قازاقستان رەسپۋبليكاسىنىڭ پرەزيدەنتى نۇرسۇلتان نازارباەۆتىڭ جارلىعىمەن ەلىمىزدىڭ ءبىلىم جانە عىلىم ءمينيسترى اۋىستى، – دەپ حابارلايدى Tengrinews.kz تىلشىسى اقورداعا سىلتەمە جاساپ.

“ەرلان كەنجەعاليۇلى ساعاديەۆ قازاقستان رەسپۋبليكاسىنىڭ ءبىلىم جانە عىلىم ءمينيسترى بولىپ تاعايىندالسىن”، – دەلىنگەن جارلىقتا. ايتا كەتەيىك، وسىعان دەيىن بۇل قىزمەتتە اسلان ءسارىنجىپوۆ بولعان ەدى.

ەرلان كەنجەعاليۇلى ساعاديەۆ 1966 جىلى 29 قىركۇيەكتە دۇنيەگە كەلگەن. 1990 جىلى “ەكونوميكا” ماماندىعى بويىنشا ءال-فارابي اتىنداعى قازاق ۇلتتىق ۋنيۆەرسيتەتىن تامامداعان، بىلىكتىلىگى ەكونوميست. 1993 جىلى ميننەسوتا شتاتىنىڭ ۋنيۆەرسيتەتىن ءبىتىردى، اقش-تىڭ ميننەاپوليس قالاسىندا قولدانبالى ەكونوميكا دەپارتامەنتىنىڭ عىلىم ماگيسترى عىلىمي دارەجەسى بار.

ەڭبەك جولىن 1990 جىلى سىرتقى ىستەر مينيسترلىگىنىڭ قولدانبالى ەكونوميكا دەپارتامەنتىنىڭ حالىقارالىق ەكونوميكالىق قاتىناستاردى دامىتۋ جونىندەگى ەكىنشى حاتشىسى لاۋازىمىنان باستاعان. دۇنيەجۇزىلىك بانكىنىڭ اۋىل شارۋاشىلىعى دەپارتامەنتىنىڭ احۋالىن تالداۋ جونىندەگى اسسيستەنتى، شىعىس ەۋروپا، تمد ەلدەرىنىڭ كۋراتورى بولعان (اقش، ۆاشينگتون قالاسى). 2003 جىلدان باستاپ 2009 جىلعا دەيىن “جاڭا تەحنولوگيالار. قازاقستان” اق-نىڭ ديرەكتورلار كەڭەسىنىڭ توراعاسى بولدى، باس ديرەكتوردىڭ لاۋازىمىن اتقارعان. 2012-2013 جىلدارى قازاقستان رەسپۋبليكاسى پرەمەر-ءمينيسترىنىڭ كەڭەسشىسى قىزمەتىن اتقارعان. 2014 جىلدىڭ اقپان ايىنان تامىز ايىنا دەيىن قازاقستان رەسپۋبليكاسىنىڭ يندۋستريا جانە جاڭا تەحنولوگيالار ۆيتسە-ءمينيسترى بولدى.

tengrinews.kz