллах Гүленнің жұмысына сараптама жасап қарасақ, оның жамағатындағы капиталдың жалпы көлемі 50 млрд доллардан асып кетеді екен. Бұл ақшаның бәрін олар заңды жолмен тауып отырған жоқ. «Нұршылардың» есірткі тасымалы мен қару- жарақ саудасы сияқты табысы көп кәсіпке де қатысы болуы мүмкін. Түрік баспасөзі осыған дейін олардың Түркиядағы бар капиталдың 30 пайызына («ислам капиталы») дейін иелік етіп отырғанын талай рет жазды. Мемлекет тарапынан қысым көргеннен кейін нұршылар астыртын әрекетке көшіп, спецслужбаға ұқсайтын арнаулы қызметті де құрыпты. Олар түркітілдес халықтар

  • Терроршыл Челахтың қайталанбауына кім кепіл?!

    2019 жылдың 8-21 қыркүйегінің аралығында, ресейлік Екатеринбург қаласында әуесқой бокстан кезекті әлем біріншілігі өтті. Мен осы жаһандық додаға журналис ретінде аккредитацияланған едім. Алты медаль жеңіп алған қазақ құрама командасы тағы да жер жүзіндегі жұдырықтасудың көшбасшысы екендігін дәлелдеді. Сатқын қазы-билердің зымияндығы болмаған жағдайда, Свердловск аймағы шаршы алаңындағы былғары қолғап шеберлеріміздің жетістіктері одан әрі ұлғая түсер еді. Дегенмен, 81 келіге дейін салмақ дәрежесіндегі жаңа әлем жеңімпазы, соққылары жойқын маңғыстаулық Бекзат Нұрдәулетовтың қарқынды өрлеуіне ешкім тұсау сала алмады. Әр қарсыласын есеңгіретіп жіберді жас чемпионымыз! Тіпті, аты аңызға айналған кубалық Олимпия жеңімпазы Хулио Ла Крустың өзі біздің боксшыдан ойсырата ұтылды. Бір қызығы, ширек финалындағы жеңісінен кейін Ла Крустың қолтаңбасын алдым және ақтық сындағы жеңісінен

  • Сібір жұрты немесе КӨШІМ хандығы құлағаннан кейін Батыс Сібір аймағында өзгеріске ұшыраған жер-сулардың байырғы атаулары.

    Шарлақ уезіндегі ел, жер, су атауларының шығу төркіні Қазіргі Солтүстік Қазақстан облысының Уәлиханов және Ақжар ауданының жері Совет үкіметі орнаған алғашқы жиырмасыншы жылдары Ақмола губерниясына қарасты Орехов ауданының негізінде құрылған Шарлақ уезінің қарамағына қарады. Оның құрамында он бес болыстық әкімшілік болды. Осы он бес болыстың ішінде Алабота, Қойтас, Қорған (кейіннен Қара Ой болысы атанды), Қызылағаш, Керей, Теке, Қарауыл (бұрынғы Николаев болысы) болыстарының негізгі бөлігі қазақтар болғандықтан көшпелі болыстар атанған еді. Бұл болыстар қазіргі көршілес Уәлиханов және Ақжар аудандарының аумағы. Қалғандары: Добровольская, Дробышев, Котельниково, Орехово, Покров, Русская Поляна, Степанов, Черноусов болыстары Омбы облысына берілді. Бұланбай ауылының тумасы Зейнолла Оспанұлын ауыл балалары «Зәкен әтәй» деп атайтын едік. Ел мен жердің тарихын, осыған

  • ДАУДЫҢ БАСЫ ДАЕШ-тен 2

    Eldes Orda Естеріңізде болса өткен жылдың қазан айында аталмыш тақырып аясында алғашқы постымды жариялаған едім. Одан бері бір жылдың көлемінде аймақтық стратегиялық саясатта көп өзгерістер түбегейлі орын алып жатыр… Сирия аумағындағы ДАЕШ-тің негізгі қарулы күштері дәл бүгінгі уақытта Ауғаныстан аймағына топталып болып қалды десек те болады. Сириядағы ДАЕШ күші соңғы кездері әлсіреді де, негізгі қарулы топтар Орталық Азияны бетке алып Ауған топырағына ағылып кете барды. ДАЕШ-тің Сирия аумағындағы осы бір өлара әлсіз тұсын жіті бақылап отырған Қазақстан “Жусан” жобасын ұйымдастыра қойды да өңірдегі қандастарымызды елге әкеліп алды. Бірақ, мынаны анық білуіміз керек, өңірдегі саяси ойын бұнымен біткен жоқ, өңірдегі саяси ойын енді басталуы бек мүмкін… 2017′ден бері Сирия аумағынан және

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: