ايدىنىنا ورالعان اققۋ ءۇنى
kerey.kz
سالتانات قۇمارحانۇلى اقىن
ايدىنىنا ورالعان اققۋ ءۇنى
نە ءۇن مىناۋ مۇىڭىن شەرىتكەن دالانىڭ،
داۋسى ما ەكەن، الدە جارلى انانىڭ
قان مايداندا قاپىلىستا جوق الدە
قانعا باتقان اششى ۇنىمە بابانىڭ.
نە ءۇن مىناۋ تۇسىنە مە ءتىرى جان،
ارىستان با ءال دارمەنى قۇرىعان.
كوكجال ما ەكەن قاپيادا وق قۇشىپ،
قاراتاۋعا قاسىرەتپەن ۇلىعان.
نە ءۇن زارلى ساعىنىشقا مالىنعان،
تۇلپار ما ءال دە وقىس ورعا شالىنعان،
قىران با الدە تورعا ءتۇسىپ ابايسىز
كۇڭىرەنىپ كوك اسپانىن ساعىنعان.
جەتىم كول مە جاعانى ۇرىپ،جىلاعان،
ورماندارما شولدەن تامشى سۇراعان.
قارا بۇلت پا قارا اسپاننان كۇركىرەپ،
قارا جەرگە نايزاعاي بوپ قۇلاعان.
نە ءۇن ءوزى، ايتشى مىناۋ بوز دالام،
سار ىنگەن بە، سار جۇرتىنا بوزداعان،
اق بوران با، اق جالىن بوپ ىسقىرىپ،
كوك پەن جەردىڭ كوكىرەگىنەن قوزداعان.
بۇل زارلى ءۇن زاپىرانعا ورانعان،
جەر مەن كولدەن ايىرىلىپ جوعالعان
تىم الىستان تالىپ جەتكەن،
تۇلا بويى ساعىنىشپەن تولى ارمان،
اققۋلاردىڭ ءۇنى ەكەن عوي ورالعان.
وڭنان تۋىپ، جۇلدىز، كۇنىڭ، ايىمدا،
گۇل تەربەلسىن قىرىڭ مەن سايىڭ دا.
و، جاراتقان، سالماۋ ءۇشىن ۋايىمعا،
اققۋىڭدى ايدىن كولدەن ايىرما…
جەتىسۋ گۇلگە
اسپان كوڭىلىڭ كۇن كىرپىگىمەن نۇرلانىپ،
قارادىڭ با ەكەن اي جانارىڭ مەن ۇرلانىپ.
بۇلاق كۇلكىڭمەن باۋرادىڭ با ەكەن تاعىدا،
ايتپەسە مۇنداي عاشىق بولماس ەدى بۇل حالىق.
جاسادى ما ەكەن كوركىڭە سەنىڭ نۇر قاپتاپ،
دالا بەتتەرىڭ تامسانارلىقتاي نۇرلى اپپاق.
بالاۋسا گۇلىڭ بال قىلىق جاساپ باۋرايدى-اۋ،
تاۋ تاقياڭنىڭ بۇلت ۇكىسى دە بۇلعاقتاپ.
كۇن كوزىڭ نۇرلى وت بولىپ جانىپ قاراعان،
قاس سۇلۋ سەن بە ەڭ حالقىمنىڭ كوڭىلى قالاعان.
ساعىنىش جاڭبىر لەبىزىڭ بولىپ توگىلسە،
ساۋساعىڭ سامال دالانىڭ شاشىن تاراعان.
جاپ-جاسىل كويلەك جانىڭمەن اسەم جاراسىپ،
جاتىر ما ەكەن ىڭكار كوڭىلدەر تالاسىپ،
سۇلۋ بەينەڭە جۇرمە ەكەن قۇلاي عاشىق بوپ،
ءتىرى جان بىتكەن ەسىنەن تانىپ اداسىپ.
تال بويىڭ سىرلى تاماشا نەتكەن تامسانام،
وزىڭە ىڭكار جۇرەگىم، كوڭىل، جان، سانام.
جۇلدىز مونشاعىڭدى ءتۇن تاماعىڭنان كورىنگەن،
انىمەن يىسكەپ، جىرىمەن ءسۇيدى قانشا ادام.
جەتىسۋ گۇلىم عاشىعىم سەنسىڭ اڭساعان….
الدامشىلىق
اينالامدى باسقانداي قاراڭعىلىق،
ەش پەندە جوق قارايتىن ماعان كۇلىپ.
جاراتقانداي كوزىمە كورىنەدى،
تىرشىلىكتىڭ بارلىعىن ساراڭ قىلىپ.
بەتى قايتىپ پەندەدەن پەرىشتەم ءجۇر،
كورسەتسە دە تىرلىككە تاباندىلىق.
ويىم ويران، دەنەم سال، ميىم باتپان،
تىرلىگىمدى نەمەنە قيىنداتقان.
تەك كۇدىك تۇر، كۇيزەلىپ، كۇڭىرەنىپ،
كوكپەن جەردىڭ كوڭىلسىز كۇيىن قاققان.
سىر بىلدىرمەي كەلەمىن كەۋدە كەرىپ،
كەدەرگىگە قاراماي قۇيىنداتقان.
ارمانىمدا ارىمنان تونالعانداي،
ءۇمىتىم جوق، كەۋدەمنەن جوعالعانداي.
ەسى اۋىسقان ەكپىنسىز بۇل تىرلىكتەن،
كىم بىلەدى كۇنى ەرتەڭ بولام قانداي.
سايقى مازاق سانامنان زامان كوشەر،
قۇبىلمالى قۇلقىنسىز قوعامدارداي.
بەرەتىندەي اينالام ۋىن كەلىپ،
ءتۇسىپ كەتكەن بىلمەدىم قۇنىم نە عىپ؟
ادالدىعىم اداسىپ ايقايلايدى،
سايتاننىڭ سارايىندا تۋىن كەرىپ.
جاقسىلىقتى جاماندىق ءسۇيىپ جاتىر،
مايىسقان ماحابباتتىڭ گۇلىن بەرىپ.
اتا ارمانى..
اتا جۇرتتىڭ قىرقا بەلەس ادىرىن.
كورىۋ ءۇشىن ءبىلىۋ كەرەك قادىرىن.
اجالىمدا جاقىن قالعان سەكىلدى،
بولۋ كەرەك مەنىڭ سوندا قابىرىم.
دەپ ايتتىدا تەرەڭ ءبىر ءسات دەم الىپ.
ماڭدايىنان تارام-تارام تەر اعىپ.
كەتتىك بالام جات ولكەدەن دەدىدە،
جولعا شىقتى اتام سولاي مەنى الىپ.
شەگاراعا كەلە سالا اسىعىپ.
قاقپاسىنا سۇيەندىدە اسىلىپ.
وكسىپ-وكسىپ ءبىراز جىلاپ الدىدا،
بالام دەدى جاسىن مەنەن جاسىرىپ.
اناۋ تۇرعان بيكتەگى جەلبىرەپ.
ءبىزدىڭ كوك تۋ ونى قازىر ەل بىلەت.
ونى قانشا اڭساۋمەنەن ءوتتى كۇن،
ساي سۇيەگىم ساعىنىشتان ەلجىرەپ.
مىناۋ مىنە ەل تاڭبامىز ۇعىپ ال.
اڭساپ وتكەن ونى تالاي ۇلىلار.
مۇنى ساعان ادەي ۇلىم كورسەتتىم،
جانىمىزدان ارتىق بولعن قۇنى بار.
مىنە بالام قابىرعاعا قاراشى.
دەدى جاس بوپ جانارىنىڭ شاراسى.
ءبىزدىڭ تۇڭعىش ەلباسىمىز پرەزيدەنت،
كوزىن تىككەن بۇككىل ادام بالاسى.
ال مىناۋشى جەرىمىزدىڭ كارتاسى.
ماعان قىمبات اتا جۇرتتىڭ ءار تاسى.
مىنە وسىنداي بايلىق تۇڭعان ولكە بار،
بارلىعدا تاۋەلسىزدىكتىڭ ارقاسى.
ءسالتىمىزدى، ۇلتىمىزدى ساقتادىق.
ەندى بالام ايتالاسىڭ ماقتانىپ.
وتانداسىڭ، ارمانىم جوق دەدىدە،
كەتە بەردى بۇل پانيدەن اتتانىپ.
بەرەكەمەن بىرلىك بولىپ ۇرانىڭ.
جاساي بەر سەن التىن وتان تۇراعىم.
سودان بەرى جۇما سايىن اتاما،
وقىعاندا قۇرانىن.
تاۋەلسىزدىك ۇشىندە،
دۇعا ەتىپ تۇرامىن…
سالتانات قۇمارحان
kerey.kz
پىكىر قالدىرۋ