«Marstıqtar qazaq üyde twra ma?» – baspasözge şolu
kerey.kz
QazAqparat – «QazAqparat» halıqaralıq aqparattıq agenttigi 9 mamır, senbi küni jarıq körgen respublikalıq bwqaralıq aqparat qwraldarındağı özekti maqalalarğa şoludı wsınadı.
***
«Samwrıq-Qazına» wlttıq äl-auqat qorı Otan soğısı ardagerlerin qoldau maqsatında soñğı jıldarı este qalar jobalarımen erekşelenip jür. Ärine, erekşe jobalardıñ bağası da bölekşe boladı. Mısalı, ötken jılı soğıs ardagerlerin qoldauğa 130 mln teñge qarjı bölgen Qor biıl bwl maqsatqa 600 mln teñge jwmsadı.«Ayqın» gazetiniñ jazuışa, bwl jöninde Qordıñ Bwqaramen baylanıs jönindegi bas direktorı Darhan Qaletaev jariya etken. «Qor ötkizetin şaralar josparı ükimettik bağdarlamalardı qaytalamaydı. Sonımen qatar, şaralar josparı Qazaqstannıñ «Ardagerler wyımı» ortalıq keñesimen kelisilgen. Bastısı, bwl şaralar bir kezeñmen nemese 9 mamırmen ğana şekteletin kampaniya emes, jıl soñına deyin de, keler jılı da jalğasadı», – dedi D.Qaletaev. Al «Samwrıq-qazına» wlttıq äl-auqat qorınıñ Äleumettik seriktestik ortalığınıñ bas direktorı Nwrlan Erimbetov «Qajettilikter kartası» jobası turalı aytıp berdi. «Qor bügingi küni öziniñ seriktesterimen birge «Qajettilikter kartası» dep atalatın jobanı iske qosadı. YAğni, kez kelgen qazaqstandıq, kez kelgen azamat büginde wyalı telefon arqılı ardagerlerge ataulı kömek körsete aladı. Kcell jäne K-Mobile nömirleri üşin 1945 degen qısqa nömirin terip, habarlama jiberesiz. Sonda sizdiñ şotıñızdan 250 teñge alınadı. Bwl – bükil el bolıp qatısatın şara», – deydi ol. Maqala «Ardagerler üşin 600 mln teñge jwmsadı» degen taqırıppen berilgen.
«Wlı Otan soğısınıñ ardageri Jarmwhambet Ötkelbaev aqsaqal 92 jasında 2010 jılı Almatıda qaytıs bolğan-dı. Alataudıñ eteginde eñbeginiñ zeynetin körip, baqi düniege attanğan batalı qariyanıñ ğibratqa tolı ğwmırı wrpaqqa ülgi bolarlıq wlağatqa tolı», – dep jazadı «Ayqın» gazeti «Üş maydanda soğısqan wşqış» degen taqırıptağı maqalasında. Basılımnıñ jazınşa, findermen soğısqa üş jarım ay qatısıp, on eki ret äuege köterilgen ol äskeri tapsırmalardı minsiz orındap şığadı. Sol eñbegi üşin «KSRO Äue qarulı küşteriniñ üzdigi» tösbelgisine ie boladı. Al 1941 jılı kezekti jauıngerlik tapsırmanı orındau kezinde ol mingen äue kemesine oq tiip, wşaq jana bastaydı. Paraşyutpen sekirgenmen, jau tılına tüsken Jarmwhambet auır jaralanğanına baylanıstı, jüruge jaramay, jau qolına tüsedi. Aldımen, Belarus' jerinde, sosın Pol'şada eki jılday eriksiz twtqında bolıp, auır azap şegedi. Amalın tauıp lager'den qaşıp şıqqannan keyin ol keñes äskeri sapına qayta qosılıp, 135-atqıştar diviziyası qwraında soğıstıñ soñına deyin qatısadı. Eñ soñında Halkin Gol' şayqasına qatısıp, 1946 jılı 10 mamırda elge aman-esen oraladı.
***
«Atırauda sport jwldızdarı alleyası payda boladı», dep jazadı «Vremya» «Rostki pamyati» degen taqırıptağı maqalasında. Basılımnıñ jazuınşa, Jeñis künin merekeleu ayasında tanımal sportşılar qala audandarınıñ birinde birneşe jüz ağaş köşetin otırğızğan. Osılayşa, «Geolog» şağın audanında teregi men qayıñı, üyeñkisi men şağanı jayqalğan alleya payda bolğan. Tal otırğızğandardıñ qatarında 2008 jılğı Beyjiñ Olimpiadasınıñ qola jüldegeri Arman Şılmanov, 2013 jılğı kikboksingten älem çempionı Arman Jüsipov jäne 2013 jılğı sambodan älem çempionı Amanbay Qızdarbaev bar.
***
«Bir jıldan astam uaqıt boyı barşa älem ğalımdarı qazaqtıñ kiiz üyine wqsas Marsta tabılğan nısannıñ ne ekendigin taba almay bas qatıruda», – dep jazadı «Ekspress K» gazeti «Marsiane jivut v yurtah?» degen taqırıptağı maqalasında. Basılımnıñ jazuınşa, däl osı suret Qızıl ğalamşardağı tirşiliktiñ bar ekendigin däleldeytin eñ bastı ayğaq bolıp otır. Bwl suret alğaş ret ğarış taqırıbına arnalğan amerikandıq portaldardıñ birinde jariya etilgen bolatın. Bwl suretti jariya etken ğalamtor paydaanuşı atalğan nısannıñ qazaq üyge qattı wqsaytındığın jazğan edi.
«Säl uaqıttan keyin qazaq üyge wqsas bwl nısan joq bolıp ketti. Men mwnıñ sırın bilmeymin. Mümkin marstıqtar su izdep ünemi köşip-qonatın şığar. Sondıqtan da men qızıl ğalamşarğa attanatn ekspediciyanıñ qwramında mindetti türde qazaqstandıqtar boluı kerek», – deydi elordalıq ufolog Ädil Qorzabaev.
Pikir qaldıru