«مارستىقتار قازاق ۇيدە تۇرا ما؟» – باسپاسوزگە شولۋ
kerey.kz
قازاقپارات – «قازاقپارات» حالىقارالىق اقپاراتتىق اگەنتتىگى 9 مامىر، سەنبى كۇنى جارىق كورگەن رەسپۋبليكالىق بۇقارالىق اقپارات قۇرالدارىنداعى وزەكتى ماقالالارعا شولۋدى ۇسىنادى.
***
«سامۇرىق-قازىنا» ۇلتتىق ءال-اۋقات قورى وتان سوعىسى ارداگەرلەرىن قولداۋ ماقساتىندا سوڭعى جىلدارى ەستە قالار جوبالارىمەن ەرەكشەلەنىپ ءجۇر. ارينە، ەرەكشە جوبالاردىڭ باعاسى دا بولەكشە بولادى. مىسالى، وتكەن جىلى سوعىس ارداگەرلەرىن قولداۋعا 130 ملن تەڭگە قارجى بولگەن قور بيىل بۇل ماقساتقا 600 ملن تەڭگە جۇمسادى.«ايقىن» گازەتىنىڭ جازۋىشا، بۇل جونىندە قوردىڭ بۇقارامەن بايلانىس جونىندەگى باس ديرەكتورى دارحان قالەتاەۆ جاريا ەتكەن. «قور وتكىزەتىن شارالار جوسپارى ۇكىمەتتىك باعدارلامالاردى قايتالامايدى. سونىمەن قاتار، شارالار جوسپارى قازاقستاننىڭ «ارداگەرلەر ۇيىمى» ورتالىق كەڭەسىمەن كەلىسىلگەن. باستىسى، بۇل شارالار ءبىر كەزەڭمەن نەمەسە 9 مامىرمەن عانا شەكتەلەتىن كامپانيا ەمەس، جىل سوڭىنا دەيىن دە، كەلەر جىلى دا جالعاسادى»، – دەدى د.قالەتاەۆ. ال «سامۇرىق-قازىنا» ۇلتتىق ءال-اۋقات قورىنىڭ الەۋمەتتiك سەرiكتەستiك ورتالىعىنىڭ باس ديرەكتورى نۇرلان ەرiمبەتوۆ «قاجەتتiلiكتەر كارتاسى» جوباسى تۋرالى ايتىپ بەردى. «قور بۇگiنگi كۇنi ءوزiنiڭ سەرiكتەستەرiمەن بiرگە «قاجەتتiلiكتەر كارتاسى» دەپ اتالاتىن جوبانى iسكە قوسادى. ياعني، كەز كەلگەن قازاقستاندىق، كەز كەلگەن ازامات بۇگiندە ۇيالى تەلەفون ارقىلى ارداگەرلەرگە اتاۋلى كومەك كورسەتە الادى. Kcell جانە K-Mobile نومiرلەرi ءۇشiن 1945 دەگەن قىسقا ءنومiرiن تەرiپ، حابارلاما جiبەرەسiز. سوندا سiزدiڭ شوتىڭىزدان 250 تەڭگە الىنادى. بۇل – بۇكiل ەل بولىپ قاتىساتىن شارا»، – دەيدi ول. ماقالا «ارداگەرلەر ءۇشىن 600 ملن تەڭگە جۇمسادى» دەگەن تاقىرىپپەن بەرىلگەن.
«ۇلى وتان سوعىسىنىڭ ارداگەرى جارمۇحامبەت وتكەلباەۆ اقساقال 92 جاسىندا 2010 جىلى الماتىدا قايتىس بولعان-دى. الاتاۋدىڭ ەتەگىندە ەڭبەگىنىڭ زەينەتىن كورىپ، باقي دۇنيەگە اتتانعان باتالى قاريانىڭ عيبراتقا تولى عۇمىرى ۇرپاققا ۇلگى بولارلىق ۇلاعاتقا تولى»، – دەپ جازادى «ايقىن» گازەتى «ءۇش مايداندا سوعىسقان ۇشقىش» دەگەن تاقىرىپتاعى ماقالاسىندا. باسىلىمنىڭ جازىنشا، فيندەرمەن سوعىسقا ءۇش جارىم اي قاتىسىپ، ون ەكى رەت اۋەگە كوتەرىلگەن ول اسكەري تاپسىرمالاردى ءمىنسىز ورىنداپ شىعادى. سول ەڭبەگى ءۇشىن «كسرو اۋە قارۋلى كۇشتەرىنىڭ ۇزدىگى» توسبەلگىسىنە يە بولادى. ال 1941 جىلى كەزەكتى جاۋىنگەرلىك تاپسىرمانى ورىنداۋ كەزىندە ول مىنگەن اۋە كەمەسىنە وق ءتيىپ، ۇشاق جانا باستايدى. پاراشيۋتپەن سەكىرگەنمەن، جاۋ تىلىنا تۇسكەن جارمۇحامبەت اۋىر جارالانعانىنا بايلانىستى، جۇرۋگە جاراماي، جاۋ قولىنا تۇسەدى. الدىمەن، بەلارۋس جەرىندە، سوسىن پولشادا ەكى جىلداي ەرىكسىز تۇتقىندا بولىپ، اۋىر ازاپ شەگەدى. امالىن تاۋىپ لاگەردەن قاشىپ شىققاننان كەيىن ول كەڭەس اسكەرى ساپىنا قايتا قوسىلىپ، 135-اتقىشتار ديۆيزياسى قۇراىندا سوعىستىڭ سوڭىنا دەيىن قاتىسادى. ەڭ سوڭىندا حالكين گول شايقاسىنا قاتىسىپ، 1946 جىلى 10 مامىردا ەلگە امان-ەسەن ورالادى.
***
«اتىراۋدا سپورت جۇلدىزدارى اللەياسى پايدا بولادى», دەپ جازادى «ۆرەميا» «روستكي پامياتي» دەگەن تاقىرىپتاعى ماقالاسىندا. باسىلىمنىڭ جازۋىنشا، جەڭىس كۇنىن مەرەكەلەۋ اياسىندا تانىمال سپورتشىلار قالا اۋداندارىنىڭ بىرىندە بىرنەشە ءجۇز اعاش كوشەتىن وتىرعىزعان. وسىلايشا، «گەولوگ» شاعىن اۋدانىندا تەرەگى مەن قايىڭى، ۇيەڭكىسى مەن شاعانى جايقالعان اللەيا پايدا بولعان. تال وتىرعىزعانداردىڭ قاتارىندا 2008 جىلعى بەيجىڭ وليمپياداسىنىڭ قولا جۇلدەگەرى ارمان شىلمانوۆ، 2013 جىلعى كيكبوكسينگتەن الەم چەمپيونى ارمان ءجۇسىپوۆ جانە 2013 جىلعى سامبودان الەم چەمپيونى امانباي قىزدارباەۆ بار.
***
«ءبىر جىلدان استام ۋاقىت بويى بارشا الەم عالىمدارى قازاقتىڭ كيىز ۇيىنە ۇقساس مارستا تابىلعان نىساننىڭ نە ەكەندىگىن تابا الماي باس قاتىرۋدا»، – دەپ جازادى «ەكسپرەسس ك» گازەتى «مارسيانە جيۆۋت ۆ يۋرتاح؟» دەگەن تاقىرىپتاعى ماقالاسىندا. باسىلىمنىڭ جازۋىنشا، ءدال وسى سۋرەت قىزىل عالامشارداعى تىرشىلىكتىڭ بار ەكەندىگىن دالەلدەيتىن ەڭ باستى ايعاق بولىپ وتىر. بۇل سۋرەت العاش رەت عارىش تاقىرىبىنا ارنالعان امەريكاندىق پورتالداردىڭ بىرىندە جاريا ەتىلگەن بولاتىن. بۇل سۋرەتتى جاريا ەتكەن عالامتور پايداانۋشى اتالعان نىساننىڭ قازاق ۇيگە قاتتى ۇقسايتىندىعىن جازعان ەدى.
«ءسال ۋاقىتتان كەيىن قازاق ۇيگە ۇقساس بۇل نىسان جوق بولىپ كەتتى. مەن مۇنىڭ سىرىن بىلمەيمىن. مۇمكىن مارستىقتار سۋ ىزدەپ ۇنەمى كوشىپ-قوناتىن شىعار. سوندىقتان دا مەن قىزىل عالامشارعا اتتاناتن ەكسپەديتسيانىڭ قۇرامىندا مىندەتتى تۇردە قازاقستاندىقتار بولۋى كەرەك»، – دەيدى ەلوردالىق ۋفولوگ ءادىل قورزاباەۆ.
پىكىر قالدىرۋ