Almatıda 10 jastağı qızğa tiisken pedofil wstaldı
Almatı policiyası 10 jastağı qızğa tiisken pedofildi wstadı, – dep habarlaydı Tengrinews.kz tilşisi qalalıq İİD baspasöz qızmetiniñ basşısı Saltanat Äzirbekke silteme jasap. Wstalğan azamat 1963 jılı tuılğan Almatı twrğını bolıp şıqtı.
Eske sala keteyik, bwğan deyin Internette qız balağa er adamnıñ tiiskeni beynelengen video payda bolğan edi. Pedofildiñ barlıq äreketi üydiñ kireberisindegi videokamerağa jazılıp qalğan.
Bwdan soñ Almatı policiyası qılmıskerge izdeu jariyaladı. “16 mamırda Bostandıq audandıq İİB kezekşi bölimine äyel adam arızdanğan, ol öziniñ 10 jastağı qızına zorlau äreketi jasalğanın aytqan. Oqiğa 12 mamırda sağat 12.00 şamasında Bostandıq audanındağı üydiñ kireberisinde bolıptı. Küdikti er adamnıñ jası 45-50 şamasında, bet älpeti europalıq sipatta, orta deneli. Küdiktiniñ kim ekenin anıqtau jwmıstarına Bostandıq audandıq jäne qalalıq kriminaldıq policiya basqarmasınıñ jeke qwramı tolıqtay jwmıldırıldı”, – dedi Almatı qalalıq İİD resmi ökili Saltanat Äzirbek.
Pikir qaldıru