Футболдан Қазақстан құрамасы жолдастық кездесуде Қытай құрамасын жеңді. 

Матчтың бірінші таймында есеп ашылған жоқ. Алайда бірінші тайм аяқталар сәтте Ұлан Қонысбаев қытайлық футболшылардың бірімен допқа таласуда аяғын сындырып, алды. «Атырау» футболшысын алаңнан ауруханаға алып кетті.

Екінші таймда Қонысбаевтың орнына Сүйімбаев шықты. Ал матчтың 69 минутта Азат Нұрғалиев Қытай қақпасынан саңылау тауып, есепте құраманы алға шығарды. 83 минутта Елдос Ахметов екінші ескертуін алып, алаңнан қуылды. Соңғы жеті минутта ұлттық құрама ойыншылары тек қорғанысқа көңіл бөліп, таблодағы есепті сақтап қалды.

Талғат Байсуфинов баптап жүрген Қазақстан құрамасы төрт матчта қатарынан жеңілген жоқ. Осыған дейін біздің футболшылар Латвияны, Әзербайжанды жеңген және Грузиямен тең ойнаған.

Қытай — Қазақстан 0:1 (0:0)
Гол: Нұрғалиев 69 (0:1)
Ескертулер: Жэнь Хан 44, Рон Хао 70 — Байжанов 53, Логвиненко 61, Ахметов 74, Сүйімбаев 90
Алаңнан қуылды: Ахметов 83
Қытай: Ван Далэй, Жэнь Хан, Фэн Сяотин, Чжан Линьпэн, Чжао Цзянь, У Си, Хао Цзюньминь, Рон Хао, У Лэй, Ли Сюпен, Ян Сюй
Қазақстан: Лория, Шомко, Логвиненко, Малый, Ахметов, Смаков (Тагыберген 89), Байжанов (Мухудинов 67), Қонысбаев (Сүйімбаева 46), Нөсербаев (Муртазаев 76), Мужиков (Досмагамбетов 90), Хижниченко (Нұрғалиев 60)
7 маусым. Далянь.

Футболдан Қазақстан ұлттық құрамасының ойыншысы Ұлан Қонысбаев Қытаймен өткен матчтың бірінші таймында аяғын сындырып алған.

«Атырау» ойыншысы енді кем дегенде үш айдай алаңға шыға алмайды. Қонысбаев Қытай мен Қазақстан матчының 45 минутында қытайлық Жэнь Ханмен соқтығысып қалған. Қытай футболшысы матчтан кейін Қонысбаевтан кешірім сұрады.

alaman.kz