Жаңалықтар Руханият Қазақ хандығына 550 жыл Әдеби әлем

ЗУҚА БАТЫРДЫҢ 150 ЖЫЛДЫҚ МЕРЕЙТОЙЫНА АРНАЛҒАН ОБЛЫСТЫҚ  АҚЫНДАР  АЙТЫСЫ ӨТЕДІ

kerey.kz

 |  Apr 2, 2016

Зуқа батыр- 1866 жылы қазіргі Шығыс Қазақстан облысының Зайсан ауданында дүниеге келген. Зуқаның әкесі шығыс өңіріне аса танымал болған Сәбит дамолла. Арғы атасы Нұрмұхаммед абыз. Текті әулеттен шыққан батыр бабамыз, орыс отаршылдығы мен гоминдаң қытай езгісіне тап болған қазақ халқын азат ету жолында қаза табады. Биыл батыр бабамыздың туғанына 150 жыл толды.

Еске алу шаралары Қазақстан,Германия, Австрия, Англия, Америка, Түркия, Қытай, Моңғылия сынды 11 елде жүргізіледі.

Алматы облысы мәдениет  мұрағаттар және құжаттама  Басқармасы мен Алматы облысы  жастар саясаты мәселелері   басқармасы      

«ТҰҒЫРЫ БИІК МӘҢГІЛІК ЕЛ» АТТЫ

ТӘУЕЛСІЗДІКТІҢ  25 ЖЫЛДЫҒЫН АТАП ӨТУ ЖӘНЕ

ЗУҚА БАТЫРДЫҢ 150 ЖЫЛДЫҚ МЕРЕЙТОЙЫНА АРНАЛҒАН

 ОБЛЫСТЫҚ АҚЫНДАР АЙТЫСЫНЫҢ

ЕРЕЖЕСІ

АЙТЫСТЫҢ НЕГІЗГІ МАҚСАТЫ

Ұлттық өнердің аясын кеңейту, талант иелерін іздеп табу, ақындық өнерге баули отыра, ғасырлар бойы бабалар арманымен, ерлік істерімен, тәуелсіздік жылдарында қол жеткізген құндылықтарды дәріптеп, мемлекеттілікті нығайтып, жас ұрпақты Отан сүйгіштікке, ұлтжандылыққа тәрбиелей отыра, елдегі халықтар достығын, береке-бірлікті және саяси тұрақтылықты дәріптеу, еліміздің әлем алдындағы абырой-беделін асқақтата көрсету. Ел Тәуелсіздігін жалынды жырлар, терең теңеулер, әсем әуендер арқылы жан-жақты жырлау. Зуқа бабамыздың рухын қастерлеп, төл өнердің мәңгілік ғұмыры жайлы дәстүр жалғасын сақтай отырып, ұрпақтан-ұрпаққа кеңінен насихаттау.

ҰЙЫМДАСТЫРУШЫЛАР 

Алматы облысының жастар саясаты мәселелері басқармасы, Алматы облысы мәдениет, мұрағаттар және құжаттама басқармасы, «Зуқа батыр» қоғамдық қоры облыстық жастар ресурстық орталығы, «Жасыл ел» жастар еңбек жасақтарының  Республикалық штабы Алматы облыстық филиалы, «Алаш Ұланы» жастар қоғамдық бірлестігі.

ТӨМЕНДЕГІ ЖАЙЛАР БАСТЫ НАЗАРДА БОЛАДЫ

- айтыскер ақынның қолма-қол, суырып – салма төкпелігімен бірге айтатын

жырын домбыраға қосып лайықты әуен,  мақал, сөзбен орындалуы;

- айтыскердің жан-жақты білімділігі, ой мен қиял ұшқырлығы, көркем теңеу мен

астарлы сөздерді орынды қолдану, тақырыпты аша білуі;

- айтыс сарының, мақсатын ұғына отырып, қарсыласына ұтымды да орынды

жауап қайтару, тойтарыс беру қабілеті;

- орындаушылық шеберлігі, айтар ойын түйіндеуі сахналық мәдениеті және киім

үлгісі.

АЙТЫСТЫ ӨТКІЗУДІҢ ТӘРТІБІ ЖӘНЕ ШАРТТАРЫ

- облыстық ақындар айтысына қатысатын үміткерлердің жасы 14 пен 29 аралығындағы

жастар қатыса алады;

- өтінімдер 15 сәуірге дейін 8 (7282) 30-55-65, 30-56-42 телефондарына факс арқылы

жіберулеріңіз тиіс.

- айтысқа әр ауданнан 1 үміткерден қатысады;

- айтысқа халқымыздың тілін, дәстүрін, тарихын және әдебиетін терең білетін суырып

салма жас ақындар қатысады;

- айтыста елдің бірлігіне, ұлтаралық татулыққа нұқсан келтіретін, Конституциялық

құрылымға қарсы айтылатын сөздерге жол берілмейді;

- осы қағиданың жоғарыда көрсетілген әрекетке жол берілген жағдайда ақын айтыстан

шеттетіледі;

- ақындар қазылар алқасының шешіміне және осы қағиданың талаптарына бағынуы

тиіс;

- айтысқа қатысу үшін аудан, қалаларының мәдениет бөлім басшыларының, қоғамдық

бірлестіктердің және басқа да заңды тұлғалардың ұсынысы болуы қажет;

- айтысқа қатысушы ақындар ұйымдастыру комитетіне өтініш береді. Өтінішке

мынадай құжаттарды қоса ұсынылады:

•  Өмірбаяны туралы мағлұматтар.
•  Туған жері, күні, айы, жылы, ұлты.
•  Жұмыс немесе оқу орнынан анықтама.
•  Туу туралы немесе жеке куәлік көшірмесі.
•  Басқа айтыстарда жеткен жетістіктерін куәландыратын құжат (диплом және                       марапаттау  қағаздары)
•  Тиісті мекеменің ұсыныс хаты.
•  Байланыс телефондары.

- ақындар жеребе тарту әдісі арқылы жұптарға бөлініп айтысады;

- ақындардың сөз сайыстыру (айтысу) уақытының ұзақтығын қазылар алқасы

белгілейді;

- жеңімпаздар мынадай Бас жүлде, І, ІІ, ІІІ орындар бойынша марапатталады:

•  Бас жүлде – 1/біреу/ 
•  І орын  – 1/біреу/
•  ІІ орын – 1 /біреу/
•  ІІІ орын – 1 /біреу/

- жеңімпаздарға басқа да ынталандыру сыйлықтар және алғыс хаттармен

марапатталады;

- ақындардың айтысқа барып-қайту жол шығындарын жіберу жақ тарапынан.  

АЙТЫС КЕЛЕСІДЕЙ БОЙЫНША БАҒАЛАНАДЫ

• орындаушылық шеберлігі (орындаушының дербестігі);
• сапалық деңгейі;
• сахна мәдениеті;
• әдеби тіл байлығы;
• тақырыпты дұрыс аша білуі;
• қарсыласқа жауап беру шеберлігі;
• дәстүрлі айтыс мақамын үйлестіре қолдана білу;
• қазіргі таңдағы өзекті мәселелерді көтере білу;
• тақырыптан ауытқымай, ұйқастыра жеткізу.

АЙТЫСТЫҢ ӨТКІЗІЛУ ТӘРТІБІ

Айтыс үш айналым бойынша өткізіледі:

• бірінші айналымда іріктеу, әр жұпқа 2 минут уақыт беріледі.
• екінші айналымда – 3 минуттан уақыт бөлінеді.
• екінші айналымнан кейін мәреге шыққан 2 жұп 6 минуттан айтысып,

  жүлдегерлер анықталады. 

ӨТКІЗІЛУ ОРНЫ МЕН МЕРЗІМІ 

     Байқау Талдықорған қаласы, І.Жансүгіров атындағы мәдениет сарайында            2016 жылғы 24 сәуір  күні сағат 14.00-де өткізіледі. Тіркеу сағат 09.10. Тіркеуге қатыспаған қатысушылар айтысқа жіберілмейді.

Ескерту:

2016 жылдың 13 сәуір күні, сағат 14.00-де Талдықорған қаласы, І. Жансүгіров атындағы Жетісу мемлекеттік университетінің акт залында іріктеу өтеді. Іріктеуден өткен ақындар сайысқа жолдама алады. 

Директор                                                        А.Нұрмұхамбетов

kerey.kz