بيلىكتەگى بيزنەسمەن ادىلبەك جاقسىبەكوۆ
اسىلحان ماماشۇلى ادىلبەك جاقسىبەكوۆتىڭ قورعانىس ءمينيسترى كەزىندە ەقىۇ فورۋمىندا سويلەپ وتىرعان ءساتى. ۆەنا، 7 قىركۇيەك 2011 جىل. ادىلبەك جاقسىبەكوۆتى «پرەزيدەنتتىڭ كولەڭكەسى» دەپ سىناۋشىلار دا، «جەمقورلىقپەن تانىلماعان، ساياسي جۇيەگە ىشكى نارازىلىعى بار، قازىرگى ساياسي ويىنعا بەيىمدەلگەن ادام» دەپ ماقتاۋشىلار دا بار. قازاقستان پرەزيدەنتى اكىمشىلىگىنىڭ جەتەكشىسى ادىلبەك جاقسىبەكوۆ بۇگىن – شىلدەنىڭ 26-سى كۇنى زەينەت جاسىنا جەتىپ، 63-كە تولدى. بۇدان ءبىر اپتا بۇرىن پرەزيدەنت نۇرسۇلتان نازارباەۆ وعان تاعى دا بەس جىل مەملەكەتتىك قىزمەت اتقارۋعا رۇقسات بەرىپ، وكىلەتىن 2022 جىلدىڭ 26 شىلدەسىنە دەيىن ۇزارتقان. «ەسكى گۆارديا وكىلى» بۇرىنعى كينەماتوگراف ءارى بيزنەسمەن جاقسىبەكوۆتىڭ نازارباەۆتىڭ اينالاسىندا جۇرگەنىنە 20 جىلدان استى. ساياسي ساراپشىلار ونى پرەزيدەنت اينالاسىنداعى «ەسكى گۆارديا» قاتارىنا قوسادى. 1995 جىلى ءابىش كەكىلباەۆ جەتەكشىلىك ەتەتىن جوعارعى
