سپورت شوۋ-بيزنيس الەۋمەت

جاناشىر ازامات مولديار نۇرباەۆ مامانيا مەكتەبىن قايتا جاڭالادى

kerey.kz

 |  Sep 11, 2019

ەلىمىزدىڭ ءار ايماعىنداعى اۋىلداردا توزىعى جەتىپ قاڭىراپ قالعان نىساندار جەتەرلىك. سودان با كەزىندە تىرشىلىكتىڭ قىز-قىز قايناعان ورداسىنا اينالعان ولكەلەر بۇل كۇندە سۇرقاي تارتىپ، سۋىقتانىپ بارا جاتىر. ارينە، ونى قايتا ءتىرىلتۋ، ءوڭى قاشقان ولكەنىڭ شىرايىن كىرگىزۋ – ءبىز بەن ءسىزدىڭ، ەل ازاماتتارىنىڭ مىندەتى. «ەلىم ماعان نە بەرەدى ەمەس، مەن ەلىمە نە بەرەمىن» دە­­گەن ۇستانىم، وسى جولى دا ال­دان شىعادى. مەملەكەت قام­­قورلىعى جەتپەي جاتقان شال­عاي اۋىلدارعا سول جەردەن شىق­قان، بۇگىندە كاسىبى مەن ءناسىبى تاسىعان ازاماتتار كو­مەك قولىن سوزىپ جاتسا، بۇل ءال­بەتتە، قۇپتارلىق ءىس.

ەلباسى «بولاشاققا باعدار: رۋحاني جاڭعىرۋ» باعدارلاماسىندا «قازاق «تۋعان جەرگە تۋىڭدى تىك» دەپ بەكەر ايتپاعان. پات­ريو­تيزم كىندىك قانىڭ تامعان جەرىڭە، وسكەن اۋىلىڭا، قالاڭ مەن وڭىرىڭە، ياعني تۋعان جەرىڭە دەگەن سۇيىسپەنشىلىكتەن باستا­لا­دى. سول سەبەپتى، مەن «تۋعان جەر» باعدارلاماسىن قولعا الۋدى ۇسىنامىن» دەگەن ەدى. ەلباسىنىڭ وسىناۋ ۇسىنىسىن تۋ ەتكەن كاسىپكەر مولديار نۇر­باەۆ اقسۋ اۋدانى اقسۋ اۋى­لىنداعى 55 جىلدان بەرى جوندەۋ كورمەگەن مەكتەپتى كۇردەلى جوندەۋدەن وتكىزىپ بەردى. ءارى قاراي مەكتەپ جانىنان سپورت كەشەنىن سالۋ دا جوسپارىندا بار. وقۋشىلار دا بيىل جاڭا وقۋ جىلىن ازىپ-توزعان ەسكى عي­ما­راتتا ەمەس، ەڭسەسى بيىك جا­ڭا مەكتەپتە قارسى الىپ جا­دى­راپ قالدى. – وسى جەردە تۋىپ-ءوستىم. اتا-بابالارىم دا وسىندا جەر­لەن­گەن. ءوزىم وسى مەكتەپتە وقىپ، 1967 جىلى ءبىتىرىپ شىق­تىم. ءبىزدىڭ كەزدە مىڭعا جۋىق بالا وقيتىن. كەيىن ۋا­قىت وتە كەلە اۋىلدان ادام­دار كوشىپ، جاعداي ءتىپتى ءمۇش­­­كىلدەنگەن. بىردە اۋدان اكى­­مى­مەن سويلەسىپ قالىپ، مەك­­تەپ جاعدايىنىڭ ناشار ەكە­­نىن ەستىدىم. سودان ويلانا كەلە تۋعان اۋىلىما، ءوزىمىز وقى­عان مەكتەپكە از دا بولسا كو­مەك بەرەيىك دەگەن بايلامعا كەل­دىك. ەڭ ءبىرىنشى بالالارعا جاع­داي جاسالۋى كەرەك. ولار­عا كومەكتەسۋ، سولاردىڭ كەلە­شە­گى ءۇشىن قىزمەت ەتۋ – ءبىزدىڭ ازاماتتىق مىندەت. جولدىڭ ناشارلىعىنا قاراماي، قۇ­رى­­­لىس ماتەريالدارىن الما­تى­دان تاسىدىق. جالپى ال­عان­دا، مەكتەپتىڭ قاسبەتى تو­لىق ءوز­گەرىپ، شاتىرى، ەدەنى، تەرە­زە­لەرى، جىلۋ قۇبىرلارى تۇگەل­دەي جاڭارتىلدى. مۇندا ءشۇ­كىر، اۋىزسۋ بار. بىراق اۋىزسۋ ماسە­لەسى قيىنداۋ ەكەن. سونى دا رەتتەستىرىپ، سۋ تارتتىق. اتقا­رى­لاتىن شارۋا ءالى دە كوپ، – دەيدى مولديار قىلشىقۇلى. كاسىپكەر مەكتەپكە ارناپ جاڭا كولىك تە ساتىپ الىپ بە­رىپ­تى. ودان بولەك وقۋشىلارعا ون كومپيۋتەر، ينتەراكتيۆتى تاق­تا، ءتۇرلى وقۋ قۇرالدارى دا سىيعا تارتىلعان. مۇنداي سىي-سياپاتتان ۇستازدار دا كەن­دە قالعان جوق. ولارعا دا ءبىر­­نەشە نوۋتبۋك بەرىلىپ، اكىم­شى­لىك كابينەتتەرى زامانعا ساي جاساقتالدى. – ءتورت بالام دا وسى مامانيا مەكتەبىندە وقيدى. ۇلكەن ەكى با­لام وقۋشى بولسا، كىشىلەرى با­لاباقشاعا بارىپ ءجۇر. مەك­تەپ سۋىق بولعاندىقتان با­لا­لاردىڭ دەنساۋلىعىن وي­لاپ ساباققا ءجيى جىبەرمەي قا­لاتىنبىز. مەن عانا ەمەس، كوبى سولاي ىستەيتىن. ساباققا بارا قالسا، كيىمدەرىن شەشپەي، باسكيىمدەرىن كيىپ وتىراتىن. جاڭبىر جاۋسا، توبەدەن سۋ اعا ما دەپ قورقاتىن ەدىك. قازىر سونىڭ بارىنەن ادا بولدىق. اعامىز مەكتەپتى تولىقتاي جاڭالاپ، بالالاردىڭ ەش الاڭسىز ءبىلىم الۋىنا جاعداي جاساپ وتىر. العىسىمىز زور، – دەيدى اتا-انا اراي سەرىكقىزى. اۋدان باسشىلىعىنىڭ اي­­تۋىنشا، تۋعان جەرىنە كە­لىپ ءدال مۇنداي جاقسىلىق جا­­ساۋ – ۇلكەن مارتتىك، دارا دەگ­­دارلىقتىڭ كورىنىسى. جەر­لەس­تەرىنىڭ جاقسىلىعىنا ريزا بولعان اۋىلدىقتار ءوز كەزەگىندە مولديار نۇرباەۆتىڭ كەۋدەسىنە ارنايى توسبەلگى تاعىپ، العىسىن جەتكىزدى. مامانيا مەكتەبىن جەتىسۋدىڭ اتاقتى بايى ماماننىڭ بالالارى تۇرىسبەك، سەيىتباتتال جانە ەسەنقۇل قاجىلار XX عاسىردىڭ باسىندا سالدىرعان. ونىڭ ارحيتەكتۋراسى مەن وقۋ جۇيەسى ۋفاداعى «عاليا مەدرەسەسىنە» ۇقساتىلعان ەكەن. الاش قايراتكەرى، اقىن ءىلياس جانسۇگىروۆ تە – وسى مامانيا مەكتەبىنىڭ تۇلەگى. 1940 جىلداردىڭ باس كەزىنەن مەكتەپكە ىبىراي التىنسارين ەسىمى بەرىلدى. – مولديار اعامىز مەكتەپكە جاڭا كولىك سىيلادى. باۋ-باق­شا جايقالسىن دەپ سۋ تارت­قى­زىپ بەردى. كەلەسى جىلى سپورت كەشەنىن اشسام دەپ جوس­پار­لاپ وتىر. وسىنىڭ ءبارى، ارينە، يگىلىكتى شارۋا. كومەك قولىن سوزعان ازاماتتاردىڭ ارقا­سىن­دا جاڭا وقۋ جىلىنا 100 پايىز دايىن بولدىق، – دەدى مەكتەپ ديرەكتورى الپامىس قازبانبەتوۆ. كاسىپكەردىڭ ءوزى «اۋىل كور­كەي­سە، ەل-جۇرت قايتا ورالار، سۋى-نۋى جايقالعان باياعى ءداۋ­رە­نى قايتا كەلەر» دەپ ءۇمىت ەتەدى. ءبىر ايدان سوڭ ءوزىنىڭ تىكەلەي باستاماسىمەن اقسۋ اۋدانىندا ايگىلى اقىن ءىلياس جانسۇگىروۆتىڭ ەسكەرتكىشى بوي كوتەرمەك. اۋدان اكىمدىگىنىڭ دەرەگىنە سۇيەنسەك، قازىر اۋدانداعى 41 مەكتەپتىڭ 11-ءى ابدەن ەسكىرگەن. ءبىر سوزبەن ايتقاندا، ءدال وسىن­داي جومارت جانداردىڭ كو­مە­گىنە مۇقتاج دەگەن ءسوز. ال دەمەۋشى قولىن تىلەپ تۇرعان وقۋ وردالارى ەلىمىز بويىنشا قانشاما دەسەڭىزشى؟! «تۋعان جەر­گە تۋىڭدى تىك» ۇستانىمىن سەرىك ەتكەن ازاماتتار ءوز اۋىلدارىنا كو­مەك­تەسسە، ەلىمىز جايقالىپ-اق كەتەر ەدى. ال مامانيا مەك­­تەبىنىڭ وقۋشىلارى مەن ۇس­تاز­دا­رى جاڭا وقۋ جىلىنا تىڭ سەر­پىنمەن كىرىسەرى ءسوزسىز.

Kerey.kz