جاقىندا ماقپال ءجۇنىسوۆانىڭ قىزى اناسىن تىڭدارماندارىنان قىزعانىپ، ينستاپاراقشاسىن جويىپ تاستاعان بولاتىن. ءبىر جىلعا جۋىق ۋاقىت الەۋمەتتىك الەمنىڭ ينستاگرام اۋىلىنا تۇراقتاعان ءانشى ، قىزىنىڭ بۇل قىلىعىنا قينالماعانىن ايتتى. وعان قوسا ءوزى دە عالامتور مەن الەۋمەتتىك جەلىلەرگە اسا قىزىعۋشىلىق تانىتپايتىنىن جەتكىزدى.

قازاق ءان ونەرىنىڭ ساندۋعاشى ماقپال حانىم «قازاقتىڭ ەركە قىزىمىن» دەپ اندەتكەنىمەن، وتباسىندا قاتال انا ەكەنىن جاسىرمايدى. التىنشىنى اياقتاعان اياۋلى قىزى مەرەيدىڭ تەنتەكتىك جاساۋىنا جول بەرمەيمىن، «ءتارتىبىم قاتتى!» دەيدى ءانشى..

مەرەي زامانبەكقىزىنىڭ العا قويعان ماقساتتارىنىڭ ءبىرى — اعىلشىن ءتىلىن جەتىك مەڭگەرۋ ەكەن. شەتەل ءتىلىن تەز ۇيرەنۋ ءۇشىن ول وسى جازدا امەريكاعا  بارعالى وتىر. ارينە جالعىز ەمەس، اناسى ول جاقتا دا «ءاربىر باسقان قادامىن باقىلاپ وتىرامىن» دەيدى. ينستاپاراقشاسىنان ايىرىلعان  ماقپال ءجۇنىسوۆا، قىزىنىڭ الەۋمەتتىك الەمدى شارلاۋىنا كەدەرگى كەلتىرمەيدى. بىراق، بۇل جاعدايدا دا قالىپتاسقان قاعيدا بىرەۋ! اناسىنىڭ باقىلاۋى.

«بالانى جاستان» دەيدى دانا حالقىمىز. بالاعا قاتالدىق تانىتقانمەن، ءبىر ءسات مەيىرىمگە بولەۋدى دە ۇمىتپاعايسىزدار!