قازاقستاننىڭ اتاۋىن وزگەرتۋ ماسەلەسىنە كۇتپەگەن جەردەن Bloomberg اگەنتتىگىنىڭ ساراپشىسى لەونيد بەرشيدسكي ءوزىنىڭ چەحيانىڭ اتاۋىن وزگەرتۋ جونىندەگى ماقالاسىندا توقتالىپتى. بۇل ءۇردىستىڭ باستاۋى، ونىڭ نەگىزدەمەسى جانە سالدارلارى جايىندا اڭگىمەلەي وتىرىپ، ول چەح رەسپۋبليكاسىنىڭ جولىمەن جۇرۋگە بوولاتىن ەلدەرگە سىلتەمە جاساپتى. ولاردىڭ ىشىندە قازاقستان دا بار.
«…چەح رەسپۋبليكاسىنىڭ ۇكىمەتى چەحيا ەلىنىڭ اتاۋىنا رەبرەندينگ جاساۋدى ۇيعارىپتى… ەل ازاماتتارىنىڭ پىكىرىن سۇراماعان. چەح رەسپۋبليكاسىنىڭ قىسقارتىلعان نۇسقاسىن العان چەحيا جۇمساق رەبرەندينگتىڭ ۇلگىسىن كورسەتتى. اتاۋ جاڭا ەمەس — ول سوناۋ 1634 جىلى پايدالانىلعان بولاتىن، بىراق ەلدىڭ تولىق اتاۋى ءالى دەقولدانىستا بولادى. چەحيا، مۇمكىن ەڭ جاقسى نۇسقا ەمەس شىعار. اعىلشىن تىلدىلەردى ونى دۇرىس ايتۋعا ۇيرەتۋ قاجەت بولادى. اتاپ ايتارلىعى، باسقا تىلدەردە ەلدىڭ اتاۋ چەحيانىڭ وزىندەگىدەن (Czechia) بولەك جازىلادى. ماسەلەن، يتاليان تىلىندە Cechia دەپ جازىلسا، يسپان تىلىندە ول Chequia بولادى. بىراق ولار باسقا نۇسقالار، ماسەلەن، چەحيانىڭ قۇرامىندا بوگەميانىڭ، موراۆيانىڭ جانە سيلەزيانىڭ ءبىر بولىگى بار ەكەنىن بىلدىرەتىن چەكلاندس (Czechlands) نەمەسە موراۆتىقتار قابىلداعىسى كەلمەيتىن بوگەميا سياقتى ناشار ەمەس…»
اۆتور
مۇمكىن، الەم ەلدىڭ جاڭا اتاۋىن بىلدىرەتىن چەحيا دەگەن سوزگە ۇيرەنىپ، ونى رەسەيدىڭ قۇرامىنداعى شەشەنستاننىڭ ورىسشا اتاۋى چەچنيامەن شاتاستىرماس
دەگەن ۇمىتتە.
ودان ارى قاراي بەرشيدسكي مىرزا رەبرەندينگكە نەگىزدەمە بەرىپتى – «…ويتكەنى ەل ەكى دۇنيەجۇزىلىك الاپات سوعىستان امان قالىپ، شەكاراسىن قايتا پىشكەن كەڭەس بلوگىنىڭ ىدىراۋىن جانە 1993 جىلى سلوۆاكيامەن اجىراۋدى باسىنان وتكەردى. مۇنداي وقيعالار ەلدىڭ ءوزىن ايقىنداۋىن جانە رامىزدەرىن بۇلىڭعىر ەتەدى. افريكا مەن ازيانىڭ كوپتەگەن حالىقتارى جاڭادان قالىپتاسىپ كەلە جاتقان مەملەكەتتىلىكتەرىنىڭ تەزىرەك اياعىنان تۇرىپ كەتۋى ءۇشىن ءوز ەلدەرىنىڭ اتاۋلارىن وزگەرتتى».
سودان سوڭ اۆتور چەحيانىڭ جولىمەن ءجۇرۋى مۇمكىن مەملەكەتتەردى تىزبەكتەگەن، ماسەلەن، ماكەدونيا جانە گرۋزيا، ال ءتىزىمنىڭ ەڭ سوڭىندا قازاقستاندى اتاپتى – «…ەكى جىل بۇرىن قازاقستان پرەزيدەنتى نۇرسۇلتان نازارباەۆ زاماناۋي جانە قارقىندى دامۋ جولىنا تۇسكەن مۇنايعا باي ەلدى باسقا، تابىستىلىعى تومەن «ستان»-دارمەن شاتاستىرماۋ ءۇشىن قازاق ەلى دەپ اتاپ، ستان دەگەن جالعاۋدى الىپ تاستاۋدى ۇسىنعان بولاتىن. چەحتار سياقتى قازاقتار دا ماركەتينگتىڭ كەيبىر تۇسىنىكتەرىن ەسكەرگەن. سوعان قاراماستان، جاڭا اتاۋ سونشالىقتى ومىرشەڭ بولمادى، ال قازاق پرەزيدەنتى ودان كەيىن بۇل ماسەلەنى كوتەرگەن جوق…».
«…مىنە، 25 جىلدان بەرى ەۋروپادا سوعىس جانە تۇبەگەيلى وزگەرىستەر بولعان جوق. كەيبىر ەلدەردىڭ وزدەرىنىڭ ەسكى اتاۋلارىن وزگەرتۋگە تالپىنىستارى جاي ماركەتينگتىك اكتسيا عانا ەمەس، ودان دا زور دۇنيە بولۋى مۇمكىن – ەۋروپاعا جانە بۇرىنعى كەڭەس ەلدەرىنە وزدەرىنىڭ زياندى كەشەگىسىنەن ارىلۋ ءۇشىن العا جىلجۋ كەرەك».
ورىسشادان اۋدارعان قايرات ماترەكوۆ
365info.kz
پىكىر قالدىرۋ