ОСПАН деген – ордалы елдің қолға ұстаған қынабы жоқ қылышы, Ол иілсе ел сынады, шайқалады ырысы.
«Жауап бер» – деп қолындағы тапаншасын шошаңдатты сұс көрсетіп батылды. Сосын тағы ескертті оған: «Егер бізге өз еркіңмен басыңды иіп қызмет етсең және ерлік көрсетсең, Үлкен сыйлық беріледі, қолбасшы боп сайланасың. Бұл әрине саған берген зор мүмкіндік ақырғы. Қазір маған жауабыңды айт ой жібермей басқаға, Сөзің маған ұнар болсын, онда қыста көк балдырған гүл егесің тасқа да. Егер сөзің ұнамаса және менің айтқаныма көнбей жатсаң осы алаңда, осы халық алдында, Ертең түсте атыласың. Ал кәнеки сөйле» – деді, мұртын сипап кеуде керіп мастана Сонда ғана батыр Оспан орынынан көтерілді маңғаздана көз жіберіп алысқа, Ашу, ызы және мысқыл тебіндеген өң келбеті бекінгендей ұзақ ұлы жарысқа. Алаң толы көп қалайық тым тырыс
