ساياسات

تەڭگەنi قۇلدىراتقاندار كiمدەر؟

kerey.kz

 |  Sep 18, 2015

كەشە قازاقستاننىڭ بانكتەرI مەن ايىرباستاۋ پۋنكتەرIندەگI دوللاردىڭ تەڭگەگە شاققانداعى با­­عامى 300 تەڭگەدەن اسىپ ءتۇستI.

قازاقستان قور بيرجاسىنداعى تاڭەرتەڭگiلiك سەسسيا ناتيجەسiن­دە دوللار سەيسەنبi كۇنمەن سالىستىرعاندا تاعى كوتەرiلiپ، 283,98 تەڭگەگە جەتتi. KASE-دەگi ۆاليۋتالىق ساۋداعا نارىقتىڭ 23 ويىنشىسى قاتىستى. ال ۆاليۋتالىق ساۋدا كولەمi بار-جوعى 89 250 دوللاردى قۇرادى.
سوعان قاراماستان، كەيبiر بانكتەردەگi دوللاردى ساتىپ الۋ باعامى كۇندiز 300 تەڭگەدەن اسىپ ءتۇستi. بانك تسەنتر­كرەديت دوللاردى 301 تەڭگەگە ساتسا، قازكوممەرتسبانك بiر دوللاردىڭ قۇنىن 299,62 تەڭگە شاماسىندا بەلگiلەپتi. تۇستەن كەيiن بانكتەر مەن ايىرباستاۋ پۋنكتەرiندەگi دوللار باعامى ءسال ارزاندادى. تۇسكi ساعات ءۇش شاماسىندا بانك تسەنتركرەديت دوللاردى 290 تەڭگەگە ساتىپ، 288 تەڭگەگە ساتىپ الىپ جاتتى. قازكوممەرتسبانك بۇل ۋاقىتتا بiر دوللاردى 285,56 تەڭگەگە ساتىپ، ساتىپ الۋ باعامىن 282,11 تەڭگە شاماسىندا بەلگiلەپتi. باسقا بانكتەردە دە وسى شامالاس ايىرباستاۋ باعامى ورناتىلعانىمەن، بۇل مەجە ساعات سايىن وزگەرiپ وتىردى.
سەيسەنبi كۇنi قازاقستان قور بيرجاسىنداعى تاڭەرتەڭ­گiلiك ۆاليۋتا ساۋداسىنىڭ كولەمi 71 350 دوللار كولەمiن­دە عانا بولدى. سونىڭ وزiندە دوللاردىڭ تەڭگەگە شاققانداعى كولەمi 3,28 تەڭگەگە قىمباتتاپ، بiر دوللاردىڭ قۇنى 276,83 تەڭگەگە جەتتi. ال كەشكi سەسسيادا بiر دوللار 282,10 تەڭگەگە جۋىقتادى.
بولماشى عانا كولەمدە ۆاليۋتالىق ساۋدا جۇرگiزiپ، تەڭگەنi قۇلدىراتىپ وتىرعان قانداي ويىنشىلار؟ ەكونوميست ولجاس قۇدايبەرگەنوۆ اقپارات قۇرالدارىنا بەرگەن سۇحباتىندا ۇلتتىق بانككە KASE-دە جۇرگiزiلiپ جاتقان مامiلەلەردi جاريا ەتۋدi ۇسىنىپتى. راسىندا دا، اينالدىرعان جيىرماعا جەتەر-جەتپەس ويىنشى قاتىساتىن ۆاليۋتالىق ساۋدادا تەڭگە كۇندەلiكتi قىمباتتاپ وتىر. حالىق دوللاردى شارىقتاتىپ وتىرعان قور بيرجاسىنىڭ قانداي قاتىسۋشىلارى ەكەنiن بiلۋi تيiس. بۇل ويىنشىلار تەڭگە باعامىن قولدان ءتۇسiرiپ وتىرعان بولۋى مۇمكiن. ايتپەگەندە، بiر كۇننiڭ iشiندە تەڭگە قالايشا 11 تەڭگەگە ارزاندادى؟
قۇدايبەرگەنوۆتiڭ بۇل ۇسىنىسىنا ۇلتتىق بانك ازiرگە جاۋاپ قاتقان جوق. ال بۇعان قاتىستى تۇسiندiرمە بەرۋدەن باس تارتقان قارجى مينيسترi باقىت سۇلتانوۆ دوللار باعامى 300 تەڭگەگە جەتسە دە، قازاقستاندىقتاردىڭ ءومiر ءسۇرۋi بۇدان وزگەرمەيتiنiن ايتىپتى. “ويتكەنi جالاقى، ساتىپ الۋ قابiلەتi ەكونوميكاداعى ەڭبەك وندiرiسiنە بايلانىستى بولۋى كەرەك”.
مينيستر سوڭعى بiرنەشە جىلدىڭ iشiندە جالاقىنى ەكi مارتە كوتەرگەنiن اۋىزعا الىپ، “جالاقىنىڭ كوتەرiلۋi دوللارعا ەمەس، ەڭبەك وندiرiسiنە بايلانىستى بولۋى تيiس. ازاماتتار تەڭگەمەن ەسەپتەسەدi, يمپورتتىڭ كولەمi ۇلكەن ەكەنi تۇسiنiكتi. بiراق كاسiپورىندارىمىزدىڭ باسەكەگە قابiلەتتiلiگi بويىنشا جۇرگiزiلiپ جاتقان جۇمىستار ناتيجەسiن بەرۋi تيiس”، ­– دەپتi.
قازاقستاندىقتاردىڭ بۇكiل سۇرانىسىن وتەي الاتىن وتاندىق وندiرۋشiلەر جوق بولعاندىقتان، سىرتتان تاۋار ساتىپ الاتىندىقتان، دوللاردىڭ شارىقتاۋى حالىق تۇرمىسىنا اسەر ەتپەي قويمايتىنى انىق. مۇنى مينيسترi دە، باسقاسى دا جاقسى بiلەدi. ازiرگە تەڭگە قۇلدىراۋىنىڭ شەتi دە، شەگi دە كورiنبەيدi. بiر دوللار ءۇشiن پسيحولوگيالىق مەجە ­– 300 تەڭگەمەن اياقتالماۋى مۇمكiن.
zhasalash.kz