Ресейлік Ту-154 ұшағының сынықтары Қара теңізде табылған
Ту-154 ұшағы апақа ұшыраған теңіз аймағының картасы. Ресей қорғаныс министрлігінің Ту-154 ұшағы Сочи қаласына жақын Қара теңіз жағалауы маңында апатқа ұшыраған деп хабарлады “Интерфакс” агенттігі төтенше қызметтегі дереккөзіне сілтеме жасап. Ұшақтың сынықтары жағалаудан 1,5 шақырымдай қашықтықта теңізден табылған деп хабарлады ТАСС агенттігі. Бүгін таңертең Сочи аэродромынан Мәскеу уақытымен сағат 05.20-да ұшып шыққан 8 экипаж мүшесі мен 83 жолаушысы бар ұшақ әуеге көтерілген соң көп ұзамай радардан жоғалып кеткен. Жолаушылар арасында ресейлік әсери қызметкерлер, Сирия жеріндегі “Хмеймим” әуе базасындағы Ресей әуе-ғарыш күштері тобын жаңа жыл мерекесімен құттықтауға бара жатқан Александров атындағы әскери ансамбль мүшелері және ресейлік тоғыз журналист болған. Алдын ала болжам бойынша, ұшақ апатына техникалық ақау себеп болған. Азат Еуропа
