|  |  | 

Жаңалықтар Шоу-бизнис

«200 мың теңге төленеді»: Қазақстанда короновирусқа қарсы өмірін сақтандыратындар саны артқан

WhatsApp Image 2021-11-08 at 10.22.58

Елімізде коронавирусқа қарсы өмірін сақтандыратын тұрғындар саны артқан. Вирусқа қарсы сақтандырудың құны 5-8 мың теңге аралығында. Ал адам коронавируспен ауыра қалған жағдайда оған 200 мың теңгеге дейін өтемақы төленеді, деп хабарлайды kerey.kz порталының тілшісі. Жеке бастарының қауіпсіздігіне жете мән беріп, өмірлерін сақтандыру жағынан Түркістан облысының тұрғындары көш басында. Одан кейінгі орындарда Алматы қаласы мен Маңғыстау облысының тұрғындары тұр.

«Біз компания сайтында 5 минут ішінде онлайн сатып алуға болатын «COVID-19» және «Life-Персона» өмірді сақтандыру бойынша өнімдерді ұсынып келеміз. «Life-Персона» сақтандыру бағдарламасының негізгі артықшылығы сақтандыру мерзімі аяқталғаннан кейін қандай жағдай болмасын клиенттің сақтандыру жарналары қайтарылады. Коронавирустан сақтандырудың құны 5 мыңнан 8 400 теңге аралығында. Он мың теңгеге де жетпейді. Онлайн түрде бір мыңнан астам адам 16 миллион теңгеге өмірлерін коронавирусқа қарсы сақтандырған. Олардың арасында вируспен ауырып қалған жүзге жуық адам сақтандыру полистері арқылы ақша алды. Оңтүстік өңірде айлығынан ай сайын 5 мың теңгеден болса бөліп, өмірлерін сақтандырып жатқан адамдар көп. Одан кейінгі орында Алматы қаласы мен Маңғыстау облысының тұрғындары тұр. Аталған өңірлердегі адамдардың жеке басын, отбасын, жалпы сақтандырудың пайдасы туралы білетін мәліметтері жоғары. Олардың арасында дәрігерлер мен мұғалімдердің үлесі басым», – деді «Халық-Life» АҚ Басқарма Төрайымы Жанар Жұбаниязова.

Өмірді сақтандырудың барлық түрін алғанда капитал көрсеткіші де өскен. «Халық-Life» АҚ басшыларының сөзінше, биылғы жылдың 9 айында сыйлық сыйақылардың жиынтық көлемі 92,8 млрд теңгеге жеткен. Бұл көрсеткіш өткен жылмен салыстырғанда 88% – ға жоғары. Сәйкесінше клиенттерге сақтандыру төлемдері де өскен. Өмірлетін сақтандырған адамдарға соңғы 9 айдың ішінде 8,2 млрд теңгеден астам төлем жүргізілген. Компания Қазақстан көлемінде өмірді сақтандыру нарығының бүкіл тарихында алғаш рет жыл басынан бері 100 млрд теңге көлемінде сақтандыру сыйлықақыларының рекордтық көлемін жинаған.WhatsApp Image 2021-11-08 at 10.22.58 (1)

«Компания оң даму динамикасын, сенімділігі мен қаржылық тұрақтылығын, сондай-ақ ұсынылатын сақтандыру өнімдеріне қажеттілікті айқындады. Пандемия ел тұрғындарына шұғыл жағдайлар туындаған жағдайда сақтандыру арқылы қорғаныс түріндегі «қауіпсіздік көпшігінің» маңыздылығын көрсетті. Ұсынылған өнімдер қаржылық қорғанысты қамтамасыз етуге және болашаққа сенімділік береді, ал шарт мерзімі аяқталған сәтте біздің клиенттеріміз үшін қаржылық жинақтардың қалыптасуына кепілдік береді. Тәжірибе көрсеткендей, ұсынылған ыңғайлы сервистер мен бағдарламалардың арқасында клиенттер меншікті капиталды көбейтуге, баланың білім алуына немесе өз балаларының жинақтарын мұраға қалдыру үшін негіз жасауға бағыттайды. Компанияның нарықтағы үлесі 33,6% – ды құрады. Жинақтаудың түрлері девальвация тәуекелдерінен және валюта бағамының ауытқуынан да сенімді қорғалған», – деді Басқарма Төрайымы Жанар Жұбаниязова.
Ал шағын кәсіпкерлік субъектілеріне ыңғайлы болу үшін «Халық-Life» компаниясы қызметкердің еңбек міндеттерін атқарған кезде оны жазатайым оқиғадан міндетті сақтандыру шарттарын жасасу мақсатында онлайн сервисті іске қосты. Енді қызметкерлерінің саны аз жеке кәсіпкерлер мен заңды тұлғалар да бір-екі қимылмен, офистен шықпай-ақ өз қызметкерлерін жедел сақтандыра алады.
Сондай-ақ осы жылдың басында Халык-Life клиенттерге барынша ыңғайлылықты қамтамасыз ету үшін нарықта бірінші болып IOS және Android негізіндегі мобильді қосымшаны шығарды. Бірегей мобильдік сервистің арқасында компанияның клиенттері әлемнің кез келген нүктесінен 24/7 режимінде өз сақтандыру шарттарының жағдайын қадағалап, жарналарды төлей алады, компания қызметі туралы жаңалықтар алып, басқа да қызметтерді орындай алады.

«Біз сақтандыру сервисін жетілдіру және әлеуетті клиенттерімізге барынша қолайлы жағдай жасау үшін ұсынылатын қызметтердің түрін кеңейту бойынша жұмысты жалғастырудамыз. Енді жұмыс берушілерге компания менеджеріне қоңырау шалудың, жалпы күту үшін уақыт жұмсаудың және қызметкер еңбек (қызметтік) міндеттерін атқарған кезде оны жазатайым оқиғалардан міндетті сақтандыру (ЖОМС) бойынша шарт жасасу үшін кеңсеге келудің қажеті жоқ. Оларға электронды сандық қолтаңбаның болуы (ЭСҚ) және бірнеше минут ішінде компанияның сайты арқылы барлық қажетті қадамдардан өтудің өзі жеткілікті. Біз бұл қызметті шағын бизнес басшылары арасында жоғары сұранысқа ие болады деп үміттенеміз», – деді Басқарма төрағасының орынбасары А. Жексембаев.

Related Articles

  • Өткенде Форбсқа кіргісі келіп еді, енді біреу шыққысы келіп жүр..

    Өткенде Форбсқа кіргісі келіп еді, енді біреу шыққысы келіп жүр.. Шынымен, кеше Президентпен кезектен тыс “кездесу” өтті, дәлірек айтқанда жаңа форматтағы ДИАЛОГ және керемет! Шикізат бизнесімен айналыспайтын және құбырға, субсидияға отырмайтын біз үшін кездесу ұнады, атап айтқанда мынадай тармақтар: – Бизнеске сәйкес саяси реформалар бағдарламасы – Мемлекеттік. сектор экономиканың бір бөлігі ғана, мемлекеттің экономикаға қатысуы төмендеуі болады – Елдің дамуы бизнеске байланысты – Салықтың адалдығы, (айтпақшы, бұл бизнестің патриотизмі, бұл туралы кейінірек жазамын) – Білім беру реформасы және жас техниктер – Реформа дегеніміз – алып кету емес, бизнес пен елді бірге дамыту. Қайталап айтамын – БІРГЕ ! (Елбасы сөзі) – Отандық кәсіпкерлер кеңесі. – Ақырында, «кедергі» бизнесті мемлекетке қарсы қылмыс

  • Ту ұстаған қазақ тірі

    Кең тараған суреттің кейіпкері Берік Әбішев қазір Алматыда ауруханада жатыр. 6 қаңтар күні ағасы звандаған кезде, Беріктің телефонын бөтен біреу көтеріп, “Мен оны атып тастадым!” деген. Бауырлары бірнеше күн іздеп, 8 қаңтар күні 12-ауруханада операциядан кейін ес-түссіз жатқан жерінен тауыпты. Содан бері ағасы Ерик Әбішев оның жанында. Есін жиған соң полиция алып кете ме деп қорқады және жұртшылықтан қолдау күтеді. Суретте ту ұстап жүрген Берік екеніне сол кезде жанында болған адамдар куә дейді ол. Ары қарай Еріктің телефон арқылы айтқан әңгімесі. “Мені, әпкемді танып отыр. Бірақ кеше досы келіп еді, оны танымады. Ештеңе есінде жоқ. Құлағы дұрыс естімей қалған. Сүйемелдеумен ақырын жүреді, тамақ ішеді. Дәрігерлер Берікке оқ емес, жарықшақ тиген,

  • Тек ҰҚК қызметіне ғана тиесілі ПП пулемет-тапаншалары лаңкестерде қайдан жүр?

    «Әскерилердің жоспарын қасақана бұзған басшы кім?»: подполковник Алматыдағы бүлікке қатысты өз нұсқасын айтты «Ұлттық гвардия ҰҚШҰ (ОДКБ) күштеріне жүгінбей-ақ өз бетінше террористерді жеңе алатын ба еді, деген «Караван» басылымының сауалына Ұлттық гвардия командирінің техника және қару-жарақ жөніндегі бұрынғы орынбасары, ҚР Ішкі істер министрлігі Ішкі әскерлері Әскери институтының аға оқытушысы, подполковник Ермек ТҮСІПЖАНОВ жауап берді. – Бүгін лаңкестер мен тонаушылардан әскери қарулар тәркіленді деген ақпаратқа тап болдым. Бір көргеннен-ақ бұл қаруды әдетте ҰҚК арнайы қызметінің жауынгерлері қолданатынын анықтадым: ПП (автомат-тапанша). Тоналған қару-жарақ қоймаларында мұндай қарулардың ешқайсысының жоқ екені анық. Ішкі әскерлерде, яғни ұлттық гвардия әскерлерінде жүргізушілер, кинологтар сияқты кіші мамандар толығымен АКСУ-мен қаруланған. Ешкімде ПП автоматы жоқ. Мұндай автоматтар тек ҰҚК арнайы жасақтарына

  • Тоқаев қорғаныс министрін ауыстырды

    Ақорда. Президент Қасым-Жомарт Тоқаев Руслан Жақсылықовты қорғаныс министрі етіп тағайындады. Арнайы жарлық сәрсенбі күні Ақорда сайтында жарияланды. Бұған дейін Жақсылықов ішкі істер министрінің орынбасары – Ұлттық ұланның бас қолбасшысы қызметін атқарған. Оның орнына Еркін Ботақанов тағайындалды. 2021 жылы тамызда Жамбылдағы әскери қоймадағы жарылыстан кейін қорғаныс министрі болып тағайындалған Мұрат Бектанов қызметінен босатылған. Оның қандай қызметке тағайындалатыны әзірге айтылмайды. Сонымен қатар Билік ҰҚШҰ әскері ел аумағынан толық әкетілгенін хабарлады Қаңтар оқиғасына байланысты елге енгізілген Ұжымдық қауіпсіздік шарты ұйымының әскері Қазақстан аумағынан толық әкетілді. Қорғаныс министрлігінің халықаралық ынтымақтастық департаментінің бастығы Олжас Құсайынов сәрсенбі күнгі брифинг кезінде осылай деп мәлімдеді. – Қазақстан Республикасының аумағында шет мемлекеттердің әскери қызметшілері жоқ, – деді департамент жетекшісі.

  • Әбіләзов елге келіп, Уақытша үкімет тізгінін ұстайтынын айтты

    ПАРИЖ. 17 қаңтар. Францияда тұрып жатқан қазақстандық қашқын банкир Мұхтар Әбіләзов Қазақстанға оралып, Уақытша үкіметті басқаратынын мәлімдеді. Бұл туралы РИА «Новости» хабарлады. Қазақстандық оппозиционер өзінің премьер-министр болғысы келетінін айтып, Батыстан осыған көмектесуді сұрау ниеті бар екені жеткізді. Оның айтуынша, француз президенті Эммануэль Макронға бұл жайында білдірген. «Біз билікті ауыстырудың жоспарын жасап қойдық, біз режимнің кетуіне қол жеткіземіз. Мен Қазақстанға ұшып келіп, жарты жылдай Уақытша үкіметті басқаратын боламын. Содан кейін сайлау жарияланады. Егер онда біздің партия жеңіп шығатын болса, мен ашық түрде премьер-министр боламын. Президенттің лауазымы болмайды. Біз бұл лауазымды жоямыз», – деді Мұхтар Әбіләзов. Бұрынғы банкир сондай-ақ 2004 жылы бизнестегі әріптесі Ержан Тәтішевтің қазасы үшін Қазақстанда сырттай өмір бойы түрмеде

Пікір қалдыру

Электорнды поштаңыз сыртқа жарияланбайды. Белгі қойылған өрісті толтыру міндетті *

Аты-жөні *

Email *

Сайты

Kerey.kz/Керей.кз

Біз туралы:

Тел: +7 7071039161
Email: kerey.qazaq@gmail.com

Kerey.kz тің бұрынғы нұсқасын http://old.kerey.kz тен оқи аласыздар!

KEREY.KZ

Сайт материалдарын пайдаланғанда дереккөзге сілтеме көрсету міндетті. Авторлар пікірі мен редакция көзқарасы сәйкес келе бермеуі мүмкін. Жарнама мен хабарландырулардың мазмұнына жарнама беруші жауапты.

Сайт санағы: