پرەزيدەنتتىڭ ءباسپاسوز حاتشىسى داۋرەن اباەۆ Tengrinews.kz تىلشىسىنە نۇرسۇلتان نازارباەۆتىڭ فۋا-گرا تۋرالى سوزىنە قاتىستى پىكىرىن ايتتى. ول فۋا-گرا جايلى “بەينەلەي ايتقان ءسوزدىڭ” الەۋمەتتىك جەلىلەردە كوپ تالقىلانعانىن مەملەكەت باسشىسىنىڭ ەستىگەنىن ايتتى.

“ارينە، نۇرسۇلتان ءابىشۇلى الەۋمەتتىك جەلىلەردە نە بولىپ جاتقانىن بىلەدى، ول ينتەرنەت قولدانۋشىلارىنىڭ فۋا-گرا جايلى قالجىڭدارىنا ازىلمەن جانە تۇسىنىستىكپەن قارادى. سونىمەن بىرگە، ول ءوزىنىڭ بەينەلەي ايتقان ءسوزىنىڭ دوللاردىڭ قىمباتتاۋى مەن جانار-جاعارماي قۇنىنىڭ كوتەرىلگەنىنەن كەيىنگى كوڭىل-كۇيدى شيراتىپ الۋعا ءبىر سەبەپ بولعانىن دا تۇسىنەدى”، – دەدى نازارباەۆتىڭ ءباسپاسوز حاتشىسى.

“بىراق سىزدەر مەملەكەت باسشىسىنىڭ تىعىز جۇمىس كەستەسىن كورىپ وتىرسىزدار، ول دەمالىسسىز جۇمىس ىستەيدى، ەلدەردىڭ باسشىلارىمەن كەزدەسەدى جانە قازاقستان ازاماتتارىنىڭ اماندىعى ءۇشىن جۇمىس ىستەيدى. ماسەلەن، 30 جانە 31 تامىزدا مەملەكەت باسشىسى قىتايدا جۇمىس ىستەپ جاتتى، ال بۇل ۋاقىتتا قازاقستاندىقتار دەمالىپ جاتىر ەدى”، – دەپ اتاپ ءوتتى داۋرەن اباەۆ.

سونىمەن قاتار، اباەۆ بەنزيننىڭ شارىقتاۋىنا بايلانىستى ءوزىنىڭ كوزقاراسىن ايتتى. ء“بىز جانارمايدىڭ تاپشىلىعىن كورمەۋىمىز ءۇشىن بەنزين باعاسىن رەتتەۋدەن باس تارتۋدىڭ قالىپتى قادام ەكەنىن ءتۇسىنۋىمىز كەرەك. وسى تاپشىلىقتىڭ بولماۋى ءۇشىن مەملەكەت مۇناي وندىرەتىن زاۋىتتارىمىزدىڭ مودەرنيزاتسياسىن وتكىزىپ جاتىر. ەرتەدە ءبىز بۇل مودەرنيزاتسيانى وتكىزە المايتىن ەدىك، سەبەبى بىزدە مۇنداي مۇمكىندىك بولمادى، ونىڭ ۇستىنە كولىك سانى ايتارلىقتاي ءوستى، بەنزيننىڭ قاجەتتىلىگى ارتتى. بەنزين بىزدە عانا قىمباتتاپ جاتقان جوق، ماسەلەن ەۋروپادا بەنزين باعاسىن وزگەرتپەگەن جالعىز ەل – مالتا، سەبەبى بەنزيندى قايتا وڭدەۋ دامىپ كەلەدى”، – دەدى پرەزيدەنتتىڭ ءباسپاسوز حاتشىسى.

ايتپاقشى، مەملەكەت باسشىسى جاعارماي باعاسىنىڭ ماسەلەسىن اتىراۋدا تالقىلايدى، وندا باتىس وڭىرلەرىنىڭ باسشىلارىمەن كەزدەسۋ ۇيىمداستىرۋ جوسپارلانىپ جاتىر. ول جاققا نۇرسۇلتان نازارباەۆ 16 قىركۇيەكتە سوچيدە وتەتىن وڭىرارالىق ارىپتەستىكتىڭ 12-ءشى فورۋمىنا قاتىسقاننان كەيىن بىردەن بارادى. بۇل فورۋمنىڭ باستى تاقىرىبى – اگرووندىرىستىك كەشەننىڭ دامۋى. سونىمەن قاتار، وسى كۇندەرى پرەزيدەنت تمد-داعى تاعى ءبىر ەلگە بارۋى مۇمكىن، ال ناقتى قاي ەلگە باراتىنى قر ءسىم دەڭگەيىندە قارالىپ جاتىر.

ال وسى جۇمادا، 11 قىركۇيەكتە استانادا تۇركىتىلدەس مەملەكەتتەردىڭ باسشىلارىنىڭ ءسامميتى وتەدى، ونىڭ اياسىندا ونىڭ بارلىق قاتىسۋىشىسى نۇرسۇلتان نازارباەۆپەن بىرگە قازاق حاندىعىنىڭ 550 جىلدىعىنا ارنالعان سالتاناتتى شاراعا بارادى. مەملەكەت باسشىسىنىڭ ءباسپاسوز حاتشىسىنىڭ ايتۋىنشا، بۇل سامميتكە تۇركيا پرەزيدەنتىنىڭ قاتىسۋ-قاتىسپاۋ ماسەلەسى قارالىپ جاتىر. تۇركياداعى ىشكى ساياسي جاعدايلارعا بايلانىستى ول كەلە الماۋى مۇمكىن دەگەن بولجام بار.

ەسكە سالايىق، قازاقستان پرەزيدەنتى فۋا گرا مەن لەند كرۋزەرلەردەن باس تارتۋ تۋرالى ۇسىنىستى اقمولا وبلىسىنداعى جۇمىس ساپارىنىڭ بارىسىندا ايتقان بولاتىن. سول كەزدە نۇرسۇلتان نازارباەۆ ەلدىڭ اۋىل شارۋاشىلىعىنىڭ جەتەكشى وندىرۋشىلەرىمەن كەزدەسىپ، ولاردىڭ رەسپۋبليكانىڭ باستى اسىراۋشىسى ەكەنىن اتاپ وتكەن ەدى. “ەڭ باستىسى داستارحانىمىزدا اس بار. ءتىپتى ىشەتىن سۋسىنىمىز دا بار. كيەرىمىز دە، باسپانامىز دا بار، سول ۇيلەردى جىلىتاتىن وتىنىمىز دا بار. ەڭ باستى، ەڭ قاجەتتىنىڭ بارلىعى بار”، – دەدى پرەزيدەنت. ونىڭ ايتۋىنشا، مۇنىڭ بارلىعى ەلگە تىنىش ءومىر سۇرۋگە، جۇمىس ىستەۋگە جانە ەڭبەكتەنۋگە مۇمكىندىك بەرەدى.

“ال قالعاندارىنان، ماسەلەن باتىستىڭ كيىمىنەن باس تارتىپ تا ءومىر سۇرۋگە بولادى. راس پا؟ فۋا-گراسىز، بانانسىز، بىزگە زيان زاتتارسىز”، – دەدى مەملەكەت باسشىسى ازىلدەپ. “ەڭ ۇزدىك دەيتىن، لەند كرۋزەرسىز دە ءومىر سۇرۋگە بولادى. ولارسىز دا ءومىر سۇرۋگە بولادى. ەلىمىزدە ءومىر سۇرۋگە قاجەتتىنىڭ بارلىعى بار”، – دەدى پرەزيدەنت.

 Tengrinews.kz